Ingobo yomlando (Novemba 2019)

UMgqibelo, Novemba 30, 2019

Noma yini eniyakukucela egameni lami ngiyakukwenza ukuba uBaba akhazimuliswe eNdodaneni.

NgokukaJohane 14:13 UJesu UBaba umkhuleko

ULwesihlanu, Novemba 29, 2019

Ungafisi indlu yomakhelwane wakho; ungafisi umfazi womakhelwane wakho, nenceku yakhe, nencekukazi yakhe, nenkabi yakhe, nembongolo yakhe, nokunye okomakhelwane wakho.

U-Eksodusi 20:17 ukwemana ukuthanda izinto ezibambekayo umthetho

Ngiyazi ukuthi akukho okuhle kubo kunokuba bathokoze, bazenzele okumnandi besekhona. Kepha futhi ukuba abantu bonke badle, baphuze, babone okuhle kuwo wonke umshikashika wabo kuyisipho sikaNkulunkulu nalokho.

UmShumayeli 3:12-13 injabulo ukuphila ukudla

ULwesithathu, Novemba 27, 2019

Ngakho-ke uma nina eningababi nikwazi ukubapha abantwana benu izipho ezinhle, kakhulu kangakanani uYihlo osezulwini uzakubapha abacela kuye uMoya oNgcwele.

NgokukaLuka 11:13 UMoya umkhuleko umndeni

ULwesibili, Novemba 26, 2019

Ningathi ngize ukuchitha umthetho nabaprofethi; angizanga ukuchitha, ngize ukugcwalisa.

NgokukaMathewu 5:17 umthetho UJesu isiprofetho

UMsombuluko, Novemba 25, 2019

Ohlakaniphile ngenhliziyo uyakwamukela imiyalo,
kepha isiwula esiphoshozayo siyakuwiswa.

IzAga 10:8 umthetho inhlakanipho inhliziyo

ISonto, Novemba 24, 2019

Ngakho vezani izithelo ezifanele ukuphenduka.

NgokukaMathewu 3:8 ukuguqulwa ukuphenduka ukuphila

UMgqibelo, Novemba 23, 2019

Ngokuba iNdodana yomuntu ize ukufuna nokusindisa okulahlekileyo.

NgokukaLuka 19:10 insindiso UJesu ukufuna

ULwesihlanu, Novemba 22, 2019

Ngokuba wena uzenzile izinso zami,
wangaluka esiswini sikamame.
Ngiyakukubonga,
ngokuba ngenziwa ngokwesabekayo nangokumangalisayo;
imisebenzi yakho iyamangalisa;
umphefumulo wami uyakwazi kahle.

AmaHubo 139:13-14 indalo izimangaliso umphefumulo

ULwesine, Novemba 21, 2019

Kepha waphendula wathi: “Kulotshiwe ukuthi: ‘Akusinkwa sodwa umuntu ayakuphila ngaso kodwa ngamazwi onke aphuma emlonyeni kaNkulunkulu.’ ”

NgokukaMathewu 4:4 ukudla IZwi likaNkulunkulu ukulalela

ULwesithathu, Novemba 20, 2019

Kepha-ke uma umuntu engabondli abakubo, kakhulu abakwakhe, ukulahlile ukukholwa, mubi kunongakholwayo.

1 kuThimothewu 5:8 umndeni ubudlelwano izingane

ULwesibili, Novemba 19, 2019

UJehova ukhulula umphefumulo wezinceku zakhe;
akakho kwabamethembayo oyakuba necala.

AmaHubo 34:22 insindiso ukuphila ukuvikela

UMsombuluko, Novemba 18, 2019

Kodwa funani kuqala umbuso kaNkulunkulu nokulunga kwakhe, khona konke lokhu kuyakwenezelwa nina.

NgokukaMathewu 6:33 ukulunga ukudla umbuso

ISonto, Novemba 17, 2019

Okholwa yimi, njengokusho kombhalo, esiswini sakhe kuyakugobhoza imifula yamanzi aphilayo.

NgokukaJohane 7:38 inkolo IZwi likaNkulunkulu ukuphila

UMgqibelo, Novemba 16, 2019

Ndodana yami, ungakhohlwa umthetho wami,
kepha inhliziyo yakho mayigcine imiyalo yami,
ngokuba iyakwenezela kuwe
ubude bezinsuku,
neminyaka yokuphila, nokuthula.

IzAga 3:1-2 umthetho ukuphila inhliziyo

ULwesihlanu, Novemba 15, 2019

Nihambe othandweni, njengalokho uKristu wanithanda, wazinikela ngenxa yethu, abe ngumnikelo nomhlatshelo, abe yiphunga elimnandi kuNkulunkulu.

Kwabase-Efesu 5:2 uthando umhlatshelo UJesu

ULwesine, Novemba 14, 2019

Akakho ongcwele njengoJehova,
ngokuba akakho noyedwa ngaphandle kwakho;
futhi alikho idwala elinjengoNkulunkulu wethu.

1 uSamuweli 2:2 UNkulunkulu ubungcwele khulekela

ULwesithathu, Novemba 13, 2019

Yilowo ohamba ngobuqotho nowenza ukulunga,
okhuluma iqiniso enhliziyweni yakhe,
ongahlebi ngolimi lwakhe,
ongamoni umngane wakhe,
nongamhlazi umakhelwane wakhe.

AmaHubo 15:2-3 iqiniso ongenasici inhlebo

ULwesibili, Novemba 12, 2019

Ngokuba munye uNkulunkulu, munye nomlamuleli phakathi kukaNkulunkulu nabantu, umuntu uKristu Jesu.

1 kuThimothewu 2:5 UNkulunkulu UJesu umlamuli

UMsombuluko, Novemba 11, 2019

Bhekani uthando olungaka asinike lona uBaba lokuba sithiwe singabantwana bakaNkulunkulu; futhi siyibo. Ngalokho izwe alisazi, ngokuba alimazanga yena.

1 kaJohane 3:1 uthando UBaba izingane

ISonto, Novemba 10, 2019

Zithokozise ngoJehova,
yikhona ezakukunika okufiswa yinhliziyo yakho.

AmaHubo 37:4 ukupha ukufuna inhliziyo

UMgqibelo, Novemba 9, 2019

Sondelani kuNkulunkulu, khona uyakusondela kinina. Hlanzani izandla nina zoni, nihlambulule izinhliziyo nina bonhliziyombili.

EkaJakobe 4:8 isibi ukuhlanzwa ukulunga

ULwesihlanu, Novemba 8, 2019

Babusiseni abanizingelayo; busisani, ningaqalekisi.

KwabaseRoma 12:14 isibusiso ushushiso

ULwesine, Novemba 7, 2019

Kukhona amacebo amaningi enhliziyweni yomuntu,
kepha isiluleko sikaJehova siyakuma.

IzAga 19:21 ukuhlela ukuqonda ukuncika

ULwesithathu, Novemba 6, 2019

Makungabikho muntu odelela ubusha bakho, kepha yiba yisibonelo kwabakholwayo ngezwi, nangenkambo, nangothando, nangokukholwa, nangokuhlanzeka.

1 kuThimothewu 4:12 inkolo uthando ukuphila

ULwesibili, Novemba 5, 2019

Uma nina niselapho nimfuna uJehova uNkulunkulu wenu, niyakumfumana, uma nimfuna ngayo yonke inhliziyo yenu nangawo wonke umphefumulo wenu.

UDuteronomi 4:29 UNkulunkulu umvuzo umphefumulo

UMsombuluko, Novemba 4, 2019

Qinani, inhliziyo yenu ibe nesibindi,
nina nonke enithemba uJehova.

AmaHubo 31:24 ngiyethemba isikhuthazo inhliziyo

ISonto, Novemba 3, 2019

Ningalingisi leli zwe, kodwa niguqulwe isimo ngokwenziwa ibe ntsha ingqondo yenu, ukuze nibe nokuhlolisisa okuyintando kaNkulunkulu, okuhle, nokuthandekayo, nokupheleleyo.

KwabaseRoma 12:2 ongenasici ukulalela umthetho ukuphila