Tahirin-kevitra (Janoary 2021)

MG1865

Alahady 31 Janoary 2021

Maniry fatratra mandritra ny andro izy;
Fa ny marina kosa manome ka tsy mba mahihitra.

Ohabolana 21:26 fitiavan-bola manomeza fitiavan-karena

Asabotsy 30 Janoary 2021

Kanefa raha izaho, dia fantatro fa velona ny Mpanavotra ahy,
ka hitsangana any am-parany eo ambonin'ny vovoka Izy.

Joba 19:25 Mpamonjy famonjena ahiahy

Zoma 29 Janoary 2021

Ity no vato izay nolavinareo mpanao trano, nefa tonga fehizoro.

Asan'ny Apostoly 4:11 Jesosy

Alakamisy 28 Janoary 2021

Matokia an'i Jehovah ianao, ka manaova soa,
dia honina amin'ny tany ianao ka ho faly amin'ny fahamarinana.

Salamo 37:3 fahatokisana filaminana hatsaram-panàhy

Alarobia 27 Janoary 2021

Koa satria niaritra tamin'ny nofo Kristy, dia alao mba ho fiadianareo izany saina izany; fa izay niaritra tamin'ny nofo dia efa afaka tamin'ny ny ota.

1 Petera 4:1 fahotana fijaliana

Ry malala, raha tsy mba manameloka antsika ny fontsika, dia manana fahasahiana eo anatrehan'Andriamanitra isika. Ary na inona na inona no angatahintsika dia raisintsika aminy, satria mitandrina ny didiny sy manao izay ankasitrahana eo imasony isika.

1 Jaona 3:21-22 fahatokisana lalàna fankatoavana

Alatsinainy 25 Janoary 2021

Misy lalana ataon'ny olona ho mahitsy,
Kanjo lalana mivarina any amin'ny fahafatesana no iafarany.

Ohabolana 14:12 rariny fiainana fahotana

Alahady 24 Janoary 2021

Ary ny iva razana amin'izao tontolo izao sy izay fanevateva no nofidin'Andriamanitra, dia ny atao ho tsy misy aza, mba hahafoana ny misy, mba tsy hisy nofo hahazo mirehareha eo anatrehan'Andriamanitra.

1 Korintiana 1:28-29 fanetren-tena fiantsoana izao tontolo izao

Asabotsy 23 Janoary 2021

Ary izao no teny renay taminy ka ambaranay aminareo: Andriamanitra dia mazava, ary tsy misy maizina akory ao aminy.

1 Jaona 1:5 fahotana Andriamanitra fahazavana

Zoma 22 Janoary 2021

Mananty tanana aminao aho;
Ny fanahiko dia tahaka ny tany mangetana eo anatrehanao.

Salamo 143:6 fiankohofana fahazoana fiankinan-doha

Alakamisy 21 Janoary 2021

Koa araka ny ananantsika andro hanaovana, dia aoka isika hanao soa amin'ny olona rehetra, indrindra fa amin'ny mpianakavin'ny finoana.

Galatiana 6:10 fahamoram-panahy manaraka hatsaram-panàhy

Alarobia 20 Janoary 2021

Iza moa no maharesy izao tontolo izao afa-tsy izay mino fa Jesosy no Zanak'Andriamanitra?

1 Jaona 5:5 finoana Jesosy fandresena

Talata 19 Janoary 2021

Nahoana no mitanondrika ianao, ry fanahiko?
ary nahoana no mitoloko ato anatiko ianao?
Manantenà an'Andriamanitra,
fa mbola hidera Azy ihany aho,
Izy no famonjena ny tavako sady Andriamanitro.

Salamo 42:11 fiankohofana fanantenana aina

Alatsinainy 18 Janoary 2021

Mampahatanjaka ny reraka Izy,
ary izay kely hery dia omeny hery be.

Isaia 40:29 tanjaka fiankinan-doha fitaovana

Alahady 17 Janoary 2021

Ho amin'ny fanahinareo anie ny fahasoavan'i Jesosy Kristy Tompo.

Filipiana 4:23 fahasoavana Jesosy fitahiana

Asabotsy 16 Janoary 2021

Toho-tantely ny teny mahafinaritra,
Ka sady mamin'ny fanahy no mahatsara ny taolana.

Ohabolana 16:24 fahamoram-panahy lahateny aina

Zoma 15 Janoary 2021

Ny tsara no tadiavo, fa aza ny ratsy,
mba ho velona ianareo;
Ka dia homba anareo Jehovah, Andriamanitry ny maro,
araka izay efa nolazainareo.

Amosa 5:14 fahamasinana valisoa mitady

Alakamisy 14 Janoary 2021

Raha velon'ny Fanahy isika, dia aoka handeha araka ny Fanahy.

Galatiana 5:25 Fanahy fiainana fanarahana

Alarobia 13 Janoary 2021

Tahaka ny halavitry ny atsinanana amin'ny andrefana
No halavitry ny anesorany ny fahotantsika amintsika.

Salamo 103:12 fahotana famonjena

Talata 12 Janoary 2021

Ry olombelona, efa naseho anao izay tsara
Sy izay ilain'i Jehovah aminao,
Dia izao ihany: Ny hanao ny marina sy ny ho tia famindram-po
Ary ny hanaraka an'Andriamanitrao amin'ny fanetren-tena.

Mika 6:8 lalàna rariny fanetren-tena

Alatsinainy 11 Janoary 2021

Ary hoy Petera taminy: Mibebaha, ary aoka samy hatao batisa amin'ny anaran'i Jesosy Kristy ianareo rehetra mba hahazo famelana ny helokareo; ary ianareo handray ny fanomezana, dia ny Fanahy Masina.

Asan'ny Apostoly 2:38 famelàn-keloka Fanahy batisa

Alahady 10 Janoary 2021

Izay mandinika ny teny no hahita soa;
Ary izay matoky an'i Jehovah no ho sambatra.

Ohabolana 16:20 fahatokisana fitahiana mihaino

Asabotsy 9 Janoary 2021

Fa ny teny ny amin'ny hazo fijaliana dia fahadalana amin'izay ho very, fa herin'Andriamanitra kosa amintsika izay hovonjena.

1 Korintiana 1:18 famonjena tanjaka fanomboana

Zoma 8 Janoary 2021

Tamin'ny nandidiako anao androany ho tia an'i Jehovah Andriamanitrao ka handeha amin'ny lalany ary hitandrina ny didiny sy ny lalàny ary ny fitsipiny, mba ho velona ianao ka hihamaro, ary mba hitahian'i Jehovah Andriamanitrao anao any amin'ny tany izay efa hidiranao holovana.

Deotoronomia 30:16 lalàna fitahiana fiainana