Tahirin-kevitra (Janoary 2024)

Alarobia 31 Janoary 2024

Tahaka ny diera mihanahana maniry ny rano
an'ony no anirian'ny fanahiko Anao, Andriamanitra ô.

Talata 30 Janoary 2024

Fa tanteraka amin'ny teny iray ihany ny lalàna rehetra, dia izao: Tiava ny namanao tahaka ny tenanao.

Galatiana 5:14 lalàna fitiavana manaraka

Alatsinainy 29 Janoary 2024

Satria raha manaiky an'i Jesosy ho Tompo amin'ny vavanao ianao ary mino amin'ny fonao fa Andriamanitra efa nanangana Azy tamin'ny maty, dia hovonjena ianao.

Romana 10:9 finoana lahateny Jesosy

Alahady 28 Janoary 2024

Zaro amin'izay lalana tokony halehany ny zaza,
Ka na rehefa antitra aza izy, dia tsy hiala amin'izany.

Ohabolana 22:6 rariny ankohonana zaza

Asabotsy 27 Janoary 2024

Ary izao no fahasahiana ananantsika eo anatrehany: Raha mangataka zavatra araka ny sitrapony isika, dia mihaino antsika Izy.

1 Jaona 5:14 fahatokisana fivavahana mihaino

Zoma 26 Janoary 2024

Fa Izaho mahalala ny hevitra iheverako anareo, hoy Jehovah, dia hevitra hahatonga fiadanana, fa tsy loza, mba hanome anareo fanantenana ny amin'ny farany.

Jeremia 29:11 fandrindrana fitahiana fanantenana

Alakamisy 25 Janoary 2024

Lehibe Jehovah ka tokony hoderaina indrindra;
Ary tsy takatry ny saina ny fahalehibiazany.

Salamo 145:3 fiankohofana mahatakatra andriamanitra lehibe

Alarobia 24 Janoary 2024

Tezera, fa aza manota; ary aoka tsy ho tratry ny masoandro milentika ny fahatezeranareo. Aza manome fitoerana ho an'ny devoly.

Efesiana 4:26-27 fahotana hatezerana faharatsiana

Talata 23 Janoary 2024

Koa mitafia famindram-po sy fiantrana,, fahamoram-panahy, fanetren-tena, fahalemem-panahy, fandeferana, araka ny olom-boafidin'Andriamanitra sady masina no malala.

Kolosiana 3:12 fanetren-tena fahamoram-panahy faharetana

Alatsinainy 22 Janoary 2024

Fa izaho, dia feo midera
no entiko mamono zavatra hatao fanatitra ho Anao,
Ary izay nivoadiako dia hefaiko;
An'i Jehovah ny famonjena.

Jona 2:10 famonjena fankasitrahana sorona

Alahady 21 Janoary 2024

Koa mifaneke heloka ianareo, ary mifampivavaha, mba ho sitrana ianareo. Ny fiàsan'ny fivavaky ny marina dia mahery indrindra.

Jakoba 5:16 rariny fahasitranana fivavahana

Mba homeny anareo, araka ny haren'ny voninahiny, ny mba hohatanjahina fatratra amin'ny Fanahiny ny toe-panahinareo; mba hitoeran'i Kristy ao am-ponareo amin'ny finoana, ka hamaka sy hiorina mafy amin'ny fitiavana ianareo.

Efesiana 3:16-17 finoana fitiavana Fanahy

Zoma 19 Janoary 2024

Hanome anao araka ny fonao anie
Izy ary hahatanteraka ny fisainanao rehetra.

Salamo 20:4 fandrindrana fitahiana fo

Alakamisy 18 Janoary 2024

Nefa aoka hangataka amin'ny finoana izy ka tsy hiahanahana akory; fa izay miahanahana dia toy ny alon-dranomasina entin'ny rivotra ka atopatopany.

Jakoba 1:6 fahatokisana finoana fivavahana

Alarobia 17 Janoary 2024

Ary hoy izaho aminareo: Mangataha, dia homena ianareo; mitadiava, dia hahita ianareo; dondony, dia hovohana ianareo.

Lioka 11:9 fivavahana mitady fitokisana

Talata 16 Janoary 2024

Izay fatra-panaraka fahamarinana sy famindram-po
Dia hahazo fiainana sy fahamarinana ary voninahitra.

Ohabolana 21:21 fitiavana rariny fiainana

Alatsinainy 15 Janoary 2024

Kanefa hoy Izaho aminareo izay mihaino: Tiava ny fahavalonareo; manaova soa amin'izay mankahala anareo; misaora izay manozona anareo, ary mivavaha ho an'izay manisy ratsy anareo.

Lioka 6:27-28 fankatoavana fitahiana fivavahana

Alahady 14 Janoary 2024

Miaraha mifaly amin'izay mifaly, ary miaraha mitomany amin'izay mitomany.

Romana 12:15 fifaliana mamindra fo fisaonana

Asabotsy 13 Janoary 2024

Mampianara anay hanisa ny andronay,
Hahazoanay fo hendry.

Salamo 90:12 fandrindrana fahendresena fo

Zoma 12 Janoary 2024

Raha tia Ahy ianareo, dia hitandrina ny didiko.

Jaona 14:15 lalàna fitiavana Jesosy

Alakamisy 11 Janoary 2024

Fa ianao kosa dia milazà izay miendrika ny fampianarana tsy misy kilema.

Titosy 2:1 lahateny fitoriana ny filazantsara mianatra

Alarobia 10 Janoary 2024

Hitahy anao anie Jehovah ka hiaro anao;
Hampamirapiratra ny tavany aminao anie Jehovah ka hamindra fo aminao;
Hanandratra ny tavany aminao anie Jehovah ka hanome anao fiadanana.

Nomery 6:24-26 fahasoavana fitahiana fiadanana

Talata 9 Janoary 2024

Ary ho an'ny Mpanjaka tsy manan-taloha, tsy mety maty, tsy hita, dia ho an'Andriamanitra tokana ihany anie ny laza sy ny voninahitra mandrakizay mandrakizay. Amena.

1 Timoty 1:17 fiankohofana andriamanitra lehibe fanjakana

Alatsinainy 8 Janoary 2024

Ary Andriamanitry ny fanantenana anie hameno anareo amin'ny fifaliana sy ny fiadanana rehetra amin'ny finoanareo, mba hitomboanareo amin'ny fanantenana noho ny herin'ny Fanahy Masina.

Romana 15:13 finoana Fanahy fanantenana

Alahady 7 Janoary 2024

Ka dia Jehovah no ho fiarovana avo ho an'ny mahantra,
ho fiarovana avo amin'ny andro fahoriana Izy.

Salamo 9:9 fiarovana filaminana

Asabotsy 6 Janoary 2024

Fa isika tsy manana mpisoronabe izay tsy mahay miara-mitondra ny fahalementsika, fa Izay efa nalaim-panahy tamin'ny zavatra rehetra tahaka antsika, kanefa tsy nanana ota.

Hebreo 4:15 fahotana fakam-panahy mamindra fo

Zoma 5 Janoary 2024

Toy ny tsy ahafantaranao ny amin'ny alehan'ny rivotra, na ny amin'ny fitombon'ny taolana ao an-kibon'izay manan'anaka, dia toy izany no tsy ahafantaranao ny asan'Andriamanitra, Mpanao ny zavatra rehetra.

Mpitoriteny 11:5 Andriamanitra mahatakatra

Alakamisy 4 Janoary 2024

Izay manentsin-tadiny tsy hihaino ny lalàna,
Na ny fivavahany aza dia fahavetavetana.

Ohabolana 28:9 fivavahana fankatoavana mihaino

Alarobia 3 Janoary 2024

Fantaro ny zavatra rehetra; hazòny mafy izay tsara. Fadio ny fanao ratsy rehetra.

1 Tesaloniana 5:21-22 mahatakatra faharatsiana faminaniana

Talata 2 Janoary 2024

Ary aoka samy halemy fanahy amin'ny namany avy ianareo, ka hifampiantra sy hifamela heloka, tahaka ny namelan'Andriamanitra ny helokareo ao amin'i Kristy.

Efesiana 4:32 famelàn-keloka mamindra fo hatsaram-panàhy