Tahirin-kevitra (Septambra 2024)

Alatsinainy 30 Septambra 2024

Fa izay rehetra miantso ny anaran'ny Tompo no hovonjena.

Romana 10:13 Andriamanitra famonjena fiankohofana

Alahady 29 Septambra 2024

Fa ny Soratra Masina efa nanidy azy rehetra teo amin'ny fahotana, mba homena ny mino ny teny fikasana noho ny finoana an i Jesosy Kristy.

Galatiana 3:22 fahotana fahatokisana finoana

Asabotsy 28 Septambra 2024

Dia ho tahaka izany ny teniko izay aloaky ny vavako:
Tsy hiverina amiko foana izy,
raha tsy efa mahatanteraka izay sitrako
ary ambinina amin'izay ampandehanako azy.

Isaia 55:11 Tenin'Andriamanitra lahateny fitokisana

Zoma 27 Septambra 2024

Miareta tory sy mivavaha ianareo, mba tsy hidiranareo amin'ny fakam-panahy; mety ihany ny fanahy, fa ny nofo no tsy manan-kery.

Matio 26:41 fivavahana fakam-panahy faniriana

Alakamisy 26 Septambra 2024

Tsy maintsy misaotra an'Andriamanitra mandrakariva izahay noho ny aminareo. ry rahalahy, fa mahamendrika isany, satria mitombo fatratra ny finoanareo, ary be ny fifankatiavanareo rehetra.

2 Tesaloniana 1:3 finoana fitiavana fankasitrahana

Alarobia 25 Septambra 2024

Eny tokoa, fahasoavana sy famindram-po no hanaraka ahy
amin'ny andro rehetra hiainako,
dia hitoetra ao an-tranon'i Jehovah andro lava aho.

Salamo 23:6 fahasoavana fiainana manodidina

Talata 24 Septambra 2024

Fa tahaka ny zaza vao teraka dia maniria ny rononom-panahy tsy misy fitaka, mba hitomboanareo amin'izany ho amin'ny famonjena.

1 Petera 2:2 famonjena hanina Tenin'Andriamanitra

Alatsinainy 23 Septambra 2024

Sambatra ny malahelo am-panahy; fa azy ny fanjakan'ny lanitra.

Matio 5:3 fitahiana fanetren-tena fanjakana

Alahady 22 Septambra 2024

Izay te-ho be fitiavana dia manaron-keloka;
Fa izay mamohafoha teny mampisaraka ny tena mpisakaiza.

Ohabolana 17:9 famelàn-keloka namana

Fa efa miseho ny fahasoavan'Andriamanitra, izay famonjena ny olona rehetra, mampianatra antsika handà izay toe-panahy tsy araka an'Andriamanitra sy ny filan'izao tontolo izao ary ho velona amin'ny onony sy ny marina ary ny toe-panahy araka an'Andriamanitra amin'izao fiainana ankehitriny izao.

Titosy 2:11-12 fahasoavana rariny famonjena

Zoma 20 Septambra 2024

Satria tsy misy nofo hohamarinina amin'ny asan'ny lalàna eo anatrehany; fa ny lalàna no ahazoana ny fahalalana marina ny amin'ny ota.

Romana 3:20 fahotana lalàna rariny

Alakamisy 19 Septambra 2024

Halaviro ny ratsy, manaova soa;
mitadiava fihavanana, ka araho izany.

Salamo 34:14 faharatsiana hatsaram-panàhy fiadanana

Alarobia 18 Septambra 2024

Ary hoy indray Jesosy taminy: Fiadanana ho anareo; tahaka ny nanirahan'ny Ray Ahy no anirahako anareo kosa.

Jaona 20:21 fiadanana Ray fitoriana ny filazantsara

Talata 17 Septambra 2024

Soa ny teny aloaky ny vavan'ny hendry;
fa ny molotry ny adala kosa mitelina ny tenany.

Mpitoriteny 10:12 lahateny fahendresena

Alatsinainy 16 Septambra 2024

Sambatra ny mpampihavana;
fa izy no hatao hoe zanak'Andriamanitra.

Matio 5:9 fitahiana fiadanana zaza

Alahady 15 Septambra 2024

Ary ny Fanahiko no hataoko ao anatinareo, ka hahatonga anareo handeha araka ny lalàko sy hitandrina ny fitsipiko ka hanaraka azy.

Ezekiela 36:27 Fanahy lalàna fanarahana

Asabotsy 14 Septambra 2024

Ary Izy no Lohan'ny tena, dia ny fiangonana; Izy no voalohany, dia ny Lahimatoa tamin'ny maty, mba ho Lohany amin'ny zavatra rehetra Izy.

Kolosiana 1:18 fiangonana Jesosy fitsanganana amin'ny maty

Zoma 13 Septambra 2024

Ny famonjena antsika dia amin'ny anaran'i Jehovah,
Mpanao ny lanitra sy ny tany.

Salamo 124:8 famoroana izao tontolo izao Andriamanitra lanitra

Alakamisy 12 Septambra 2024

Fa ny trano rehetra dia samy nisy mpanao azy; fa Izay nanao ny zavatra rehetra kosa dia Andriamanitra.

Hebreo 3:4 famoroana izao tontolo izao Andriamanitra

Alarobia 11 Septambra 2024

Mandehana amin'ny fahendrena amin'izay ao ivelany, hararaoty ny andro azo anaovan-tsoa. Aoka ny fiteninareo ho amin'ny fahasoavana mandrakariva, ho mamy sira, mba ho fantatrareo izay tokony havalinareo ny olona rehetra.

Kolosiana 4:5-6 fahamoram-panahy fahendresena lahateny

Talata 10 Septambra 2024

Ny mahafaty sy ny mahavelona samy hain'ny lela,
Koa izay manarana azy dia hihinana ny vokany.

Ohabolana 18:21 lahateny fitahiana fifehezan-tena

Alatsinainy 9 Septambra 2024

Ary hoy Izy: Aba, Raiko ô, ny zavatra rehetra hainao; esory amiko ity kapoaka ity; nefa aoka tsy ny sitrapoko anie no hatao, fa ny Anao.

Marka 14:36 paka Ray Jesosy

Alahady 8 Septambra 2024

Koa dia finaritra aho amin'ny fahalemena, amin'ny fampahoriana, amin'ny fahaterena, amin'ny fanenjehana, amin'ny fahantrana, noho ny amin'i Kristy; fa ny fahalemeko no fahatanjahako.

2 Korintiana 12:10 fifaliana tanjaka fanenjehana

Asabotsy 7 Septambra 2024

Akory re ny haben'ny zava-tsoanao voarakitrao
ho an'ny matahotra Anao!
dia izay nataonao teo anatrehan'ny zanak'olombelona
ho an'izay mialoka aminao!

Salamo 31:19 fahatokisana tahotra fitahiana

Zoma 6 Septambra 2024

Ho amin'ny fanahinareo anie ny fahasoavan'i Jesosy Kristy Tompontsika. Amena.

Filemona 1:25 fahasoavana Jesosy fitahiana

Alakamisy 5 Septambra 2024

Fa Andriamanitry ny faharetana sy ny fiononana anie hampiray hevitra anareo araka an 'i Kristy Jesosy.

Romana 15:5 fiaraha-monina fankaherezana faharetana

Alarobia 4 Septambra 2024

Ary hiteny ianao amin'izany andro izany ka hanao hoe:
Miderà an'i Jehovah, miantsoa ny anarany,
ampahafantaro any amin'ny firenena ny asany.
Ampahatsiarovy fa efa misandratra ny anarany.

Isaia 12:4 lahateny fitoriana ny filazantsara fiankohofana

Talata 3 Septambra 2024

Izay mino sy atao batisa no hovonjena; fa izay tsy mety mino no hohelohina.

Marka 16:16 finoana famonjena batisa

Alatsinainy 2 Septambra 2024

Fa ianareo rehetra dia zanak'Andriamanitra amin'ny finoana an'i Kristy Jesosy. Fa na iza na iza ianareo no natao batisa ho an'i Kristy dia nitafy an'i Kristy.

Galatiana 3:26-27 finoana batisa zaza