Gcina (Septemba 2024)

2024 Septemba 30, Mvulo

Kuba: “Lowo uzibika ebiza igama leNkosi wosindiswa.”

KWABASEROMA 10:13 uThixo usindiso unqulo

2024 Septemba 29, Cawe

Kodwa ke iziBhalo ngokwazo zithi ihlabathi liphela lilawulwa sisono. Ngale ndlela ke isithembiso sifumaneka ngokholo kuYesu Krestu, futhi ke sizuzwa ngâbo bakholwayo bodwa.

KUMAGALATI 3:22 isono thembela ukholo

2024 Septemba 28, Mgqibelo

Likwanjalo ke nelizwi endilithethayo:
alibuyi lilambatha,
koko liyawufezekisa umnqweno wam,
liliqaqambise icebo lam.

UISAYA 55:11 ILizwi likaThixo ukuthetha ukuthembeka

2024 Septemba 27, Lwesihlanu

Lindani nithandaze, ukuze ningangeni ekuhendweni. Intliziyo yona okunene inentumekelelo, ke wona umzimba ubuthathaka.

UMATEWU 26:41 umthandazo isilingo iminqweno

Kufanelekile ukuba simbulele uThixo ngawo onke amaxesha ngenxa yenu, mawethu. Ewe, kulunge kanye ukuba simbulele ngenxa yokuba ukholo lwenu luya lusanda ngokwanda. Yaye nokuthandana kwenu kuya kukhula ngakumbi nangakumbi.

2 KWABASETESALONIKA 1:3 ukholo uthando umbulelo

2024 Septemba 25, Lwesithathu

Ngoko ke ndiya kulandelwa kokulungileyo nabububele,
umzi wakho ube likhaya lam yonke imihla yobomi bam.

INdumiso 23:6 ubabalo ubomi ukusondela

2024 Septemba 24, Lwesibini

Njengamakholwa aseziintsana langazelelani ubisi olungangxengwanga: ndixela ilizwi likaThixo eliya kunikhulisa nide nisindiswe.

1 KAPETROS 2:2 usindiso ukutya ILizwi likaThixo

2024 Septemba 23, Mvulo

Banoyolo abo bazilahlela kuThixo, kuba balawulwa nguThixo bona!

UMATEWU 5:3 intsikelelo ukuthobeka ubukumkani

2024 Septemba 22, Cawe

Obugubungelayo ubugwenxa uzicengezelela ukuthandwa,
kodwa lowo umana ewunokoza umcimbi uchitha ubuhlobo.

IZAFOBE 17:9 uxolelo ubuhlobo

2024 Septemba 21, Mgqibelo

Kaloku uThixo usibonakalisile isisa sakhe, ukuze asindise lonke uluntu. Ngaso safundiswa ukuzilumla kwizinto ezisahlukanisa noThixo, nakwiminqweno emibi. Sifundiswe nokuhlala singcathu sinyanisekile, nokuhlonela uThixo kobu bomi.

KUTITO 2:11-12 ubabalo ubulungisa usindiso

2024 Septemba 20, Lwesihlanu

Kaloku akukho mntu uya kuba lilungisa kuThixo ngakugcina kwakhe umthetho; into eyenziwa ngumthetho kukwazisa abantu ngesono.

KWABASEROMA 3:20 isono umthetho ubulungisa

2024 Septemba 19, Lwesine

Makahlukane nobubi, enze okulungileyo;
makaphuthume uxolo, ahlale kulo.

INdumiso 34:14 ububi ukulunga uxolo

2024 Septemba 18, Lwesithathu

Waphinda wathi kubo uYesu: “Uxolo malube nani. Njengokuba uBawo endithumile mna, nani ndiyanithuma.”

UYOHANE 20:21 uxolo UTata ukuvangela

2024 Septemba 17, Lwesibini

Anendili amazwi aphuma emlonyeni wesilumko,
ukanti ke sona isityhakala sizitshabalalisa ngemilebe yaso.

AMAVA ENGQONDI 10:12 ukuthetha ubulumko

2024 Septemba 16, Mvulo

Banoyolo abo bangabaxolisi, kuba uThixo uya kuthi bangabantwana bakhe!

UMATEWU 5:9 intsikelelo uxolo abantwana

2024 Septemba 15, Cawe

Ndiya kufaka uMoya wam kuni, nitsho nilulamele imimiselo yam, niyigcine ngononelelo imithetho yam.

UHEZEKILE 36:27 Umoya umthetho ukulandela

2024 Septemba 14, Mgqibelo

Intloko yomzimba olibandla lakhe ikwanguye.
Nguye ulibo, owokuqala ukuvuswa ekufeni,
khon' ukuze yena abe sisiqalo ezintweni zonke.

KWABASEKOLOSE 1:18 icawa UYesu uvuko

2024 Septemba 13, Lwesihlanu

Uncedo lwethu luvela kuNdikhoyo
ongumdali wamazulu nehlabathi.

INdumiso 124:8 indalo uThixo izulu

2024 Septemba 12, Lwesine

Indlu nganye inomakhi wayo, kodwa ke nguThixo umseki wazo zonke izinto.

KUMAHEBHERE 3:4 indalo uThixo

2024 Septemba 11, Lwesithathu

Yilumkeleni indlela eniziphatha ngayo phambi kwabo bangakholwayo, nilisebenzise kakuhle ithuba eninalo. Incoko yenu mayisoloko imnandi, inika umdla. Fundani ukucebisana kakuhle nomntu ngamnye enidibana naye.

KWABASEKOLOSE 4:5-6 ubulali ubulumko ukuthetha

2024 Septemba 10, Lwesibini

Ukuthetha komntu kulawula ukuphila nokufa;
ke othetha kakhulu uvuna iziqhamo zaloo nto.

IZAFOBE 18:21 ukuthetha intsikelelo ukuzibamba

2024 Septemba 9, Mvulo

Bawo, wena akuxakwa nto. Yisuse kum le ntlungu. Noko ke, makungabi kokuthandwa ndim, makube kukuthanda kwakho.

UMARKO 14:36 ipasika UTata UYesu

2024 Septemba 8, Cawe

Ndanelisekile ke ngoko nokuba ndibuthathaka, nokuba ndiyagxekwa, nokuba nditsala nzima, nditshutshiswa, ndithwala iimbandezelo ngenxa kaKrestu. Kuba xa ndibuthathaka, kuxa kanye ndinamandla.

2 KWABASEKORINTE 12:10 uvuyo amandla intshutshiso

2024 Septemba 7, Mgqibelo

Hayi ubuhle bezinto ozigcinele abo bakuhlonelayo, Ndikhoyo;
zintle kambe izinto ozenzela abo bakholose ngawe!

INdumiso 31:19 thembela uloyiko intsikelelo

2024 Septemba 6, Lwesihlanu

Ubabalo lweNkosi uYesu Krestu maluhlale nani nonke.

KUFILMON 1:25 ubabalo UYesu intsikelelo

2024 Septemba 5, Lwesine

Wanga ke uThixo, osinika unyamezelo nenkuthazo, anganenza nibe moya mnye ngokwentando kaKrestu Yesu.

KWABASEROMA 15:5 uluntu ukhuthazo umonde

2024 Septemba 4, Lwesithathu

Ewe, ngaloo mini niya kusuka nithi:
“Masidomboze sibulele uNdikhoyo;
ewe, masiqambe sinqule igama lakhe.
Imisebenzi yakhe masiyibhengeze ezizweni;
masishumayele sibuxele ubukhulu bakhe.”

UISAYA 12:4 ukuthetha ukuvangela unqulo