Gcina (Agasti 2024)

2024 Agasti 31, Mgqibelo

Kananjalo nabani na othe wabiza igama leNkosi uya kusindiswa.

UMSEBENZI WABATHUNYWA 2:21 usindiso unqulo umthandazo

2024 Agasti 30, Lwesihlanu

Hayi, ndabayalela ndisithi: ‘Liphulaphuleni ilizwi lam, khon' ukuze ndibe nguThixo wenu, nina nibe ngabantu bam. Ewe, hambani ngendlela yonke endinimisele yona, nize nilungelwe.’

UJEREMIYA 7:23 ukuthobela intsikelelo

2024 Agasti 29, Lwesine

Eyona nto emawuyilondoloze ngaphezu kwazo zonke ezinye yintliziyo yakho,
kuba yona ingumthombo wobomi.

IZAFOBE 4:23 ubomi intliziyo ukukhuselwa

2024 Agasti 28, Lwesithathu

Andizanga kubiza malungisa, ndize kubiza aboni, ukuba baguquke.

ULUKA 5:32 isono inguquko uguqulo

2024 Agasti 27, Lwesibini

Ngoko ke sazila sakhunga kuThixo wethu ngalo mbandela, waza wawuphendula umthandazo wethu.

UEZRA 8:23 ukuzila ukutya umthandazo

2024 Agasti 26, Mvulo

UThixo wethu usemazulwini;
yena wenza loo nto ayithandayo.

INdumiso 115:3 uThixo izulu ukuxhomekeka

2024 Agasti 25, Cawe

UThixo unguMoya; abo ke bamnqulayo kufuneka bamnqule ngoMoya benyanisekile.

UYOHANE 4:24 inyaniso unqulo Umoya

2024 Agasti 24, Mgqibelo

Ngoko ke asilangazeleli zinto zibonwayo, silangazelela ezingabonwayo. Kaloku ezibonwayo izinto zezexeshana nje, kanti ezingabonakaliyo ziya kuhlala zihleli.

2 KWABASEKORINTE 4:18 ubomi obungunaphakade ukuthanda izinto eziphathekayo ukuqonda

Ungaze wahlukane nentembeko nokunyaniseka.
Maxa onke ezi zinto mazibe sisivatho entanyeni yakho.
Ewe, zikrole elucwecweni lwentliziyo yakho.
Ukuba uyayenza ke loo nto uya kuhlala wamkelekile,
ube negama elihle kuThixo nasebantwini.

IZAFOBE 3:3-4 uthando ibuyiselo intliziyo

2024 Agasti 22, Lwesine

Uthando aluvuyiswa bububi, luvuyiswa yinyaniso. Uthando aluncami; lukholwa zizinto zonke, luthemba izinto zonke, lunyamezela izinto zonke.

1 KWABASEKORINTE 13:6-7 uthando inyaniso ububi

2024 Agasti 21, Lwesithathu

Ndingade ndibe naso nesiphiwo sokushumayela ngefuthe, ndinalo lonke ulwazi, ndizazi nezinto ezingàziwa mntu, ndinalo nokholo olugungqisa iintaba, kodwa ndingenalo uthando, andinto konke!

1 KWABASEKORINTE 13:2 ukholo uthando isiprofeto

2024 Agasti 20, Lwesibini

Kaloku yeyomzuzwana ingqumbo yakhe;
ukanti buhlala buhlel' ububele bakhe.
Ewe, zibakho zon' iinzingo ebusuku,
kodwa kusasa kuba yimincili yodwa.

INdumiso 30:5 uthando umonde usizi

2024 Agasti 19, Mvulo

Musani ukuba natyala lanto mntwini, lingelilo elokuthandana. Kaloku omthandayo omnye uwuthobele ngokupheleleyo umthetho.

KWABASEROMA 13:8 umthetho uthando ityala

2024 Agasti 18, Cawe

Unoyolo lowo uzinyamezelayo izilingo, kuba kaloku, lakudlula uvavanyo, uya kuzuza umvuzo obubomi uThixo abuthembise abo bamthandayo.

EKAYAKOBI 1:12 ibuyiselo isilingo ubomi

2024 Agasti 17, Mgqibelo

Ukundivukela kwakho ndikuphuthisile;
isono sakho sithe shwaka okwenkungu.
Buyela kum; ndim umkhululi wakho.

UISAYA 44:22 isono usindiso uguqulo

2024 Agasti 16, Lwesihlanu

Kaloku nathi sinobudlelane noKrestu, xa sinamathele kwada kwasekupheleni kwisivumo sethu.

KUMAHEBHERE 3:14 ukholo thembela ubomi

2024 Agasti 15, Lwesine

Nina madoda, bathandeni abafazi benu, kanye ngale ndlela alithande ngayo uKrestu ibandla, waza wanikela ngobomi bakhe ngenxa yalo. Le nto uyenze ukuze libe libango lakhe ibandla. Ulicocile walihlamba ngamanzi ngamandla elizwi lakhe.

KWABASE-EFESE 5:25-26 uthando ukusulungekiswa ubudlelwane