Gcina (Julayi 2024)

2024 Julayi 31, Lwesithathu

Khumbulani kaloku ukuba uNdikhoyo uThixo wenu lo nguThixo ekukuphela kwakhe, kungekho wumbi ngaphaya; futhi ke uthembekile. Uyawugcina umnqophiso wakhe, futhi izibele zakhe ziphuphumela kwâbo bamthandayo beyigcina imiyalelo yakhe kuse kumawaka ezizukulwana.

UHLAZIYO-MNQOPHISO 7:9 ukuthembeka umthetho uThixo

2024 Julayi 30, Lwesibini

UNdikhoyo utsho ukuthi:
“Mna ndingulowo ukuthuthuzelayo;
ngani ke ukuba woyike umntu –
into evuthuluka njengengca?”

UISAYA 51:12 umthuthuzeli uloyiko ukhuthazo

2024 Julayi 29, Mvulo

Ubabalo lweNkosi uYesu Krestu, nothando lukaThixo, nobudlelane boMoya oyiNgcwele, maluhlale nani nonke.

2 KWABASEKORINTE 13:13 ubabalo intsikelelo uMoya oyiNgcwele

2024 Julayi 28, Cawe

Uze ungabulali, uze ungakrexezi, uze ungebi, uze ungangqini buxoki, beka uyihlo nonyoko, uze umthande ummelwane wakho kanye ngale ndlela uzithanda ngayo nawe.

UMATEWU 19:18b-19 umthetho uthando usapho

2024 Julayi 27, Mgqibelo

Ilizwi lakho sisibane sendlela yam;
liyandikhanyisela eluhambeni.

INdumiso 119:105 ILizwi likaThixo ukukhanya

2024 Julayi 26, Lwesihlanu

Kuba kaloku uNdikhoyo uThixo wenu unesisa novelwano. Akasayi kunifulathela ukuba nibuyela kuye.

2 YEZIGANEKO 30:9b ubabalo inguquko uguqulo

2024 Julayi 25, Lwesine

Wathi kubo uYesu: “Ndim isonka sobomi. Ozayo kum akasoze alambe, nokholwayo kum akasoze anxanwe.”

UYOHANE 6:35 ukholo ukutya ubomi

2024 Julayi 24, Lwesithathu

Musa ukuzibona usisilumko wena ngokwakho;
ndaweni yaloo nto hlala umhlonela uNdikhoyo, ubucezele ububi.
Loo nto iya kuwunika impilo umzimba wakho,
atsho omelezeke amathambo akho.

IZAFOBE 3:7-8 ukumoyika uthixo intsikelelo ububi

2024 Julayi 23, Lwesibini

Ukuba ninolangazelelo, uThixo uyawamkela umnikelo wenu. Kaloku uThixo ufuna umntu aphe ngokobungakanani bezinto anazo, ingebubo obezinto angenazo.

2 KWABASEKORINTE 8:12 ukhuthazo ukupha isisa

2024 Julayi 22, Mvulo

Kodwa kodwa kuxa ndingubani mna, beyintoni bona aba bantu bam, ukuba singade sibe nako ukukwenzela izinwe ngolu hlobo? Kaloku yonke into iphuma kuwe, ngoko ke nangoku sikunika kwaoko kuphuma esandleni sakho.

1 YEZIGANEKO 29:14 imali ukupha ukuxhomekeka

2024 Julayi 21, Cawe

Obo buncinanana linabo ilungisa,
bungcono kunentaphane ezinayo izikrelemnqa,
kuba uya kuzaphul' iimpondo uNdikhoyo izikrelemnqa,
awenzelelele wona amalungisa.

INdumiso 37:16-17 isono imali ubulungisa

2024 Julayi 20, Mgqibelo

Musani ukuba ngamathandamali. Yanelani yinto eninayo. Kaloku uThixo uthi: “Andiyi kukuyekela; ndingayi kukufulathela.”

KUMAHEBHERE 13:5 thembela imali ukuthanda izinto eziphathekayo

2024 Julayi 19, Lwesihlanu

Khaniqwalasele iintaka. Azihlwayeli, azivuni, azigcini siseleni, kanti uYihlo osezulwini uyazondla. Ke, kungakanani na ukuxabiseka kwenu kunazo!

UMATEWU 6:26 ixabisekile thembela UTata

2024 Julayi 18, Lwesine

Isiseko sobulumko kukuthobela uNdikhoyo,
kambe ke zona izityhakala zibujongele phantsi ubulumko nengqeqesho.

IZAFOBE 1:7 ukumoyika uthixo ubulumko ukufunda

2024 Julayi 17, Lwesithathu

Kuba xa simanyene noKrestu, ukwaluka nokungaluki akubalulekanga, into ebalulekileyo lukholo olucaciswa luthando.

KUMAGALATI 5:6 ukholo uthando UYesu

2024 Julayi 16, Lwesibini

Uxolo eniluphiwa nguKrestu malube lulo olugweba iintliziyo zenu, kuba uThixo wanibizela kolu xolo ukuze nibe ngamalungu omzimba omnye. Phuphumani ke ngumbulelo.

KWABASEKOLOSE 3:15 UYesu uxolo umbulelo

2024 Julayi 15, Mvulo

Kaloku uNdikhoyo uyakuthanda okulungileyo;
akayi kubafulathela abantu bakhe.
Wasoloko ebakhusela uNdikhoyo,
kodwa yona inzala yamatshijolo iyanqunyulwa.

INdumiso 37:28 ubomi obungunaphakade ukuthembeka ubulungisa

2024 Julayi 14, Cawe

Akwaba bebeya kusoloko benezimvo ezinje! Akwaba bebeya kuhlala bendihlonipha bayithobele imiyalelo yam, khon' ukuze balungelwe bona nezizukulwana zabo naphakade.

UHLAZIYO-MNQOPHISO 5:29 umthetho ukuthobela intsikelelo

2024 Julayi 13, Mgqibelo

Imibulelo neziqalekiso zimpompoza mlonyeni mnye. Mawethu, mayingenzeki le nto!

EKAYAKOBI 3:10 isono ukuthetha unqulo

2024 Julayi 12, Lwesihlanu

Bamele ubabonelele ngokwasemthethweni;
ncedisana nabo abahlelelekileyo nabasweleyo.

IZAFOBE 31:9 ubulungisa ukuthetha ukupha

2024 Julayi 11, Lwesine

Ke yena wathi: “Yithi kanye: unoyolo lowo ulivayo ilizwi likaThixo alenze.”

ULUKA 11:28 ILizwi likaThixo ubomi ukuphulaphula

2024 Julayi 10, Lwesithathu

Ndinako ukumelana nayo nayiphi na imeko ngenxa yamandla alowo undomelezayo.

KWABASEFILIPI 4:13 uThixo amandla ukukhuselwa

2024 Julayi 9, Lwesibini

Kambe ke, ngeny' imini, Ndikhoyo,
luya kubalasela uthando lwakho.
Ndiya kuphikelela ndikudumise ebusuku,
ndithandaze kuThixo endixhomekeke kuye.

INdumiso 42:8 uthando unqulo umthandazo

2024 Julayi 8, Mvulo

Ndifuna bahlale bomelele, bemanyene ngothando, ukuze bafikelele ekuqinisekeni ngokupheleleyo ngengqondo, beyiqiqa imfihlelo kaThixo. Loo mfihlelo ke nguKrestu ngenkqu.

KWABASEKOLOSE 2:2 UYesu ukhuthazo uthando