Jona 2025

Fony aho nanao hoe: Mangozohozo ny tongotro,
Dia ny famindram-ponao, Jehovah ô, no nanohana ahy.

Salamo 94:18 fitokisana fitiavana fiankinan-doha

Alahady 29 Jona 2025

Fa raha mandeha eo amin'ny mazava isika, tahaka Azy eo amin'ny mazava, dia manana firaisana isika, ary ny ran'i Jesosy Zanany no manadio antsika ho afaka amin'ny ota rehetra.

1 Jaona 1:7 fanadiovana sorona fiaraha-monina

Asabotsy 28 Jona 2025

Fa izaho kosa dia hanandrandra an'i Jehovah,
Eny, hiandry an'Andriamanitry ny famonjena ahy aho;
Andriamanitro no hihaino ahy.

Mika 7:7 fanantenana famonjena mihaino

Zoma 27 Jona 2025

Jehovah ô, sitrano aho, dia ho sitrana;
Vonjeo aho, dia ho voavonjy;
Fa Hianao no fiderako.

Jeremia 17:14 aretina fiderana fahasitranana

Alakamisy 26 Jona 2025

Ary raha manota aminao ny rahalahinao, dia mankanesa any aminy, ka rehefa mitokana ianareo roa lahy, dia asehoy azy ny fahadisoany. Raha mihaino anao izy, dia efa azonao ny rahalahinao.

Matio 18:15 fahotana lahateny mihaino

Alarobia 25 Jona 2025

Aza mety ho resin'ny ratsy ianao, fa reseo amin'ny soa ny ratsy.

Romana 12:21 faharatsiana hatsaram-panàhy fandresena

Talata 24 Jona 2025

Jehovah ô, henoy ny fivavako,
ary atongilano amin'ny fifonako ny sofinao;
Valio aho araka ny teninao marina sy ny fahamarinanao.

Salamo 143:1 fitokisana rariny fivavahana

Alatsinainy 23 Jona 2025

Ary na inona na inona no angatahinareo amin'ny fivavahana atao amin'ny finoana dia ho azonareo.

Matio 21:22 fitokisana finoana fivavahana

Alahady 22 Jona 2025

Ary raha misy ianareo tsy manam-pahendrena, aoka izy hangataka amin'Andriamanitra, Izay manome malalaka ho an'ny olona rehetra sady tsy mandatsa; ary dia homena azy izany.

Jakoba 1:5 fahendresena fahazoana fahalalahan-tanana

Asabotsy 21 Jona 2025

Maina ny ahitra, malazo ny voniny;
Fa ny tenin'Andriamanitsika dia haharitra mandrakizay.

Isaia 40:8 fitokisana Andriamanitra Tenin'Andriamanitra

Koa amin'izany dia tsy manan-kalahatra ianao, ralehilahy, na zovy na zovy ianao izay mitsara; fa izay itsaranao ny sasany no anamelohanao ny tenanao koa, fa ianao izay mitsara aza dia mba manao izany ihany koa.

Romana 2:1 rariny fitsarana manaraka

Alakamisy 19 Jona 2025

Koa amin'izany dia lehibe Hianao, Jehovah Andriamanitra; fa tsy misy tahaka Anao, ka tsy misy Andriamanitra afa-tsy Hianao araka izay rehetra ren'ny sofinay.

2 Samoela 7:22 Andriamanitra fiankohofana

Alarobia 18 Jona 2025

Miandrasa an'i Jehovah ianao;
matokia, ary aoka hahery ny fonao;
eny, miandrasa an'i Jehovah.

Salamo 27:14 fahatokisana faharetana herim-po

Talata 17 Jona 2025

Fa Kristy no anton'ny ahavelomako, ary ny fahafatesana no hahazoako tombony.

Filipiana 1:21 Jesosy fahafatesana fiainana

Alatsinainy 16 Jona 2025

Fa raha isika manantena izay tsy mbola hitantsika, dia miandry amin'ny faharetana.

Romana 8:25 fahatokisana fanantenana faharetana

Alahady 15 Jona 2025

Ny zanaka hendry mahafaly ny rainy;
Fa ny zanaka adala mampalahelo ny reniny.

Ohabolana 10:1 fifaliana ankohonana fahendresena

Asabotsy 14 Jona 2025

Ao an-tranon'ny Raiko misy fitoerana maro; raha tsy izany, dia efa nilaza taminareo Aho; fa handeha hamboatra fitoerana ho anareo Aho.

Jaona 14:2 Jesosy Ray lanitra

Zoma 13 Jona 2025

Fa na iza na iza no ta-hamonjy ny ainy, dia hahavery ary; ary na iza na iza no hahavery ny ainy noho ny amiko sy ny filazantsara, dia hamonjy izany.

Marka 8:35 fitoriana ny filazantsara famonjena fiainana

Alakamisy 12 Jona 2025

Ary hatoky Anao izay mahalala ny anaranao;
fa tsy foinao izay mitady Anao, Jehovah ô.

Salamo 9:10 fahatokisana mitady fitokisana

Alarobia 11 Jona 2025

Fa mandehana ka mianara izay hevitry ny teny hoe: Famindram-po no sitrako, fa tsy fanatitra alatsa-drà; fa tsy tonga hiantso ny marina Aho, fa ny mpanota.

Matio 9:13 famindram-po rariny sorona

Talata 10 Jona 2025

Fa tsy misy olona marina ambonin'ny tany izay manao tsara ka tsy manota.

Mpitoriteny 7:20 fahotana rariny izao tontolo izao

Alatsinainy 9 Jona 2025

Faly ny olona, raha mahavaly tsara ny vavany,
Ary endrey ny hatsaran'ny teny atao amin'izay andro mahamety azy!

Ohabolana 15:23 lahateny fifaliana

Alahady 8 Jona 2025

Ary rehefa nivavaka izy, dia nihovitrovitra ny trano izay niangonany; dia feno ny Fanahy Masina izy rehetra ka nitory ny tenin'Andriamanitra tamin'ny fahasahiana.

Asan'ny Apostoly 4:31 pentekosta Fanahy Masina fivavahana

Asabotsy 7 Jona 2025

Ary Izay manome anareo ny Fanahy sy mahavita asa lehibe eo aminareo, moa avy amin'ny asan'ny lalàna va izany, sa avy amin'ny fitoriana ny finoana?

Galatiana 3:5 lalàna Fanahy mihaino

Zoma 6 Jona 2025

Jehovah no fahazavako sy famonjena ahy;
iza no hatahorako?
Jehovah no fiarovana mafy ho an'ny aiko;
iza no hangovitako?

Salamo 27:1 filaminana tahotra fahazavana

Alakamisy 5 Jona 2025

Farany, ry rahalahy, mifalia, aoka ho tanteraka ianareo, mandraisa ny fampiononana, miraisa saina, mihavàna; ary Andriamanitry ny fitiavana sy ny fiadanana ho aminareo.

2 Korintiana 13:11 fiainana fiadanana fitiavana

Alarobia 4 Jona 2025

Fa izay nanota tsy nanana ny lalàna dia ho very tsy manana ny lalàna; fa izay nanota nanana ny lalàna kosa dia hotsaraina araka ny lalàna.

Romana 2:12 fahotana lalàna fitsarana

Talata 3 Jona 2025

Maro ny hevitra ao am-pon'ny olona;
Fa ny fisainan'i Jehovah no haharitra.

Ohabolana 19:21 fandrindrana mahatakatra fiankinan-doha

Alatsinainy 2 Jona 2025

Fa ianao kosa, raha mivavaka, dia midìra ao amin'ny efi-tranonao, ka rehefa voarindrinao ny varavaranao, dia mivavaha amin'ny Rainao, Izay ao amin'ny mangingina; ary ny Rainao, Izay mahita ao amin'ny mangingina no hamaly anao.

Matio 6:6 valisoa Ray fivavahana