Usindiso (4/4)

Khawuncede usisindise, Thixo wethu, ngenxa yesidima segama lakho. Sihlangule usixolele amatyala ethu… INdumiso 79:9

XHO96

Khawuncede usisindise, Thixo wethu,
ngenxa yesidima segama lakho.
Sihlangule usixolele amatyala ethu ngenxa yegama lakho.
INdumiso 79:9 unqulo isono umhlawuleli
Yibongeni iNkosi!
Mihla le iyasazelelela, uThixo ngumsindisi wethu.
INdumiso 68:19 unqulo ukuxhomekeka
Abe njengaye uNyana woLuntu, yena ongezanga kukhonzwa, koko oweza kukhonza nokuncama ubomi bakhe bube yintlawulelo yokukhulula abaninzi.
UMATEWU 20:28 UYesu ukukhonza umbingelelo
Ke nina, zihlobo zam, ningabantwana bakaThixo. Ninamandla kunabashumayeli abaxokayo. Kaloku lowo ninefuthe lakhe mkhulu kunalowo linefuthe lakhe ihlabathi.
1 KAYOHANE 4:4 ukoyisa usomandla isiprofeto
Imihla yam isesandleni sakho;
ndihlangule ezintshabeni zam nakwabanditshutshisayo.
INdumiso 31:15 intshutshiso umhlawuleli
Ke mna ndonikela kuwe ngedini,
ndihlabele iculo lokukudumisa.
Ndosifezekisa isibhambathiso sam.
Usindiso lukuNdikhoyo.
UJONA 2:9 umbulelo umbingelelo ukuthobela
Lwazibika udwayi, waluva uNdikhoyo,
walukhupha kuzo zonke iinkxwaleko zalo.
INdumiso 34:6 ukuphulaphula umthandazo ubuhlwempu
Kodwa ke iNkosi iyabahlangula ezilingweni abantu abayithobelayo. Ke bona abangayithobeliyo ibagcinele ukubohlwaya ngomhla womgwebo.
2 KAPETROS 2:9 isilingo umgwebo isohlwayo
Kaloku ithi intlungu yakusetyenziswa nguThixo, izise inguquko esa ekusindisweni; akukho kuzisola ke ngoko. Kodwa intlungu yasehlabathini yona ibanga ukufa.
2 KWABASEKORINTE 7:10 ukukhathazeka usizi inguquko
Sisindise, siyakubongoza, Ndikhoyo!
Awu, siyatarhuzisa, Ndikhoyo; masiphumelele ngawe!
Banoyolo abangena ngegama likaNdikhoyo;
siyanithamsanqela thina sisendlwini kaNdikhoyo.
INdumiso 118:25-26 ipasika intsikelelo ukoyisa
NguThixo kuphela umniki-mthetho nomgwebi. Nguye kuphela onelungelo lokusindisa okanye atshabalalise. Kuxa ungubani ke wena ude ugwebe ummelwana wakho nje?
EKAYAKOBI 4:12 umthetho umgwebo ummelwane
Ndisisicaka sakho, Ndikhoyo, ndikhangele ngobubele;
ndihlangule ezintshabeni zam ngenxa yezibele zakho.
INdumiso 31:16 intsikelelo uthando ukukhanya
Nina makhosikazi, bathobeleni ngokuzinikela abayeni benu, kanye ngale ndlela niyithobela ngayo iNkosi. Kaloku indoda iyintloko yomfazi, kanye njengokuba noKrestu eyintloko yebandla. Ke yena uKrestu ukwanguMhlanguli walo ibandla elingumzimba wakhe.
KWABASE-EFESE 5:22-23 umtshato UYesu ubudlelwane
Entloko thwalani usindiso. Phathani ilizwi likaThixo libe likrele enilinikwa nguMoya.
KWABASE-EFESE 6:17 Umoya ILizwi likaThixo
UNdikhoyo onamandla onke uthi: “Ngaloo mini ndikwenzayo oku bona baya kuba ngabantu bam abaxabisekileyo. Ndiya kuba nobubele kubo oku koyise onobubele kunyana wakhe osebenzisana kunye naye.”
UMALAKI 3:17 ukukhonza ibuyiselo ukuphela kwexesha