Alakamisy 30 Aprily 2015
Fa mba hanaraka ny marina amin'ny fitiavana ka hitombo amin'ny ny zavatra rehetra ho amin'izay Loha, dia Kristy.Alarobia 29 Aprily 2015
Ho amin'ny olona masina anie ny fahasoavan'i Jesosy Tompo. Amena.Talata 28 Aprily 2015
Andriamanitra no iankinan'ny famonjena ahy sy ny voninahitro;ny vatolampiko mafy sy ny aroko dia ao amin'Andriamanitra.
Alatsinainy 27 Aprily 2015
Ary niray fo sy fanahy ny olona rehetra izay nino; ary tsy nisy nanonona ny fananany ho azy na dia iray aza, fa niombonany avokoa ny zavatra rehetra nananany.Alahady 26 Aprily 2015
Fa zinona moa aho, ary zinona moa ny oloko, no ahazoanay hery hanatitra toy izao? Fa avy aminao ny zavatra rehetra, ary avy tamin'ny Anao ihany no nanomezanay Anao.Asabotsy 25 Aprily 2015
Izy no nantsoin'ny vavako;ary ny fanandratana Azy no teo ambanin'ny lelako.
Zoma 24 Aprily 2015
Fa hoy Jehovah tamin'i Samoela: Aza mijery ny tarehiny na ny hahavon'ny tsanganany, fa efa nolaviko izy; fa tsy mba toy ny fijerin'ny olona no fijerin'i Jehovah; fa ny olona mijery ny miseho eo ivelany, fa Jehovah kosa mijery ny fo.Alakamisy 23 Aprily 2015
Fa toy izao no nitiavan’Andriamanitra izao tontolo izao: nomeny ny Zanani-lahy Tokana, mba tsy ho very izay rehetra mino Azy, fa hanana fiainana mandrakizay.Alarobia 22 Aprily 2015
Fiereko sy ampingako Hianao;Ny teninao no andrasako.
Talata 21 Aprily 2015
Fa ianareo rehetra dia zanak'Andriamanitra amin'ny finoana an'i Kristy Jesosy. Fa na iza na iza ianareo no natao batisa ho an'i Kristy dia nitafy an'i Kristy.Alatsinainy 20 Aprily 2015
Tsy eranambatry va no vidin'ny tsintsina dimy? nefa tsy misy hadinoina eo anatrehan'Andriamanitra ireny na dia iray akory aza. Fa na dia ny volon-dohanareo aza dia voaisa avokoa. Aza matahotra; fa mihoatra noho ny tsintsina maro ianareo.Alahady 19 Aprily 2015
Hoy izaho ny amin'i Jehovah: Tompoko Hianao;tsy misy soa ananako azo oharina aminao.
Asabotsy 18 Aprily 2015
Tsy efa nandidy anao va Aho? Koa mahereza sy matanjaha; aza matahotra na mivadi-po, fa momba anao Jehovah Andriamanitrao amin'izay rehetra alehanao.Zoma 17 Aprily 2015
Ary aoka ho ambonin'izany rehetra izany ny fitiavana, fa fehin'ny fahatanterahana izany.Alakamisy 16 Aprily 2015
Ataon'ny olona ho marina avokoa ny lalana rehetra alehany;Fa Jehovah ihany no Mpandanja ny fo.
Alarobia 15 Aprily 2015
Aoka tsy ho amin'ny fitiavam-bola ny toe-tsainareo, fa mianina amin'izay anananareo; fa hoy Izy: "Izaho tsy handao anao mihitsy na hahafoy anao akory".Talata 14 Aprily 2015
Fa izay mirehareha, dia aoka Jehovah no ho reharehany Fa tsy izay midera tena no ankasitrahana, fa izay derain'ny Tompo.Alatsinainy 13 Aprily 2015
Miantombena tsara miandry an'i Jehovah ianao ka manantenà Azy;Aza tezitra amin'izay ambinina amin'ny lalany
dia amin'izay olona manao sain-dratsy.
Alahady 12 Aprily 2015
Aza mety hofitahina ianareo; Andriamanitra tsy azo vazivazina, fa izay afafin'ny olona no hojinjany.Asabotsy 11 Aprily 2015
Koa amin'izany, ry rahalahy malalako, dia miorena tsara, aza miova, ary mahefà be mandrakariva amin'ny asan'ny Tompo, satria fantatrareo fa tsy foana tsy akory ny fikelezanareo aina ao amin'ny Tompo.Zoma 10 Aprily 2015
Mahazava ny famoahana ny hevitry ny teninaoKa manome fahalalana ho an'ny kely saina.
Alakamisy 9 Aprily 2015
Ny Tompo tsy mahela ny teny fikasany, araka izay ataon'ny sasany ho fahelany; fa mahari-po aminareo Izy, ka tsy tiany hisy ho very, fa mba ho tonga amin'ny fibebahana izy rehetra.Alarobia 8 Aprily 2015
Fa ny fahendrena izay avy any ambony dia madio aloha, ary tia fihavanana, mandefitra, mora alahatra, be famindram-po sy be voka-tsoa, tsy miahanahana na mihatsaravelatsihy.Talata 7 Aprily 2015
Raha be ny ahiahy ato anatikoDia mampifaly ny fanahiko ny fampiononanao.
Alatsinainy 6 Aprily 2015
Izay tsy niaro ny Zanani-lahy, fa natolony hamonjy antsika rehetra Izy, tsy homeny antsika miaraka aminy maimaimpoana koa va ny zavatra rehetra?Alahady 5 Aprily 2015
Tsy ato Izy fa efa nitsangana; tsarovy ny teny izay nataony taminareo, fony Izy mbola tany Galilia, hoe: Ny Zanak'olona tsy maintsy hatolotra eo an-tànan'ny mpanota ka hohomboana amin'ny hazo fijaliana ary hitsangana amin'ny andro fahatelo.Asabotsy 4 Aprily 2015
Natao tsinontsinona sy nolavin'ny olona Izy;lehilahy ory sady zatra ny fahoriana,
Ary tahaka izay tsy tian'ny olon-kojerena akory Izy;
natao tsinontsinona Izy ka tsy mba nahoantsika.
Zoma 3 Aprily 2015
Nefa Izy dia voalefona noho ny fahadisoantsikasy notorotoroina noho ny helotsika,
ny fampijaliana nahazoantsika fihavanana no namelezana Azy;
ary ny dian-kapoka taminy no nahasitranana antsika.
Alakamisy 2 Aprily 2015
Andriamanitra no iderako ny teniny;Andriamanitra no itokiako, ka tsy mba hatahotra aho;
inona no hataon'ny nofo amiko?
Alarobia 1 Aprily 2015
Fa Jehovah no Mpitsara antsika;Jehovah no mpanome lalàna antsika;
Jehovah no mpanjakantsika;
Izy no hamonjy antsika.
Lohahevitra mifandraika amin'izany
Fitiavana
Ny fitiavana mahari-po sady...
Fanantenana
Fa Izaho mahalala ny...
Finoana
Koa lazaiko aminareo: Na...
Ankohonana
Ary aoka ho ao...
Fiankohofana
Jehovah ô, Andriamanitro Hianao...
Fivavahana
Mifalia mandrakariva. Mivavaha, ka...
Andinin-teny ao amin'ny Baiboly androany
Dia ho tahaka izany ny teniko izay aloaky ny vavako:Tsy hiverina amiko foana izy,
raha tsy efa mahatanteraka izay sitrako
ary ambinina amin'izay ampandehanako azy.
Te hahazo andin-teny ao amin'ny Baiboly isan'andro :
Fampandrenesana isan'androMailakaFacebookAo amin'ny tranonkalanaoAndinin-teny ao amin'ny Baiboly
Hianao no fiereko,miaro ahy tsy ho azon'ny fahoriana Hianao;
fihobiam-pamonjena no ahodidinao ahy.Andinin-teny manaraka !