Tahirin-kevitra (Mey 2015)

MG1865

Alahady 31 Mey 2015

Fa mahatoky ny Tompo, Izay hampahery sy hiaro anareo tsy ho azon'ny ratsy.

2 Tesaloniana 3:3 fitokisana filaminana tanjaka

Asabotsy 30 Mey 2015

Jesosy Kristy no tsy miova omaly sy anio ary mandrakizay.

Hebreo 13:8 fitokisana Jesosy

Zoma 29 Mey 2015

Ho foana ny fikasana, raha tsy misy mpisaina;
Fa raha maro ny mpanolo-tsaina, dia tanteraka izany.

Ohabolana 15:22 lahateny fandrindrana

Alakamisy 28 Mey 2015

Fa tsy nomen'Andriamanitra fanahy osa isika, fa fanahy mahery sy fitiavana ary fahononan-tena.

2 Timoty 1:7 fitiavana fifehezan-tena tanjaka

Isaorana anie Andriamanitra, Rain'i Jesosy Kristy Tompontsika, Izay niteraka antsika indray araka ny haben'ny famindram-pony ho amin'ny fanantenana velona tamin'ny nitsanganan'i Jesosy Kristy tamin'ny maty.

1 Petera 1:3 fanantenana fitsanganana amin'ny maty fahaterahana indray

Talata 26 Mey 2015

Jehovah no fahazavako sy famonjena ahy;
iza no hatahorako?
Jehovah no fiarovana mafy ho an'ny aiko;
iza no hangovitako?

Salamo 27:1 filaminana tahotra fahazavana

Alatsinainy 25 Mey 2015

Koa raha ianareo, na dia ratsy aza, mahalala hanome zava-tsoa ho an'ny zanakareo, tsy mainka va ny Ray, Izay any an-danitra, no hanome ny Fanahy Masina ho an'izay mangataka aminy?

Lioka 11:13 Fanahy fivavahana ankohonana

Alahady 24 Mey 2015

Ary nony tonga ny Andro Pentekosta, dia teo amin'ny fitoerana iray izy rehetra. Ary nisy feo tonga tampoka avy tany an-danitra, toy ny rivotra mahery mifofofofo, ka nanenika ilay trano niangonany.

Asan'ny Apostoly 2:1-2 Fanahy lanitra pentekosta

Asabotsy 23 Mey 2015

Fanilon'ny tongotro
Sy fanazavana ny lalako ny teninao.

Salamo 119:105 Tenin'Andriamanitra fahazavana

Zoma 22 Mey 2015

Izany no nosoratako aminareo, izay mino ny anaran'ny Zanak'Andriamanitra, mba ho fantatrareo fa manana fiainana mandrakizay ianareo.

1 Jaona 5:13 fiainana mandrakizay finoana Jesosy

Alakamisy 21 Mey 2015

Raha tsy mijery ny hita izahay, fa ny tsy hita; fa ny hita dia ho vetivety foana, fa ny tsy hita no haharitra mandrakizay.

2 Korintiana 4:18 fiainana mandrakizay fitiavan-karena mahatakatra

Alarobia 20 Mey 2015

Tahaka ny fiantràn'ny ray ny zanany
No fiantran'i Jehovah izay matahotra Azy.

Salamo 103:13 fitiavana tahotra Ray

Talata 19 Mey 2015

Fa ny fihevitro tsy fihevitrareo
ary ny lalanareo kosa tsy mba lalako, hoy Jehovah.

Isaia 55:8 Andriamanitra fandrindrana fahendresena

Alatsinainy 18 Mey 2015

Fa matoky aho fa na fahafatesana, na fiainana, na anjely, na ireo fanapahana, na zavatra ankehitriny, na zavatra ho avy, na hery, na ny ambony, na ny ambany, na inona na inona amin'izao zavatra ary rehetra izao, dia tsy hahasaraka antsika amin'ny fitiavan'Andriamanitra izay ao amin'i Kristy Jesosy Tompontsika.

Romana 8:38-39 fitiavana mpanelanelana fahafatesana

Alahady 17 Mey 2015

Tandremo ny fonao mihoatra noho izay rehetra tokony hotandremana;
Fa avy ao aminy no ihavian'ny aina.

Ohabolana 4:23 fiainana fo fiarovana

Asabotsy 16 Mey 2015

Tsara sy mahitsy Jehovah,
ka izany no ampianarany ny mpanota ny lalana.
Mitarika ny mpandefitra amin'ny marina Izy,
ary mampianatra ny mpandefitra ny lalany.

Salamo 25:8-9 rariny fanetren-tena mianatra

Zoma 15 Mey 2015

Sambatra izay olona maharitra fakam-panahy; fa rehefa voazaha toetra izy, dia handray ny satro-boninahitra fiainana, izay nolazain'ny Tompo homena izay tia Azy.

Jakoba 1:12 valisoa fakam-panahy fiainana

Alakamisy 14 Mey 2015

Ary Jesosy nitondra azy hatrany Betania, dia nanandratra ny tànany ka nitso-drano azy. Ary raha mbola nitso-drano azy Izy, dia nisaraka taminy ka nakarina ho any an-danitra.

Lioka 24:50-51 Jesosy fitahiana lanitra

Alarobia 13 Mey 2015

Fa Hianao no nahary ny voako;
Namolavola ahy tao an-kibon-dreniko Hianao.
Hidera Anao aho; fa mahatahotra sy mahatalanjona ny nanaovana ahy;
Mahagaga ny asanao;
Ary fantatry ny fanahiko marimarina izany.

Salamo 139:13-14 famoroana izao tontolo izao fahagagana aina

Talata 12 Mey 2015

Ary ny vokatry ny fahamarinana dia afafy amin'ny fihavanana ho an'izay mampandroso ny fihavanana.

Jakoba 3:18 rariny fiadanana fijinjana

Alatsinainy 11 Mey 2015

Koa mifananara sy mifampahatanjaha, tahaka ny ataonareo ihany.

1 Tesaloniana 5:11 fankaherezana mianatra manaraka

Alahady 10 Mey 2015

Ity no andro nataon'i Jehovah;
Hifaly sy ho ravoravo amin'izao isika.

Salamo 118:24 famoroana izao tontolo izao fifaliana fiainana

Asabotsy 9 Mey 2015

Farany, ry rahalahy, na inona na inona marina, na inona na inona manan-kaja, na inona na inona mahitsy, na inona na inona madio, na inona na inona maha-te-ho-tia, na inona na inona tsara laza, raha misy hatsaram-panahy, ary raha misy dera, dia hevero izany.

Filipiana 4:8 fahamarinana rariny eritreritra

Zoma 8 Mey 2015

Raha miaiky ny fahotantsika isika, dia mahatoky sy marina Izy ka mamela ny fahotantsika sy manadio antsika ho afaka amin'ny tsi-fahamarinana rehetra.

1 Jaona 1:9 fahotana fanadiovana faharatsiana

Alakamisy 7 Mey 2015

Ankino amin'i Jehovah ny lalanao,
ary matokia Azy, fa hataony tanteraka.
Ary hampiseho ny fahamarinanao tahaka ny mazava Izy,
ary ny rariny ho anao tahaka ny mitataovovonana.

Salamo 37:5-6 fahatokisana rariny fiainana

Alarobia 6 Mey 2015

Tsinjovy ny voro-manidina, fa tsy mba mamafy, na mijinja, na mitaona ho any an-tsompitra ireny; ary ny Rainareo Izay any an-danitra mamelona azy. Moa tsy mihoatra lavitra noho ireny va ianareo?

Matio 6:26 sarobidy fahatokisana Ray

Talata 5 Mey 2015

Mahonòna tena, miambena: fa ny devoly fahavalonareo mandehandeha tahaka ny liona mierona mitady izay harapany.

1 Petera 5:8 faniriana fanenjehana fandresena

Alatsinainy 4 Mey 2015

Fa Hianao, Tompo ô, no tsara sady mamela heloka
Ary be famindram-po amin'izay rehetra miantso Anao.

Salamo 86:5 fitokisana fitiavana famelàn-keloka

Alahady 3 Mey 2015

Ry olombelona, efa naseho anao izay tsara
Sy izay ilain'i Jehovah aminao,
Dia izao ihany: Ny hanao ny marina sy ny ho tia famindram-po
Ary ny hanaraka an'Andriamanitrao amin'ny fanetren-tena.

Mika 6:8 lalàna rariny fanetren-tena

Asabotsy 2 Mey 2015

Mandehana amin'ny fahendrena amin'izay ao ivelany, hararaoty ny andro azo anaovan-tsoa. Aoka ny fiteninareo ho amin'ny fahasoavana mandrakariva, ho mamy sira, mba ho fantatrareo izay tokony havalinareo ny olona rehetra.

Kolosiana 4:5-6 fahamoram-panahy fahendresena lahateny

Zoma 1 Mey 2015

Izaho tia an'i Jehovah, satria efa nandre
Ny feon'ny fifonako Izy.
Satria efa nanongilana ny sofiny tamiko Izy,
Dia hiantso aho, raha mbola velona koa.

Salamo 116:1-2 fitiavana fiankohofana mihaino