Fiankohofana (3/3)

Fa harambatoko sy batery fiarovana ho ahy Hianao; ary noho ny anaranao… Salamo 31:3

MG1865

Fa harambatoko sy batery fiarovana ho ahy Hianao;
ary noho ny anaranao no hitondrànao sy hitarihanao ahy.
Salamo 31:3 Andriamanitra fiainana
Ary ho an'ny Mpanjaka tsy manan-taloha, tsy mety maty, tsy hita, dia ho an'Andriamanitra tokana ihany anie ny laza sy ny voninahitra mandrakizay mandrakizay. Amena.
1 Timoty 1:17 andriamanitra lehibe fanjakana Andriamanitra
Misandrata any ambonin'ny lanitra Hianao, Andriamanitra ô;
Ary aoka ho etỳ ambonin'ny tany rehetra ny voninahitrao.
Salamo 108:5 lanitra
Fa mitomboa amin'ny fahasoavana sy ny fahalalana an'i Jesosy Kristy, Tompontsika sy Mpamonjy. Ho Azy anie ny voninahitra ankehitriny sy mandrakizay. Amena.
2 Petera 3:18 fahasoavana mahatakatra
Ary na zovy na zovy no hiantso ny anaran'i Jehovah dia hovonjena.
Asan'ny Apostoly 2:21 famonjena fivavahana
Ary dia niray saina isan'andro izy ka nazoto nankeo an-kianjan'ny tempoly ary namaky mofo tao an-trano ka nihinan-kanina tamin'ny fifaliana sy ny fahatsaram-po, nidera an'Andriamanitra sady nahita fitia tamin'ny vahoaka rehetra. Ary ny olom-bonjena dia nanampin'ny Tompo isan'andro ho isan'ireo.
Asan'ny Apostoly 2:46-47 hanina fiaraha-monina fiderana
Ary ho an'Andriamanitra Raintsika anie ny voninahitra mandrakizay mandrakizay. Amena.
Filipiana 4:20 fanetren-tena Ray
Ho faly sy ho ravoravo aminao aho;
hankalaza ny anaranao aho ry Avo Indrindra ô.
Salamo 9:2 fifaliana Andriamanitra mihira
Koa mifandraisa ianareo tahaka ny nandraisan'i Kristy anareo koa ho voninahitr'Andriamanitra.
Romana 15:7 Jesosy manaraka
Ary ny vahoaka izay nialoha Azy sy izay nanaraka dia niantso hoe: Hosana ho an'ny Zanak'i Davida! Isaorana anie Izay avy amin'ny anaran'i Jehovah! Hosana any amin'ny avo indrindra.
Matio 21:9 Jesosy paka
Ary koa, tsy misy olona mandrehitra jiro ka mametraka azy ao ambanin'ny vata famarana, fa apetrany eo amin'ny fanaovan-jiro, ka dia mazava amin'izay rehetra ao an-trano izany. Aoka hazava eo imason'ny olona toy izany koa ny fahazavanareo, mba hahitany ny asa soa ataonareo ka hankalazany ny Rainareo Izay any an-danitra.
Matio 5:15-16 fitoriana ny filazantsara hatsaram-panàhy fahazavana
Fa izay rehetra miantso ny anaran'ny Tompo no hovonjena.
Romana 10:13 Andriamanitra famonjena
Ary ny Tompo hanafaka ahy amin'ny asa ratsy rehetra ka hamonjy ahy ho any amin'ny fanjakany any an-danitra; ho Azy anie ny voninahitra mandrakizay mandrakizay. Amena.
2 Timoty 4:18 fiarovana faharatsiana lanitra
Ny fahatahorana an'i Jehovah no fiandoham-pahendrena;
Fahalalana tsara no ananan'izay rehetra mankatò izany;
Maharitra mandrakizay ny fiderana Azy.
Salamo 111:10 fanajana fahendresena lalàna
Hianao, ry Andriamanitry ny razako ô, no deraiko sy isaorako,
satria nomenao fahendrena sy hery aho,
ary ankehitriny efa nampahafantarinao ahy izay nangatahinay taminao;
fa nampahafantarinao anay ilay nofin'ny mpanjaka.
Daniela 2:23 fahendresena fivavahana fiderana
Hihira ho an'i Jehovah aho, raha mbola velona koa;
Hankalaza an'Andriamanitro aho, raha mbola miaina.
Salamo 104:33 mihira fiainana
Dia nitsangana Joba ka nandriatra ny lambany, ary nanaratra ny lohany, dia niapoka tamin'ny tany ka niankohoka sady nanao hoe: Nitanjaka no nivoahako avy tany an-kibon'ineny, ary mitanjaka no hiverenako any; Jehovah no nanome, ary Jehovah no nanaisotra; isaorana anie ny anaran'i Jehovah.
Joba 1:20-21 fijaliana fisaonana ahiahy
Voninahitra any amin'ny avo Indrindra ho an'Andriamanitra!
Ary fiadanana ho etỳ ambonin'ny tany amin'ny olona ankasitrahany.
Lioka 2:14 krisimasy fiadanana anjely
Mankalazà an'i Jehovah, fa asa lehibe no nataony;
Ary aoka ho fantatra any amin'ny tany rehetra izany.
Isaia 12:5 mihira izao tontolo izao
Vonjeo izahay, ry Andriamanitry ny famonjena anay ô,
noho ny voninahitry ny anaranao;
ary afaho izahay, ka mamelà ny helokay,
noho ny anaranao.
Salamo 79:9 famonjena fahotana mpanafaka
Ary ny mpiandry ondry niverina nankalaza ny nidera an'Andriamanitra noho ny zavatra rehetra izay reny ny hitany, araka izay nolazaina taminy.
Lioka 2:20 krisimasy fiderana
Misandrata any ambonin'ny lanitra Hianao, Andriamanitra ô!
aoka ho ambonin'ny tany rehetra ny voninahitrao.
Salamo 57:5 lanitra izao tontolo izao
Ary toy izany koa ny vehivavy, hiravaka amin'ny fitafiana mahamendrika mbamin'ny fahamaotinana sy ny fahononan-tena, fa tsy amin'ny volo mirandrana sy ny volamena, na vato soa, na fitafiana saro-bidy, fa amin'ny asa tsara, araka izay mahamendrika ny vehivavy manaiky ny fivavahana amin'Andriamanitra.
1 Timoty 2:9-10 hatsàra fitiavan-karena hatsaram-panàhy
Ary raha nanao fanompoam-pivavahana ho an'ny Tompo sy nifady hanina ireo, dia hoy ny Fanahy Masina: Atokàny ho Ahy Barnabasy sy Saoly hanao ny asa izay efa niantsoako azy.
Asan'ny Apostoly 13:2 fifadian-kanina Fanahy fivavahana
Ary rehefa teraka Jesosy tao Betlehema an'i Jodia, tamin'ny andron'i Heroda mpanjaka, indreo, nisy Magy avy tany atsinanana tonga tany Jerosalema ka nanao hoe: Aiza Ilay teraka ho Mpanjakan'ny Jiosy? fa nahita ny kintany teny atsinanana izahay ka tonga mba hiankohoka eo anatrehany.
Matio 2:1-2 krisimasy