Iivesi zeBhayibhile ezithetha ngokumoyika uThixo

«»

• Ukumthobela uNdikhoyo kukubuthiya ububi.
  Yiloo nto ndikuchasileyo ukuzigwagwisa,
  ikratshi, ukungabi nasimilo, kunye nentetho egwenxa.
  IZAFOBE 8:13ikratshiububiukuxoka
• Xa ke kanti, mawethu, izithembiso ezinje zenzelwa thina, masizenze sibe nyulu emzimbeni nasemphefumlweni, sibe ngcwele ngokuhlala simoyika uThixo.
  2 KWABASEKORINTE 7:1ukusulungekiswaubungcweleizithembiso
• Musa ukuzibona usisilumko wena ngokwakho;
  ndaweni yaloo nto hlala umhlonela uNdikhoyo, ubucezele ububi.
  Loo nto iya kuwunika impilo umzimba wakho,
  atsho omelezeke amathambo akho.
  IZAFOBE 3:7-8intsikeleloububiimpilo
• UNdikhoyo uyabanakekela abo bamhlonelayo
  nabo bathembe izibele zenceba yakhe.
  INdumiso 33:18ukuthembekauThixo
• Ukuba uyazithoba, umhlonela uNdikhoyo,
  uya kuxhamla ubutyebi, isidima, nobomi.
  IZAFOBE 22:4ukuthobekaibuyiselo
• Phulaphulani ke, maSirayeli, ingaba yintoni afuna niyenze uNdikhoyo uThixo wenu? Ufuna nimhlonele, ningaphambuki endleleni yakhe. Ufuna nimthande, nimkhonze ngengqondo yenu yonke nangomoya wenu wonke, nithobele imiyalelo nemimiselo yakhe, le ndininika yona namhlanje ukuze kulunge kuni.
  UHLAZIYO-MNQOPHISO 10:12-13umthethointsikeleloukukhonza
• Hay' inyhweba yomntu omthobelayo uNdikhoyo,
  ohamba ngokwemimiselo yakhe.
  INdumiso 128:1ukuthobelaukulandela
• Umfazi onomtsalane angakukhohlisa, ke bona ubuhle buyatshitsha;
  kuphela ngumfazi ohlonela uNdikhoyo oya kubongwa.
  IZAFOBE 31:30ubuhle
• Isiseko sobulumko kukuthobela uNdikhoyo,
  kambe ke zona izityhakala zibujongele phantsi ubulumko nengqeqesho.
  IZAFOBE 1:7ubulumkoukufunda
• Kubhetele ukuba lihlwempu elihlonela uNdikhoyo
  kunokuba sisinhanha esiphethwe ngamaxhala.
  IZAFOBE 15:16imaliukuthanda izinto eziphathekayo
• Ngoko ke ngoku nasi isishwankathelo salo mbandela: Mhlonele uThixo, uyithobele imimiselo yakhe, kuba oko luxanduva lomntu ngamnye.
  AMAVA ENGQONDI 12:13umthethoubomi
• NguNdikhoyo uThixo wenu emanimlandele, nimhlonele. Mthobeleni, niyenze imiyalelo yakhe; futhi mkhonzeni, nibambelele kuye.
  UHLAZIYO-MNQOPHISO 13:4ukuphulaphulaukulandelaizithixo
• Ke kuni, nina balihlonelayo igama lam, ilanga lobulungisa liya kuphuma linempilo emaphikweni alo. Niya kukhululeka nidlobe njengamankonyana ephuma esibayeni.
  UMALAKI 4:2uvuyoubulungisaukuphilisa
• Ngenxa yokuba ababelekisi bemoyika uThixo, uThixo wabavuza ngeentsapho.
  EYEMFUDUKO 1:21intsikelelo
• Aa! Bayethe, Mhlekazi!
  Hayi uyolo lomntu omthobelayo uNdikhoyo,
  oyilangazelelayo imiyalelo yakhe.
  INdumiso 112:1umthethouthando
• Ukuhlonela uNdikhoyo kufundisa ubulumko;
  indlela eya ewongeni yintobeko.
  IZAFOBE 15:33ukuthobekaubulumko
• Isiseko sobulumko kukuthobela uNdikhoyo;
  umntu omaziyo oyiNgcwele kanye uzuza ingqiqo.
  IZAFOBE 9:10ubulumkoubungcweleukuqonda
• Isiseko sobulumko kukuthobela uNdikhoyo.
  Abayenzayo ke le nto baba nengqiqo eyiyo.
  Ewe, makadunyiswe nanini-nanini!
  INdumiso 111:10ubulumkounquloumthetho
• Ngoko ke bonke banikeni okubafaneleyo – irhafu kofanelwe yirhafu, umrhumo kofanelwe ngumrhumo, ukuhlonitshwa kofanelwe kukuhlonitshwa, imbeko kofanelwe yimbeko.
  KWABASEROMA 13:7ukunyanisekaimaliityala
• Akwaba bebeya kusoloko benezimvo ezinje! Akwaba bebeya kuhlala bendihlonipha bayithobele imiyalelo yam, khon' ukuze balungelwe bona nezizukulwana zabo naphakade.
  UHLAZIYO-MNQOPHISO 5:29umthethoukuthobelaintsikelelo
• Intlungu yomntu imelwe kukukhathalelwa zizihlobo zakhe,
  nditsho nokuba yena selekutyeshele ukumhlonela uSomandla.
  UYOBI 6:14ubuhloboummelwane
• Ngenene uThixo uyasithamsanqela;
  ngamana lamthobela ihlabathi jikelele.
  INdumiso 67:7uThixointsikelelo
• Khawundifundise iindlela zakho, Ndikhoyo,
  khon' ukuze ndinamathele enyanisweni.
  Ewe, ndifundise ukukuhlonela, Nkosi;
  ndikunqule ndingankwalambisi.
  INdumiso 86:11ukufundainyanisoukuthembeka
• Ngoko ke yithobeleni imiyalelo kaNdikhoyo uThixo wenu, nihambe ngeendlela zakhe, nimhlonele.
  UHLAZIYO-MNQOPHISO 8:6ukuthobelaumthethoukulandela
• Ke kaloku ibandla kulo lonke elakwaJuda naseGalili naseSamariya lazola, kungekho ntshutshiso. Laba nenkqubela, lakhula nangamanani, limhlonela uThixo, likhuthazwa nguMoya oyiNgcwele.
  UMSEBENZI WABATHUNYWA 9:31icawauxolouMoya oyiNgcwele