Iivesi zeBhayibhile malunga nokuqonda

«»

• Khala kum, ndikuphendule, ndikwazise izinto ezinkulu ezingenakugocagocwa, obukade ungaziqondi.
  UJEREMIYA 33:3umthandazoukuphulaphula
• Njengoko ungayazi indlela yomoya,
  ungamazi nokuba wenziwa njani na umntu esizalweni sonina,
  kananjalo soze ukuqonde nokusebenza kukaThixo onguMdali weento zonke.
  AMAVA ENGQONDI 11:5uThixo
• Umntu onomonde uba nengqiqo;
  kambe ke yena ocaphuka msinya usuka enze ubudenge.
  IZAFOBE 14:29ubulumkoumondeumsindo
• Ubulumko ngoyena ndoqo, bufunisise!
  Fumana ingqiqo, nokuba kudle konke onako.
  IZAFOBE 4:7ubulumko
• Ndokwazisa indlela omawuhambe ngayo,
  utsho uNdikhoyo,
  ndikufundise, ndikujonge.
  INdumiso 32:8ukhuthazoukufunda
• Zonke iindlela zomntu zibonakala zilungile kwawakhe amehlo,
  kanti ke nguNdikhoyo oyibeka esikalini intliziyo yomntu.
  IZAFOBE 21:2ubulungisaumgweboiingcamango
• Ngoko ke asilangazeleli zinto zibonwayo, silangazelela ezingabonwayo. Kaloku ezibonwayo izinto zezexeshana nje, kanti ezingabonakaliyo ziya kuhlala zihleli.
  2 KWABASEKORINTE 4:18ubomi obungunaphakadeukuthanda izinto eziphathekayo
• Ndiyamcela uThixo weNkosi yethu uYesu Krestu, uSosidima, ukuba aniphe uMoya wobulumko, anityhilele uThixo, ukuze nimazi.
  KWABASE-EFESE 1:17Umoyaubulumko
• Umntu uyaceba acwangcise entliziyweni yakhe,
  kodwa ke licebo likaNdikhoyo eliphumelelayo.
  IZAFOBE 19:21ukucwangcisaukuxhomekeka
• Ziphicotheni zonke izinto, nize ninyamekele leyo ilungileyo. Nayiphi na into embi yityesheleni.
  1 KWABASETESALONIKA 5:21-22ububiisiprofeto
• Lithi lakuchazwa ilizwi lakho kutsho kuthi qwenge;
  abangazi nto libanika ukuqonda.
  INdumiso 119:130ILizwi likaThixoukukhanya
• Waza uYesu wabakhangela wathi: “Abantu bona abanako ukuyenza le nto, kodwa yena uThixo unako ukuzenza zonke izinto.”
  UMATEWU 19:26imimangalisousindiso
• Njengokuphakama kwezulu emhlabeni
  ziphakamile neendlela zam kunezenu,
  kanti ke zikwanjalo neengcinga zam.
  UISAYA 55:9ukucwangcisaizulu
• Kanti ngaba awazi na?
  Ngaba zange uve na?
  UNdikhoyo nguThixo onguSonini-nanini;
  yena ngumdali wehlabathi jikelele.
  Yena soze adinwe atyhafe,
  nengqiqo yakhe ayiphengululeki.
  UISAYA 40:28indaloubulumko
• Kuyinene kona ukuba sihleli apha ehlabathini; kodwa ke asilwi ngokwehlabathi.
  2 KWABASEKORINTE 10:3ubomiumhlaba
• Ewe, kholosani ngesisa seNkosi, nikhule nakuko ukwazana neNkosi noMsindisi wethu uYesu Krestu. Bobakhe ubungangamsha ngoku nangonaphakade! Amen.
  2 KAPETROS 3:18ubabalounqulo
• Mawoo kulowo uphikisana noMenzi wakhe!
  Imbiza nje yomdongwe ingathini ukusuka iphikisane nombumbi wayo?
  Ungathini umdongwe ukuthi kumbumbi: “Wenza ntoni kodwa?”
  Ingakhalaza na imbiza ithi: “Uliqhithala, mbumbindini”?
  UISAYA 45:9indaloukuthobeka
• Hayi ke bethu ubukhulu bobuhandiba bukaThixo, nobunzulu bobulumko nokwazi kwakhe! Asikuko nokuba aziphengululeki izigqibo zakhe, azilandeki iindlela zakhe!
  KWABASEROMA 11:33uThixoubulumko
• Unenyhweba kambe umntu obufumeneyo ubulumko;
  nditsho lowo ukuzuzileyo ukuqonda.
  IZAFOBE 3:13ubulumkoingqondo
• Thabatha, nabu ubulumko, nantsi ingqiqo!
  Ungaze wahlukane okanye ushenxe kumazwi omlomo wam!
  IZAFOBE 4:5ubulumkoILizwi likaThixoukuthobela
• Makungabikho mntu uthi ulukuhlwe nguThixo xa ahendwayo. UThixo akoyiswa bububi kaloku; yaye akalingi mntu yena.
  EKAYAKOBI 1:13isilingoiminqweno
• Ndifuna bahlale bomelele, bemanyene ngothando, ukuze bafikelele ekuqinisekeni ngokupheleleyo ngengqondo, beyiqiqa imfihlelo kaThixo. Loo mfihlelo ke nguKrestu ngenkqu.
  KWABASEKOLOSE 2:2UYesuukhuthazouthando
• UYesu waphendula wathi kuye: “Ndithi kuwe, inene, akukho namnye unokuxhamla ukulawulwa nguThixo, engathanga azalwe ngokutsha.”
  UYOHANE 3:3ubukumkaniukuzalwa ngokutsha
• Linjengemini enye iwaka leminyaka kuwe,
  lona liyafana nemini yezolo,
  lifutshane okwexesha labalindi ebusuku.
  INdumiso 90:4uThixoubomi
• UYesu wahlala phantsi, wababiza abafundi abalishumi elinambini, wathi kubo: “Ukuba ubani ufuna ukuba ngoyena mkhulu, makazenze oyena mncinci kubo bonke, abe sisicaka sabo bonke.”
  UMARKO 9:35ukuthobekaUYesuukukhonza