Iivesi zeBhayibhile malunga nomzimba

«»

• Anazi na ukuba imizimba yenu yindlu kaMoya oyiNgcwele, ahlala kuyo, evela kuThixo? Kaloku aningobenu; ningabakaThixo owanithenga ngexabiso elikhulu. Mdumiseni ke uThixo ngemizimba yenu.
  1 KWABASEKORINTE 6:19-20unquloUmoyaubomi
• Kaloku, kwanjengokuba sinamalungu amaninzi mzimbeni mnye, abe ke onke amalungu la engenamsebenzi mnye, ngokunjalo thina aba, sibaninzi nje, simzimba mnye ngokumanywa noKrestu. Sonke ke ngabanye singamalungu omnye elomnye.
  KWABASEROMA 12:4-5UYesuuluntuukuxhomekeka
• Andithi na kaloku ndadalwa nguwe;
  nditsho mna kanye lo!
  Ewe, wandixonxa wandilunga-lungisa kwandisekumama.
  Ndikubonga ndikubulela ngenxa yomntu endinguye,
  ngenxa yokumangalisa nokukhwankqisa kwento endiyiyo.
  Ewe, iyakhamnqisa kambe imisebenzi yakho.
  Leyo ke into ndiyiqonde pheleleyo.
  INdumiso 139:13-14indaloimimangalisoumphefumlo
• Umzimba nentliziyo zingade ziphelelwe,
  wona amandla am nguThixo, ulibango lam naphakade.
  INdumiso 73:26amandlaubomiukuxhomekeka
• Ngoko ke ligxothe ixhala entliziyweni yakho,
  ukuphephe okunokwenzakalisa umzimba wakho.
  Kaloku ubutsha namandla awo ngamampunge.
  AMAVA ENGQONDI 11:10usiziukukhathazekaintliziyo
• Umntu onentliziyo echwayitileyo uba nempilo;
  kanti ke wona umoya odakumbileyo uyimpehla emathanjeni.
  IZAFOBE 17:22ukuphilisaintliziyoukugula
• Lindani nithandaze, ukuze ningangeni ekuhendweni. Intliziyo yona okunene inentumekelelo, ke wona umzimba ubuthathaka.
  UMATEWU 26:41umthandazoisilingoiminqweno
• Musa ukuzibona usisilumko wena ngokwakho;
  ndaweni yaloo nto hlala umhlonela uNdikhoyo, ubucezele ububi.
  Loo nto iya kuwunika impilo umzimba wakho,
  atsho omelezeke amathambo akho.
  IZAFOBE 3:7-8ukumoyika uthixointsikeleloububi
• Ewe, umthàmbo owenzelwa ukolula amalungu omzimba unendawo yawo. Kodwa ke uphelele apho. Kanti kona ukukhonza uThixo kunenzuzo egqithileyo, kuba akuthembisi bomi balapha kuphela, kuthembisa nobelizayo.
  1 KUTIMOTI 4:8impiloukuthobelaubomi
• Uxolo eniluphiwa nguKrestu malube lulo olugweba iintliziyo zenu, kuba uThixo wanibizela kolu xolo ukuze nibe ngamalungu omzimba omnye. Phuphumani ke ngumbulelo.
  KWABASEKOLOSE 3:15UYesuuxoloumbulelo
• Kungenxa yale nto ke singethi mandla nje. Kaloku imo yethu entsha isuka ihlaziyeke ngokuhlaziyeka, nokuba imo yethu endala yona iya isonakala ngokonakala.
  2 KWABASEKORINTE 4:16ubuhleukhuthazoukwamkela
• Ndiwuphatha gadalala umzimba wam, ndiwuqhelisa, ukuze uhlale ulawuleka; hleze ndithi ndakuba ndibashumayezile abanye, mna ngokwam ndingamkeleki.
  1 KWABASEKORINTE 9:27ukuzibambaumgwebo
• Amazwi amyoli nqwa nobusi;
  ayanandipheka emphefumlweni, ephilisa emathanjeni.
  IZAFOBE 16:24ubulaliukuthethaumphefumlo
• Kungoko ndithi kuni, musani ukubuxhalela ubomi benu nisithi notya ntoni, nisele ntoni. Kwanomzimba wenu ze ningawuxhaleli, nisithi niya kunxiba ntoni. Ubomi abungaphezulu na kokutyiwayo; wona umzimba awungaphezulu na kokunxitywayo?
  UMATEWU 6:25ukutyaubomiukukhathazeka
• Mnye umzimba kaloku, ukwamnye uMoya, kwanjengokuba lilinye nethemba enabizelwa kulo nguThixo.
  KWABASE-EFESE 4:4Umoyaithembaubizo
• UKrestu unjengomzimba, wona unamalungu amaninzi, kodwa ube wona umnye.
  1 KWABASEKORINTE 12:12uluntuicawaUYesu
• Musani ukuboyika abo banibulala ngokwasenyameni, kodwa bengenako ukubulala umphefumlo. Yoyikani uThixo, yena onako ukutshabalalisa umphefumlo kwanomzimba esihogweni.
  UMATEWU 10:28uloyikoumphefumloisihogo
• Sonke ngabanye siyayenza impazamo amaxesha ngamaxesha. Ke yena umntu ongaphazamiyo ekuthetheni ugqibelele, uyakwazi ukuzilawula ngokupheleleyo.
  EKAYAKOBI 3:2ngokungenatyalaukuthetha
• Ukuba iliso lakho lasekunene liyakulahlekisa, lincothule ulilahle. Kukulungele kanye ukuba kutshabalale libe linye emalungwini akho, kunokuba umzimba wakho uphela uphoswe esihogweni.
  UMATEWU 5:29isonoiminqwenoisihogo
• Musani ukubuxhalela ubomi benu, nisithi notya ntoni na; ningawuxhaleli nomzimba wenu, nisithi nonxiba ntoni na. Ubomi bungaphezulu kunokutya, nomzimba ungaphezulu kunesinxibo.
  ULUKA 12:22b-23ukukhathazekaukutyaubomi
• Siyazi kaloku ukuba xa ithe yachithwa le ndlu yalapha emhlabeni, sinesakhiwo asilungiselele sona uThixo, esisezulwini, esiya kuhlala sihleli.
  2 KWABASEKORINTE 5:1ubomiukufaizulu
• Wena Thixo, unguThixo wam, ndithe swi nguwe.
  Umphefumlo wam uyakulangazelela.
  Ndihlala ndizula-zula ndikufuna;
  ndinxanele wena oku komhlaba obharhileyo.
  INdumiso 63:1unquloukufunaumphefumlo
• Indoda mayimkholise umfazi wayo; nomfazi makenjenjalo endodeni yakhe. Umfazi akanagunya kowakhe umzimba; yindoda enalo. Kwangokunjalo ke nendoda ayinagunya kowayo umzimba; ngumfazi onalo.
  1 KWABASEKORINTE 7:3-4umtshatongesondo
• UNdikhoyo uThixo udale umfazi ngolo bambo waluthathayo endodeni, wamsa kuyo.
  Ithe ke indoda: “Nanku ke oyena-yena! Lithambo lamathambo am, nenyama yeenyama zam. Kuya kuthiwa ngumfazi, kuba uthathwe kumfo.” Yiyo ke loo nto indoda imshiya uyise nonina, inamathele kumkayo, baze babe mntu mnye.
  EYEZIQALO 2:22-24umtshatoindalongesondo
• Ngokunjalo nathi sonke, nokuba singamaJuda okanye amaGrike, nokuba singamakhoboka okanye singabakhululekileyo, sabhaptizelwa mzimbeni mnye, nguMoya omnye; futhi sasezwa kwaloo Moya mnye.
  1 KWABASEKORINTE 12:13ubhaptizoUmoyauluntu