ULwesine, Ephreli 30, 2020
Lowo ovuma ukuthi uJesu uyiNdodana kaNkulunkulu, uNkulunkulu uhlala kuye, naye kuNkulunkulu.ULwesithathu, Ephreli 29, 2020
Yebo, ubuhle beNkosi uNkulunkulu wethu abube phezu kwethu,umise umsebenzi wezandla zethu phezu kwethu;
yebo, umsebenzi wezandla zethu uwumise.
ULwesibili, Ephreli 28, 2020
“Ngenisani konke okweshumi endlini yengcebo ukuba kube ngukudla endlini yami, ningivivinye ngalokhu,” usho uJehova Sebawoti, “uma ngingayikunivulela amafasitele asezulwini, nginithululele isibusiso kunokwaneleyo.”UMsombuluko, Ephreli 27, 2020
Kepha wena, nxa ukhuleka, ngena ekamelweni lakho, uthi usuvale umnyango wakho ukhuleke kuYihlo osekusithekeni; noYihlo obona ekusithekeni uzakukuvuza.ISonto, Ephreli 26, 2020
UJehova, iNkosi yami,ungamandla ami,
wenza izinyawo zami zibe njengezezindluzelekazi,
angenze ukuba ngihambe ezindaweni zami eziphakemeyo.
UMgqibelo, Ephreli 25, 2020
Yathi kimi: “Umusa wami ukwanele; ngokuba amandla ami apheleliswa ebuthakathakeni.” Ngakho kunalokho ngijabulela ukuzibonga ngobuthakathaka bami, ukuze amandla kaKristu ahlale phezu kwami.ULwesihlanu, Ephreli 24, 2020
Masibambisise isivumo sethemba lethu singaxegi, ngokuba ukholekile lowo owethembisayo.ULwesine, Ephreli 23, 2020
Ungagodleli abaninikho okuhle,lapho kusemandleni esandla sakho ukukwenza.
ULwesithathu, Ephreli 22, 2020
Ngalokho nani hlalani nilungele, ngokuba iNdodana yomuntu iyakufika ngesikhathi eningasicabangiyo.ULwesibili, Ephreli 21, 2020
Kepha abafuna ukuceba bayela ekulingweni, nasesihibeni, nasezinkanukweni eziningi zobuwula ezilimazayo, ezishonisa abantu ekufeni nasekubhujisweni.UMsombuluko, Ephreli 20, 2020
Ngithi kuJehova: “Wena uyiNkosi yami;anginakho okuhle ngaphandle kwakho.”
ISonto, Ephreli 19, 2020
Inhliziyo yenu mayingakhathazeki. Kholwani nguNkulunkulu, nikholwe nayimi.UMgqibelo, Ephreli 18, 2020
“Yebo, izintaba zingamuka, namagquma angasuswa,kepha umusa wami awuyikumuka kuwe,
nesivumelwano sami sokuthula asiyikususwa,”
usho uJehova okuhawukelayo.
ULwesihlanu, Ephreli 17, 2020
Ungasho ukuthi:“Kwenziwa kanjani ukuba izinsuku zokuqala
zazizinhle kunalezi na?”
Ngokuba awubuzi kanjalo ngokuhlakanipha.
ULwesine, Ephreli 16, 2020
Thina siyalwazi, sikholwa yilo lolu thando uNkulunkulu analo kithina. UNkulunkulu uluthando, nohlala othandweni uhlala kuNkulunkulu, noNkulunkulu uhlala kuye.ULwesithathu, Ephreli 15, 2020
Ngokuba konke kuvela kuye, kukhona ngaye, kuya kuye; makube kuye inkazimulo kuze kube phakade. Amen.ULwesibili, Ephreli 14, 2020
Umphefumulo ophanayo uyakukhuluphaliswa;ophuzisayo uyakuphuziswa naye.
UMsombuluko, Ephreli 13, 2020
Esinokuhlengwa kuye ngegazi lakhe, ukuthethelelwa kwezono ngokwengcebo yomusa wakhe.ISonto, Ephreli 12, 2020
Kepha yathi kubo: “Ningethuki; nifuna uJesu waseNazaretha obebethelwe esiphambanweni; uvukile; kakho lapha; bhekani nansi indawo lapho bebembeke khona.”UMgqibelo, Ephreli 11, 2020
Ngiyalindela uJehova,umphefumulo wami uyalinda;
ngiyalethemba izwi lakhe.
ULwesihlanu, Ephreli 10, 2020
Kepha yazithwala izifo zethu,yabetshatha ubuhlungu bethu,
kodwa thina sathi ijezisiwe,
ishaywe nguNkulunkulu, ihlushiwe.
ULwesine, Ephreli 9, 2020
Imihla ngemihla baqinisela nganhliziyonye ethempelini, bahlephula isinkwa ekhaya, badla ukudla kwabo ngentokozo nangobumhlophe benhliziyo, bemdumisa uNkulunkulu, bethandeka kubantu bonke. INkosi yenezela ebandleni imihla ngemihla abasindiswayo.ULwesithathu, Ephreli 8, 2020
Okuncane kanye nokumesaba uJehova kungconokunengcebo eningi kanye nokukhathazeka.
ULwesibili, Ephreli 7, 2020
Kunjalo noKristu, esenikelwe kanye ukuba athwale izono zabaningi, uyakubonakala ngokwesibili ngaphandle kwesono kulabo abamlindeleyo, kube ngukusindiswa.UMsombuluko, Ephreli 6, 2020
Ngizinika ukuphila okuphakade, azisoze zabhubha naphakade; akakho ongazihlwitha esandleni sami. UBaba onginikileyo mkhulu kunabo bonke; akakho ongazihlwitha esandleni sikaBaba. Mina noBaba simunye.ISonto, Ephreli 5, 2020
Thokoza kakhulu,ndodakazi yaseSiyoni;
jabula nokujabula,
ndodakazi yaseJerusalema;
bheka, iNkosi yakho iza kuwe,
ilungile, inensindiso,
ithobekile, ikhwele imbongolo,
ithole, inkonyane yembongolokazi.
UMgqibelo, Ephreli 4, 2020
Manibe nhliziyonye; ningazindli okuphakemeyo, kodwa yaneliswani ngokuphansi. Ningazishayi abahlakaniphileyo.ULwesihlanu, Ephreli 3, 2020
Ngokuba lapho kukhona umhawu nombango, kukhona isiyaluyalu nezenzo zonke ezimbi.ULwesine, Ephreli 2, 2020
Ngazise imendo yakho, Jehova;ngifundise izindlela zakho.
ULwesithathu, Ephreli 1, 2020
Bheka, ngimi ngasemnyango ngingqongqotha; uma umuntu ezwa izwi lami, avule umnyango, ngiyakungena kuye, ngidle naye, naye adle nami.Izihloko ezihlobene
Uthando
Uthando luyabekezela, uthando lumnene...
Ngiyethemba
“Ngokuba ngiyazi mina imicabango...
Inkolo
Ngalokho ngithi kini: Konke...
Umndeni
Lawa mazwi engikuyala ngawo...
Khulekela
Jehova, unguNkulunkulu wami; ngiyakukuphakamisa...
Umkhuleko
Thokozani njalo; khulekani ningaphezi...