Ukulunga (3/5)

Kukhona indlela ebonakala sengathi ilungile kumuntu, kepha ukuphela kwayo kuyindlela yokufa. IzAga 14:12

ZUL59

Kukhona indlela ebonakala sengathi ilungile kumuntu,
kepha ukuphela kwayo kuyindlela yokufa.
IzAga 14:12 ukuphila isibi imicabango
Ngokuba uNkulunkulu kasiye ongalungile ukuba akhohlwe umsebenzi wenu nothando enalubonakalisa ngakulo igama lakhe, lokhu nibakhonzile abangcwele, nisabakhonza.
KumaHeberu 6:10 umsebenzi ukukhonza
Ithemba lami ngilibeka kuwe Jehova;
mawungangijabhisi naphakade;
ngikhulule ngokulunga kwakho.
AmaHubo 31:1 umhlengi ukuncika
Izindebe zolungileyo ziyakwazi okuhle,
kepha umlomo wababi okuphambeneyo.
IzAga 10:32 iqiniso ukukhuluma ukuqamba amanga
Kepha hambani nifunde ukuba kuthini ukuthi: ‘Ngifuna isihawu, hhayi umhlatshelo.’ Ngokuba angizanga ukubiza abalungileyo kepha izoni ukuba ziphenduke.
NgokukaMathewu 9:13 isihe umhlatshelo ukuphenduka
Ngiyathokoza nokuthokoza ngoJehova,
umphefumulo wami wenama ngoNkulunkulu wami,
ngokuba ungembathisile izingubo zensindiso,
wangisibekela ngesambatho sokulunga,
njengomyeni efaka iqhele ngokompristi,
nanjengomakoti ezihlobisa ngezimvunulo zakhe.
U-Isaya 61:10 injabulo umhlengi umshado
Ungabi namhawu ngomuntu oyisidlwangudlwangu,
ungakhethi neyodwa yezindlela zakhe,
ngokuba ophambeneyo uyisinengiso kuJehova.
kepha abaqotho bayisifuba sakhe.
IzAga 3:31-32 ukwethemba ukuhlela
Yena owathwala izono zethu emzimbeni wakhe emthini, ukuze kuthi sesifile ezonweni siphile ekulungeni, oyena imivimbo yakhe naphulukiswa ngayo.
1 kaPetru 2:24 isibi ukuphulukisa umzimba
Washo kanje uJehova Sebawoti, wathi: ‘Yahlulelani izahlulelo eziqinisileyo, nenze umusa nobubele, kube yilowo nalowo kumfowabo, ningacindezeli abafelokazi, nezintandane, nabafokazi, nabampofu, kungabi ngoceba okubi ngomfowabo enhliziyweni yakhe.’
UZakariya 7:9-10 okubi umakhelwane ubumnene
Konke kuvunyelwe kimi, kepha akusizi konke. Konke kuvunyelwe kimi, kepha mina anginakubuswa lutho.
1 kwabaseKorinte 6:12 umlutha izifiso ukuphila
Ngakho lokhu sesilungisisiwe ngokukholwa, sinokuthula kuNkulunkulu ngeNkosi yethu uJesu Kristu.
KwabaseRoma 5:1 inkolo ukuthula
Nina ningukukhanya kwezwe. Umuzi owakhe entabeni ungesitheke.
NgokukaMathewu 5:14 ukuvangela ukuphila inkazimulo
Jehova, yizwa umkhuleko wami,
ubeke indlebe ekuncengeni kwami;
ungiphendule ngokuthembeka kwakho nokulunga kwakho.
AmaHubo 143:1 thembekile umkhuleko ukwethembeka
UJehova ulungile ezindleleni zakhe zonke,
unomusa emisebenzini yakhe yonke.
AmaHubo 145:17 thembekile okuhle ukwethembeka
Ngokuba njengalokho ngokungalaleli kwamuntu munye abaningi benziwa izoni, kanjalo ngokulalela kwamuntu munye abaningi bayakwenziwa abalungileyo.
KwabaseRoma 5:19 ukulalela umthetho insindiso
Yahlulelani ompofu nentandane,
nimenzele okufaneleyo olusizi noswelayo.
AmaHubo 82:3 izintandane umakhelwane ubuthakathaka
Ngalokho uJehova uyakulindela
ukuba abe nomusa kini;
nangalokhu uyakuphakama ukuba abe nesihe kini,
ngokuba uJehova unguNkulunkulu wokwahlulela;
babusisiwe bonke abamhlalelayo.
U-Isaya 30:18 umusa ukubekezela ububele
Ngomphefumulo wami ngikulangazelela ebusuku,
yebo, ngomoya wami ophakathi kwami ngiyakufunisisa,
ngokuba lapho izahlulelo zakho zisemhlabeni,
abakhileyo bezwe bafunda ukulunga.
U-Isaya 26:9 ukwahlulela ukufunda
Kepha ebingazi yenza okufanele imivimbo, iyakushaywa eyingcosana; yilowo nalowo ophiwe okuningi, kuyakubizwa okuningi kuye; nophathiswe okuningi, bayakubiza kuye okungaphezu kwalokho.
NgokukaLuka 12:48 ukulalela umthetho isijeziso
Bonke abenza isono bayeqa nomthetho, ngokuba isono singukweqa umthetho.
1 kaJohane 3:4 isibi umthetho
Kepha kinina enilesabayo igama lami kuyakuphuma ilanga lokulunga, linokuphilisa emaphikweni alo; niyakuphuma, nitshekule njengamathole esibaya.
UMalaki 4:2 injabulo ukuphulukisa mangala
Thina singabaJuda ngemvelo, singesizo izoni zabezizwe; kepha lokhu sazi ukuthi umuntu akalungisiswa ngemisebenzi yomthetho, kuphela ngokukholwa nguKristu Jesu, nathi sakholwa nguKristu Jesu ukuba silungisiswe ngokukholwa nguKristu kungengemisebenzi yomthetho; ngokuba ngemisebenzi yomthetho akuyikulungisiswa nyama.
KwabaseGalathiya 2:15-16 inkolo umthetho
Izibusiso zisekhanda lolungileyo,
kepha umlomo wababi uyafihla ubudlwangudlwangu.
IzAga 10:6 ukukhuluma isibusiso
UJehova muhle, ulungile;
ngalokho ufundisa izoni indlela.
Abathobekileyo ubaholela kokulungileyo,
abathobekileyo ubafundisa indlela yakhe.
AmaHubo 25:8-9 ukuthobeka ukufunda
Babusisiwe abaqotho endleleni,
abahamba ngemithetho kaJehova.
AmaHubo 119:1 umthetho ukuphila ongenasici