Febroary 2026

Fa raha mamela ny fahadisoan'ny olona ianareo, dia mba hamela ny anareo kosa ny Rainareo Izay any an-danitra.

Matio 6:14 fahotana fahasoavana famelàn-keloka

Zoma 27 Febroary 2026

Ny fahotako nambarako taminao,
ary ny heloko tsy mba nafeniko.
Hoy izaho: hiaiky ny fahadisoako amin'i Jehovah aho;
ary Hianao dia namela ny heloky ny fahotako.

Salamo 32:5 fibabohana fahotana famelàn-keloka

Alakamisy 26 Febroary 2026

Ary izay ao amin'ny nofo dia tsy mahay manao ny sitrapon'Andriamanitra.

Romana 8:8 fahotana fiankinan-doha faniriana

Alarobia 25 Febroary 2026

Tafio avokoa ny fiadian'Andriamanitra, mba hahazoanareo hifahatra amin'ny fanangolen'ny devoly.

Efesiana 6:11 fitaovana faharatsiana fiarovana

Talata 24 Febroary 2026

Ny didin'ny molony tsy mba nialako;
Ny tenin'ny vavany noraketiko mihoatra noho ny faniriako.

Joba 23:12 lalàna lahateny fankatoavana

Alatsinainy 23 Febroary 2026

Fa izay araka ny nofo dia mihevitra izay zavatry ny nofo; fa izay araka ny Fanahy kosa mihevitra izay zavatry ny Fanahy.

Romana 8:5 fiainana vatana Fanahy

Alahady 22 Febroary 2026

Dia nambarany taminareo ny fanekeny, izay nandidiany anareo harahina, dia ny Didy Folo ary nosoratany teo amin'ny vato fisaka roa ireo.

Deotoronomia 4:13 fifanarahana lalàna fanarahana

Asabotsy 21 Febroary 2026

An'i Jehovah ny tany sy izay rehetra eo aminy.
Izao rehetra izao sy ny mponina eo aminy.

Salamo 24:1 Andriamanitra fiainana andriamanitra lehibe

Zoma 20 Febroary 2026

Izay nanolotra ny tenany hamonjy antsika, mba hanavotany antsika ho afaka amin'ny ota rehetra, sy hanadiovany izay olona ho an'ny tenany, sady ho mazoto indrindra amin'ny asa tsara izany.

Titosy 2:14 sorona fanadiovana hatsaram-panàhy

Alakamisy 19 Febroary 2026

Koa araka ny ananantsika andro hanaovana, dia aoka isika hanao soa amin'ny olona rehetra, indrindra fa amin'ny mpianakavin'ny finoana.

Galatiana 6:10 fahamoram-panahy manaraka hatsaram-panàhy

Alarobia 18 Febroary 2026

Tsy izao va no fifadiana izay ankasitrahako:
Dia ny hamaha ny famatoran'ny faharatsiana,
sy hanaboraka ny fehin'ny zioga,
sy handefa ny ampahorina ho afaka,
ary hanapatapaka ny zioga rehetra?

Isaia 58:6 fifadian-kanina manaraka fanandevozana

Talata 17 Febroary 2026

Sambatra izay olona mahita fahendrena
Sy izay olona mahazo fahalalana.

Ohabolana 3:13 fahendresena saina mahatakatra

Ary ny fanjakan'ny lanitra dia tahaka ny harena nafenina tany an-tsaha, izay hitan'olona, ka dia nafeniny; ary noho ny hafaliany dia lasa nandeha izy ka nivarotra ny fananany rehetra, dia nividy izany saha izany.

Matio 13:44 fanjakana lanitra fifaliana

Alahady 15 Febroary 2026

Ary ny faharoa, izay tahaka azy ihany, dia izao: Tiava ny namanao tahaka ny tenanao.

Matio 22:39 lalàna manaraka fitiavana

Asabotsy 14 Febroary 2026

Izaho tia an'i Jehovah, satria efa nandre
Ny feon'ny fifonako Izy.
Satria efa nanongilana ny sofiny tamiko Izy,
Dia hiantso aho, raha mbola velona koa.

Salamo 116:1-2 fitiavana fiankohofana mihaino

Zoma 13 Febroary 2026

Dia hoy Jesosy taminy: Tiava an'i Jehovah Andriamanitrao amin'ny fonao rehetra sy ny fanahinao rehetra ary ny sainao rehetra.

Matio 22:37 fo aina saina

Alakamisy 12 Febroary 2026

Ary na dia omeko hohanin'ny malahelo aza ny fananako rehetra, ary na dia atolotro hodorana aza ny tenako, kanefa tsy manana fitiavana aho, dia tsy mahasoa ahy akory izany.

1 Korintiana 13:3 fitiavana fijaliana manomeza

Alarobia 11 Febroary 2026

Ny harena dia tsy mahasoa amin'ny andro fahatezerana;
Fa ny fahamarinana no mamonjy tsy ho azon'ny fahafatesana.

Ohabolana 11:4 vola rariny fitiavan-karena

Talata 10 Febroary 2026

Izay mino ny Zanaka manana fiainana mandrakizay; fa izay tsy mino ny Zanaka dia tsy hahita fiainana, fa ny fahatezeran'Andriamanitra no mitoetra eo aminy.

Jaona 3:36 fiainana mandrakizay finoana fankatoavana

Alatsinainy 9 Febroary 2026

Ny tsara no tadiavo, fa aza ny ratsy,
mba ho velona ianareo;
Ka dia homba anareo Jehovah, Andriamanitry ny maro,
araka izay efa nolazainareo.

Amosa 5:14 fahamasinana valisoa mitady

Alahady 8 Febroary 2026

Fa Jehovah manavotra ny fanahin'ny mpanompony,
ka tsy mba hisy hohelohina izay rehetra mialoka aminy.

Salamo 34:22 famonjena fiainana fiarovana

Asabotsy 7 Febroary 2026

Jesosy namaly hoe: Ny fanjakako tsy avy amin'izao tontolo izao; fa raha mba avy amin'izao tontolo izao ny fanjakako, dia ho niady ny mpanompoko, mba tsy ho voatolotra tamin'ny Jiosy Aho; nefa ankehitriny tsy avy amin'izany ny fanjakako.

Jaona 18:36 fanjakana fanompoana izao tontolo izao

Zoma 6 Febroary 2026

Tsy izay rehetra manao amiko hoe: Tompoko, Tompoko, no hiditra amin'ny fanjakan'ny lanitra, fa izay manao ny sitrapon'ny Raiko Izay any an-danitra.

Matio 7:21 fankatoavana famonjena fanjakana

Alakamisy 5 Febroary 2026

Ary amin'izay dia ho fantatrao ny fahamarinana sy ny rariny
Ary ny hitsiny, dia ny lalana tsara rehetra.

Ohabolana 2:9 rariny hatsaram-panàhy fanaovana ny marina

Alarobia 4 Febroary 2026

Ary hoy Petera taminy: Mibebaha, ary aoka samy hatao batisa amin'ny anaran'i Jesosy Kristy ianareo rehetra mba hahazo famelana ny helokareo; ary ianareo handray ny fanomezana, dia ny Fanahy Masina.

Asan'ny Apostoly 2:38 famelàn-keloka Fanahy batisa

Talata 3 Febroary 2026

Fa Jesosy nijery azy ka nanao hoe: Raha amin'ny olona, dia zavatra tsy hainy izany; fa tsy mba tahaka izany amin'Andriamanitra; fa ny zavatra rehetra dia hain'Andriamanitra.

Marka 10:27 fahagagana famonjena Jesosy

Alatsinainy 2 Febroary 2026

Fony tsy mbola ary ny tendrombohitra,
Na voaforonao ny tany sy izao rehetra izao,
Dia Andriamanitra Hianao hatramin'ny taloha indrindra ka mandrakizay.

Salamo 90:2 famoroana izao tontolo izao Andriamanitra mahatakatra