Februwari 2026

Nguye owazenza idini ngenxa yethu, wasikhupha ekudeleni umthetho. Wasenza abantu bakhe abanyulu, abalangazelela ukwenza okulungileyo.

KUTITO 2:14 umbingelelo ukusulungekiswa ukulunga

2026 Februwari 19, Lwesine

Ngoko ke masisebenzele ukulungelwa komntu wonke, ngalo lonke ixesha esinethuba ngalo, ngokukodwa usapho lwamakholwa.

KUMAGALATI 6:10 ubulali ummelwane ukulunga

2026 Februwari 18, Lwesithathu

Naku okona kuzila ndikufunayo:
Zikhululeni iimbophelelo zengcinezelo;
niwanyenyise amatyathanga edyokhwe,
bakhululwe bonke abacinezelwa,
niyaphule idyokhwe yengcinezelo.

UISAYA 58:6 ukuzila ukutya ummelwane ubukhoboka

2026 Februwari 17, Lwesibini

Unenyhweba kambe umntu obufumeneyo ubulumko;
nditsho lowo ukuzuzileyo ukuqonda.

IZAFOBE 3:13 ubulumko ingqondo ukuqonda

2026 Februwari 16, Mvulo

Ukulawula kukaThixo kunokufaniswa nobutyebi obufihlwe entsimini, waza ubani wabubhaqa, wabugqumelela kwakhona, wathi, evuya kakhulu, waya kuthengisa konke anako, wayithenga loo ntsimi.

UMATEWU 13:44 ubukumkani izulu uvuyo

2026 Februwari 15, Cawe

Owesibini ke ufana nawo: ‘Uze umthande ummelwane wakho kanye ngale ndlela uzithanda ngayo nawe.’

UMATEWU 22:39 umthetho ummelwane uthando

2026 Februwari 14, Mgqibelo

UNdikhoyo ndiyamthanda, kuba uyandiva;
uyasabela ndakuzibika kuye.
Njengoko endiphulaphula nje,
ndobhenela kuye xa ndisadl' ubomi.

INdumiso 116:1-2 uthando unqulo ukuphulaphula

2026 Februwari 13, Lwesihlanu

Waza uYesu wathi: “ ‘Uze uyithande iNkosi uThixo wakho ngentliziyo yakho iphela, nangomphefumlo wakho uphela, nangengqondo yakho iphela.’”

UMATEWU 22:37 intliziyo umphefumlo ingqondo

2026 Februwari 12, Lwesine

Ewe, nokuba ndinganikisa ngempahla yam yonke, ndide nam ngokwam ndizinikele ukuba nditshiswe, kodwa ke ndingenalo uthando, akuncedi nto konke-konke.

1 KWABASEKORINTE 13:3 uthando ukubandezeleka ukupha

2026 Februwari 11, Lwesithathu

Ubutyebi bomntu abumsindisi kwingqumbo kaThixo;
sisimo esisulungekileyo kuphela esimhlangulayo umntu ekufeni.

IZAFOBE 11:4 imali ubulungisa ukuthanda izinto eziphathekayo

2026 Februwari 10, Lwesibini

Othe wakholwa kuNyana, unobomi obungonaphakade. Othe akamthobela uNyana, akayi kubona bomi; ingqumbo kaThixo ihlala ihleli phezu kwakhe.

UYOHANE 3:36 ubomi obungunaphakade ukholo ukuthobela

2026 Februwari 9, Mvulo

Quqelani kokulungileyo, ingekuko okubi,
khon' ukuze niphile,
naye uNdikhoyo, uThixo onamandla onke, abe phakathi kwenu,
njengoko nizingca ngaloo nto.

UAMOS 5:14 ubungcwele ibuyiselo ukufuna

2026 Februwari 8, Cawe

UNdikhoyo wozihlangula izicaka zakhe;
bonke abakholose ngaye abayi kugwetywa.

INdumiso 34:22 usindiso ubomi ukukhuselwa

2026 Februwari 7, Mgqibelo

Wathi ke yena uYesu: “Asibobeli hlabathi ubukhosi bam. Xa bekunjalo amaphakathi am ebeya kundilwela, ukuze ndingabanjwa ngamaJuda, kodwa ke asibobalapha ubukhosi bam.”

UYOHANE 18:36 ubukumkani ukukhonza umhlaba

2026 Februwari 6, Lwesihlanu

Asingabo bonke abathi kum: ‘Nkosi, Nkosi,’ abaya kubuxhamla ubuncwane bokulawulwa nguThixo; kuphela ngabayenzayo intando kaBawo osezulwini.

UMATEWU 7:21 ukuthobela usindiso ubukumkani

2026 Februwari 5, Lwesine

Ukuba uyandiphulaphula uya kuba nako ukubuqonda ubulungisa,
ukwazi okufanelekileyo nokulungileyo.
Ewe, uya kutsho uyazi yonke indlela ethe ngqo.

IZAFOBE 2:9 ubulungisa ukulunga ukunyaniseka

2026 Februwari 4, Lwesithathu

Wathi uPetros kubo: “Guqukani ezonweni zenu nonke ngabanye, nibhaptizwe egameni likaYesu Krestu, ukuze nixolelwe izono zenu, nize namkele isipho soMoya oyiNgcwele.”

UMSEBENZI WABATHUNYWA 2:38 uxolelo Umoya ubhaptizo