Janyuwari 2026

Musa ukuthi: “Bekungani ukuba imihla yamandulo ibe ngcono kunale yangoku?”
Kaloku ayibubo ubulumko ukubuza umbuzo onjalo.

AMAVA ENGQONDI 7:10 ubulumko ubomi

2026 Janyuwari 30, Lwesihlanu

Naphakathi kwengqeqesho yakho, Ndikhoyo,
sihlala sijonge kuwe;
umnqweno neqhayiya lethu nguwe.

UISAYA 26:8 umthetho ubulungisa iminqweno

2026 Janyuwari 29, Lwesine

Anikamboni nokumbona, kodwa niyamthanda. Niyakholwa nokukholwa kuye, naxa ningekamboni nje. Senizele naluchulumacho olungenakuchazwa, kuba seniyibona injongo yokholo lwenu; ndixela inkululeko yenu.

1 KAPETROS 1:8-9 ukholo uvuyo usindiso

2026 Janyuwari 28, Lwesithathu

Waphendula uYesu wathi kuye: “Lowo undithandayo uyawagcina amazwi am. Wothi uBawo amthande, size siye kuye, sihlale kunye naye.”

UYOHANE 14:23 uthando ukuthobela UTata

2026 Janyuwari 27, Lwesibini

Ndiyakuthanda, Ndikhoyo, mandla am.
NguNdikhoyo iliwa lam; nguye inqaba yam; nguye umkhuseli wam.
Xa ndizimele ngoThixo wam ndihlala ndikhuselekile.
Nguye ikhaka lam, nguye ondigcina ndifihlakele.

INdumiso 18:1-2 usindiso amandla umhlawuleli

2026 Janyuwari 26, Mvulo

Ndithi kuni, inene, akukho sicaka singaphezu kwenkosi yaso, kungekho nothunyiweyo ongaphezulu kwalowo umthumileyo.

UYOHANE 13:16 ukukhonza ukuthobeka ubukhoboka

2026 Janyuwari 25, Cawe

Lowo uzinikelayo kuNyana kaThixo akagwetywa; kodwa lowo ungazinikeliyo selegwetyiwe, kuba engakholwa kuNyana kaThixo okuphela kwakhe.

UYOHANE 3:18 ukholo umgwebo

2026 Janyuwari 24, Mgqibelo

Ozingela ubulumko uyazithanda ngokwakhe;
okuxabisileyo ukuqonda uzuza ukonwaba.

IZAFOBE 19:8 ubulumko ubomi ingqondo

2026 Janyuwari 23, Lwesihlanu

Niyabona ke, mawethu, lumkani kungabikho bani kuni ukhohlakeleyo, ungakholwayo, ongumkreqi kuThixo ophilayo.

KUMAHEBHERE 3:12 umsindo ububi intliziyo

Kungoko ke athe uThixo wamphakamisa kakhulu,
wamthi jize ngelona gama lingaphezu kwawo onke amanye amagama,
ukuze bonke abaphilayo,
ezulwini, emhlabeni, naphantsi komhlaba,
bagobe amadolo benika imbeko kwigama likaYesu.

KWABASEFILIPI 2:9-10 UYesu unqulo izulu

2026 Janyuwari 21, Lwesithathu

Isiseko sobulumko kukuthobela uNdikhoyo.
Abayenzayo ke le nto baba nengqiqo eyiyo.
Ewe, makadunyiswe nanini-nanini!

INdumiso 111:10 ukumoyika uthixo ubulumko unqulo

2026 Janyuwari 20, Lwesibini

Ubabalo lweNkosi uYesu maluhlale kuni nonke.

ISITYHILELO 22:21 ubabalo UYesu intsikelelo

2026 Janyuwari 19, Mvulo

Waza wathi kuye uYesu: “Ndim uvuko; ndim ubomi. Lowo ukholwayo kum wodla ubomi nokuba ebefile. Wonke odla ubomi ekholwa kum, soze afe naphakade. Ke wena ngaba uyakholwa koku?”

UYOHANE 11:25-26 ukholo ukufa uvuko

2026 Janyuwari 18, Cawe

Thandazani ke ngoko nina nithi:
“ ‘Bawo wethu osezulwini:
Malaziwe lihlonelwe igama lakho,
malongame ulawulo lwakho,
makwenziwe ukuthanda kwakho, emhlabeni njengasezulwini.”’

UMATEWU 6:9-10 umthandazo UTata ukuthobeka

2026 Janyuwari 17, Mgqibelo

Kwakulawula umthetho kaMosis nezibhalo zabashumayeli bamandulo kwada kwaba yimihla kaYohane umbhaptizi. Ukususela ngoko kushunyayelwa iindaba ezimnandi zolawulo lukaThixo oluthwasileyo. Ke bonke beza kulo begxalathelana.

ULUKA 16:16 umthetho ubukumkani ukuvangela

2026 Janyuwari 16, Lwesihlanu

Guqukani, kuba ulawulo lukaThixo lusemnyango!

UMATEWU 3:2 inguquko ubukumkani izulu

2026 Janyuwari 15, Lwesine

Hayi inyhweba yomntu ongahambiyo ngecebo labantw' abagwenxa,
ongahambiyo ekhondweni lamatshijolo,
umnt' ongadlelaniyo nabaphoxisayo.

INdumiso 1:1 isono ubulungisa intsikelelo

2026 Janyuwari 14, Lwesithathu

Ukuba bakho abantu abalumkileyo nabaqondayo phakathi kwenu, loo nto mabayibonakalise ngobomi obumsulwa, nangezenzo zentobeko nobulumko.

EKAYAKOBI 3:13 ukuthobeka ubulumko ubomi

2026 Janyuwari 13, Lwesibini

Makungabikho namnye uzikhohlisayo. Ukuba ubani kuni uba usisilumko kweli hlabathi, makabe “sisidenge” ukuze abe sisilumko ngenene.

1 KWABASEKORINTE 3:18 ubulumko umhlaba ukuzingca

2026 Janyuwari 12, Mvulo

Mfo wam, ndingonwaba kakhulu
xa ingqondo yakho idlamkile.

IZAFOBE 23:15 ubulumko intliziyo uvuyo

2026 Janyuwari 11, Cawe

Ziphatheni njengabantu abakhululekileyo. Kambe ke inkululeko leyo mayingabi lokhusi lokungcola; koko ziphatheni njengezicaka zikaThixo.

1 KAPETROS 2:16 ubomi inkululeko ububi

2026 Janyuwari 10, Mgqibelo

Kaloku zonke izinto zeli hlabathi – iinkanuko zesimo esonakeleyo, ukubawa, namagugu obu bomi – aziveli kuThixo, koko zizinto zeli hlabathi.

1 KAYOHANE 2:16 iminqweno ukuba likhoboka ikratshi

2026 Janyuwari 9, Lwesihlanu

Wena Thixo, unguThixo wam, ndithe swi nguwe.
Umphefumlo wam uyakulangazelela.
Ndihlala ndizula-zula ndikufuna;
ndinxanele wena oku komhlaba obharhileyo.

INdumiso 63:1 unqulo ukufuna umphefumlo

2026 Janyuwari 8, Lwesine

Bayale abantu abanobutyebi beli hlabathi bangaziphakamisi baqamele ngento engaqinisekanga njengemali, koko mabathembele kuThixo, kuba yena unezinwe, unako ukusenza sixhamle zonke izinto sonwabile.

1 KUTIMOTI 6:17 imali uvuyo ukuthanda izinto eziphathekayo

2026 Janyuwari 7, Lwesithathu

Ewe kambe, unqulo luyamtyebisa umntu ukuba uyaneliswa zezo zinto anazo.

1 KUTIMOTI 6:6 ukholo uvuyo ukuthanda izinto eziphathekayo

2026 Janyuwari 6, Lwesibini

Xa ufuna ukuviwa ngabo basemagunyeni
phatha umngena-ndlwini xa uya kubo.

IZAFOBE 18:16 ibuyiselo ukupha

2026 Janyuwari 5, Mvulo

Ngoko ke yibani nenceba, njengokuba naye uYihlo enenceba.

ULUKA 6:36 ukulunga ummelwane UTata

2026 Janyuwari 4, Cawe

Ukuba umntu omi kakuhle ngezinto zobu bomi ubona uwabo eswele, aze amvimbe into engamncedayo, angatsho njani loo mntu ukuba unalo uthando lukaThixo entliziyweni yakhe?

1 KAYOHANE 3:17 imali ummelwane uvelwano