Fo (2/3)

Sambatra izay mitandrina ny teni-vavolombelony Ka mitady Azy amin'ny fo rehetra. Salamo 119:2

MG1865

Sambatra izay mitandrina ny teni-vavolombelony
Ka mitady Azy amin'ny fo rehetra.
Salamo 119:2 fitahiana mitady
Lazaiko aminareo marina tokoa: Na zovy na zovy no hilaza amin'ity tendrombohitra ity hoe: Mifindrà, ka mianjerà any an-dranomasina, ka tsy hiahanahana ao am-pony, fa hino fa ho tonga ny zavatra lazainy, dia ho azony izany.
Marka 11:23 fahatokisana finoana
Hidera Anao amin'ny hitsim-po aho
Amin'ny ianarako ny fitsipikao marina.
Salamo 119:7 lalàna fiankohofana fiderana
Ny alahelo ao am-pon'ny olona dia mampitanondrika azy;
Fa ny teny soa no mahafaly azy.
Ohabolana 12:25 lahateny ahiahy
Ataovy toy ny fanombohan-kase ao am-ponao aho sy toy ny fanombohan-kase eo an-tsandrinao; Fa mahery toy ny fahafatesana ny fitiavana, masiaka tahaka ny fiainan-tsi-hita ny fahasaro-piaro; Ny lelafony dia lelafo midedadeda, eny, lelafon'i Jehovah.
Tonon-kiran'i Solomona 8:6 fitiavana fahafatesana
Tandremo, ry rahalahy, fandrao hisy aminareo hanana fo ratsy tsy mino ka hiala amin'Andriamanitra velona.
Hebreo 3:12 hatezerana faharatsiana manaraka
Ny fanantenana tsy azo vetivety dia mankarary am-bavafo;
Fa hazon'aina ny faniriana tanteraka.
Ohabolana 13:12 fanantenana fiainana aretina
Kanefa mitandrema tsara mba hanaraka ny didy sy ny lalàna izay nandidian'i Mosesy, mpanompon'i Jehovah, anareo, hitiavanareo an'i Jehovah Andriamanitrareo sy handehananareo amin'ny lalany rehetra sy hitandremanareo ny didiny sy hifikiranareo aminy ary hanompoanareo Azy amin'ny fonareo rehetra sy ny fanahinareo rehetra.
Josoa 22:5 lalàna aina fanompoana
Ato am-poko no iraketako ny teninao,
Mba tsy hanotako aminao.
Salamo 119:11 Tenin'Andriamanitra fahotana
Fa raha izaho kosa, dia ny famindram-ponao no itokiako;
ho faly amin'ny famonjenao ny foko.
Hihira ho an'i Jehovah aho,
satria nanisy soa ahy Izy.
Salamo 13:5-6 fahatokisana fiankohofana mihira
Ary ny fanantenana dia tsy mampahamenatra, satria ny Fanahy Masina, Izay nomena antsika, no nentiny nampidina ny fitiavan'Andriamanitra ho ao am-pontsika.
Romana 5:5 fanantenana Fanahy fitiavana
Efa noraisiko ho lovako mandrakizay ny teni-vavolombelonao,
Satria fifalian'ny foko izany.
Salamo 119:111 lalàna fifaliana
Ary ny fonareo no triatriaro,
fa aza ny fitafianareo,
ary miverena amin'i Jehovah Andriamanitrareo;
Fa mamindra fo sy miantra Izy,
mahari-po sady be famindram-po
ary manenina ny amin'ny loza.
Joela 2:13 fahasoavana fitiavana fitokisana
Mandehana, hano amin'ny fifaliana ny haninao, ary sotroy amin'ny fo falifaly ny divainao, fa efa nankasitrahan'Andriamanitra ela ny asanao.
Mpitoriteny 9:7 fifaliana hanina fiainana
Ampianaro ny lalanao aho, Jehovah ô,
Dia handeha amin'ny fahamarinanao aho;
Ampiraiso ny foko hatahotra ny anaranao.
Salamo 86:11 mianatra fahamarinana fitokisana
Anaka, tandremo ny teniko;
Atongilano ny sofinao hihaino ny filazako.
Aza avela hiala eo imasonao izy,
Fa raketo ao am-ponao.
Ohabolana 4:20-21 mihaino Tenin'Andriamanitra fankatoavana
Anaka, raha hendry ny fonao,
Dia ho faly koa ny foko, dia ny foko.
Ohabolana 23:15 fahendresena fifaliana ankohonana
Koa na dia ankehitriny aza, hoy Jehovah,
miverena amiko amin'ny fonareo rehetra
ary amin'ny fifadian-kanina sy ny fitomaniana ary ny fitarainana.
Joela 2:12 fiovam-po fifadian-kanina fisaonana
Ary hoy Izy taminy: Hay! ianareo koa aza mba tsy mahafantatra! Tsy fantatrareo va fa izay rehetra eo ivelan'ny olona ka miditra ao anatiny dia tsy mahaloto azy, satria tsy miditra ao am-pony izany, fa ao an-kibony ihany, ka dia mivoaka ao amin'ny fivoahana; izany no nolazainy mba hahadio ny hanina rehetra.
Marka 7:18-19 hanina vatana
Na dia misy antokony mitoby hiady amiko aza,
tsy hatahotra ny foko;
na dia misy ady mihatra amiko aza,
dia hatoky ihany aho.
Salamo 27:3 tahotra fahatokisana filaminana
Amporisiho ny foko ho amin'ny teni-vavolombelonao,
Fa tsy ho amin'ny fieremana.
Salamo 119:36 lalàna fitiavan-bola fitiavan-tena
Hidera an'i Jehovah amin'ny foko rehetra aho;
hanambara ny fahagaganao rehetra aho.
Salamo 9:1 fiankohofana fankasitrahana fahagagana
Efa, renareo fa voalaza hoe: Aza mijangajanga. Fa Izaho kosa milaza aminareo fa izay rehetra mijery vehivavy hila azy dia efa nijangajanga taminy tam-pony sahady.
Matio 5:27-28 fanambadiana faniriana fahotana
Ary, indro, efa handeha ho amin'ny lalana falehan'ny tany rehetra aho izao; ary fantatrareo ao amin'ny fonareo rehetra sy ny fanahinareo rehetra fa tsy misy latsaka na dia zavatra iray akory aza ny zava-tsoa rehetra izay nilazan'i Jehovah Andriamanitrareo anareo; efa tanteraka taminareo avokoa izy rehetra: tsy nisy latsaka izy na dia zavatra iray akory aza.
Josoa 23:14 fitokisana aina fahafatesana
Ary ny ho tia Azy amin'ny fo rehetra sy ny saina rehetra sy ny hery rehetra, ary ny ho tia ny namana tahaka ny tena, dia mihoatra lavitra noho ny fanatitra hodorana sy ny fanatitra hafa rehetra izany.
Marka 12:33 saina tanjaka fitiavana