Imali (2/2)

Kaloku nguwuphi na kuni othi, efuna ukwakha inqaba, angàthi kuqala ahlale phantsi… ULUKA 14:28

XHO96

Kaloku nguwuphi na kuni othi, efuna ukwakha inqaba, angàthi kuqala ahlale phantsi, abale indleko, ethelekelela ukuba unazo na izinto zokuyigqiba?
ULUKA 14:28 ityala ukucwangcisa
Ewe, umntu xa ephiwe ubutyebi nezinye izinto eziphathekayo, aze futhi uThixo amnike inyhweba yokuzixhamla ezo zinto, kufuneka akuxhamle enombulelo ukubulaleka kwakhe – kaloku eso sisipho esivela kuThixo.
AMAVA ENGQONDI 5:19 ukutya umsebenzi ukwamkela
Ndiyazana nokuswela, kanti ke futhi ndikuqhelile ukuba nento yonke. Ndiwaqhelile amahlandinyuka obomi: intlutha nendlala, ubutyebi nokuswela.
KWABASEFILIPI 4:12 ukwaneliseka ukutya ubomi
Ubutyebi obufunyenwe ngobuqhophololo abuphumelelisi,
kodwa ke kona ukuziphatha kakuhle kuhlangula ekufeni.
IZAFOBE 10:2 ukunyaniseka ubulungisa
Kum ziluyolo izithethe zakho;
zingaphezu kwabo bonke ubutyebi.
INdumiso 119:14 umthetho uvuyo
Akukho mntu unokukhonza iinkosi ezimbini, kuba uya kuyithiya le, ayithande leya, okanye abambelele kule, ayidele leya. Aninako ukukhonza uThixo kwanobutyebi.
UMATEWU 6:24 ukukhonza ityala ukuthanda izinto eziphathekayo
Isidima nobutyebi ziphuma kuwe;
wena ungumlawuli weento zonke.
Kulapho kwezo zandla zakho ukomelela ndawonye namandla.
Xa bebonke ubanike ubukhulu namandla.
1 YEZIGANEKO 29:12 usomandla amandla
Ukuba umntu omi kakuhle ngezinto zobu bomi ubona uwabo eswele, aze amvimbe into engamncedayo, angatsho njani loo mntu ukuba unalo uthando lukaThixo entliziyweni yakhe?
1 KAYOHANE 3:17 ummelwane uvelwano uthando
Indlu nobutyebi lilifa looyise,
kodwa umfazi onengqondo uvela kuNdikhoyo.
IZAFOBE 19:14 ubudlelwane
Busesandleni sikaNdikhoyo ubutyebi nobuhlwempu,
ngokunjalo ukuphakanyiswa nokuthotywa.
1 KASAMWELI 2:7 usomandla ukuthobeka ukuxhomekeka
Akunani kwaintwana engephi oyizuze ngendlela elungileyo
kunentabalala yengeniso oyifumene ngondlela-mnyama.
IZAFOBE 16:8 ubulungisa ukwaneliseka ukunyaniseka
Nangona sineenzingo, sihlala sichwayitile. Ngathi singamahlwempu, ukanti abaninzi batyeba ngathi; ngathi singabasweleyo, kanti siphuphuma izinto zonke.
2 KWABASEKORINTE 6:10 usizi uvuyo ukuthanda izinto eziphathekayo
Akuba ke uYobi ebathandazele abahlobo bakhe kuNdikhoyo, uNdikhoyo waphinda wambuyisela uYobi kundalashe. Ewe, ubutyebi bakhe wada wabuphinda-phinda.
UYOBI 42:10 umthandazo intsikelelo
Yakukhula ingeniso bayanda nabaxhomekeke kuyo,
ibe yintoni ke ezuzwa ngumniniyo?
Kuphela uyitya ngamehlo!
AMAVA ENGQONDI 5:11 ukuthanda izinto eziphathekayo iminqweno
Izikrelemnqa ziboleka zingabuyisi,
ke lona ilungisa lipha ngesisa.
INdumiso 37:21 ityala ubulungisa ukupha
Umntu osisityebi uyalilawula ihlwempu;
nalowo ubolekayo likhoboka lalowo ubolekisayo.
IZAFOBE 22:7 ityala ubukhoboka ubuhlwempu
Ikholwa elihlelelekileyo malivuye lakuphakanyiswa nguThixo. Nekholwa elimi kakuhle nalo malizidle lakuthotywa nguThixo. Kaloku kwanesinhanha esi sithi shwaka njengentyatyambo esendle.
EKAYAKOBI 1:9-10 ikratshi ukuthobeka
Eyahlwayelwa endaweni enokhula izekelisa lowo uzivayo iindaba ezi, aze ke amaxhala eli phakade, nokulukuhla kobutyebi, kuziminxe iindaba, kungabikho siqhamo.
UMATEWU 13:22 ILizwi likaThixo ukukhathazeka isilingo
Kusenokwenzeka ukuba ubutyebi bomntu bube yintlawulo yobomi bakhe;
kanti ke lona ihlwempu alazani nokugrogriswa.
IZAFOBE 13:8 ukuthanda izinto eziphathekayo uloyiko ubuhlwempu
UPetros wabuza wathi: “Hananiya, kutheni ukuba umyeke uSathana alawule intliziyo yakho, akwenze uxokise uMoya oyiNgcwele ngokugcina inxalenye yemali oyifumeneyo ngomhlaba wakho? Umhlaba wakho ubungowakho phambi kokuba uwuthengise, nemali yawo ibiyeyakho emveni kokuba uwuthengisile. Kungani ke ukuba ufike kwisigqibo sokwenza into enje? Awuxokisanga mntu, uxokise uThixo.”
UMSEBENZI WABATHUNYWA 5:3-4 ukuxoka ukunyaniseka umtyholi
Ngoko ke, indim nje uThixo wenu, sanukundidibanisa nezithixo ezenziwe ngesiliva okanye igolide.
EYEMFUDUKO 20:23 umthetho izithixo