Iivesi zeBhayibhile malunga nobungcwele

«»

• Xa ke kanti, mawethu, izithembiso ezinje zenzelwa thina, masizenze sibe nyulu emzimbeni nasemphefumlweni, sibe ngcwele ngokuhlala simoyika uThixo.
  2 KWABASEKORINTE 7:1ukusulungekiswaukumoyika uthixoizithembiso
• Kwinto yonke yibani ngcwele. Kaloku uThixo onibizileyo ungcwele.
  Kanti ke neziBhalo zitsho ukuthi: “Yibani ngcwele, ngokuba mna ndingcwele.”
  1 KAPETROS 1:15-16ubomiubizo
• Hlalani ngoxolo nabo bonke abantu. Yibani nyulu, kuba ngaphandle kobunyulu akukho mntu uya kuyibona iNkosi.
  KUMAHEBHERE 12:14uxoloubomiuxolelwaniso
• Lungaziphatha kanjani ulutsha ukuze ihambo yalo ibe nyulu?
  Ngokuthobela ilizwi lakho.
  INdumiso 119:9ILizwi likaThixoizixhobo
• Nguye owasisindisayo wasibiza ukuba sibe ngabanyuliweyo, kungengamisebenzi yethu, kodwa ngenxa yenjongo nobubele bakhe. Wasenzela obu bubele ngoKrestu Yesu kwantlandlolo.
  2 KUTIMOTI 1:9ubabalousindisoubizo
• Ndibhenela kuwe, Thixo wam:
  khawundigoca-goce, undiphicothe, undiqondisise;
  ndivavanye uziqonde iingcamango zam!
  Ndiqwalasele, hleze ndithi kanti ndiphambukile;
  undikhokelele kwindlela eyeyona-yona.
  INdumiso 139:23-24ubomi obungunaphakadeubulungisaiingcamango
• Njengoko nimanywe noYesu Krestu izimvo zenu mazifane nezakhe.
  KWABASEFILIPI 2:5UYesu
• Yonke into enimelwe kukuyenza yenzeni ngaphandle kokukhalaza nokuxambulisana, niziphathe nyulu ningenagxeke, njengosapho lukaThixo olungabekwa bala phakathi kwabantu abakhohlakeleyo beli phakade. Khanyani phakathi kwabo njengeenkwenkwezi zikhanya esibhakabhakeni, nibanika iindaba zobomi.
  KWABASEFILIPI 2:14-16aILizwi likaThixoubomingokungenatyala
• Kufuneka nizahlulele mna, nibe ngabam ndedwa, kuba kaloku ndim Ndikhoyo uThixo wenu, ndaye mna ndahlukile. Ndanahlula kwezi ntlanga, ukuze nina nibe ngabam ndedwa.
  EYONQULO 20:26ubomi
• Nanjengoko nilusapho lukaThixo, makungakhankanywa phakathi kwenu ukurheletya nako konke ukungcola nokunyoluka.
  KWABASE-EFESE 5:3isonoukubawangesondo
• Ndiyanikhuthaza ngoko, mawethu, ngenxa yenceba kaThixo, ukuba nizinikele nina ziqu nibe lidini eliphilayo, elingcwele, elikholekileyo kuThixo. Leyo ke yindlela yenu efanelekileyo yokukhonza uThixo ngengqiqo.
  KWABASEROMA 12:1incebaukuthobela
• Hayi, akakh' onjengawe;
  hayi bo, wahlukile wena, Ndikhoyo!
  Akukh' ongxondorha injengoThixo wethu!
  1 KASAMWELI 2:2uThixounqulo
• Ngoku ke, nikhululwe nje esonweni, naba ngabakaThixo, ninaso isiqhamo esibubungcwele. Le nto ke ikhokelela ebomini obungunaphakade.
  KWABASEROMA 6:22inkululekoumhlawuleliisono
• Utsho uThixo ophakamileyo,
  uThixo oyedwa ophila ngonaphakade:
  “Ndihlala emajuku-jukwini angayiwayo,
  kanti ndiyahlala nasebantwini –
  kwabo bazinikelayo bathobekileyo –
  ukuze ndibahlaziye abathobekileyo,
  ndibakhuthaze abo bazinikelayo.”
  UISAYA 57:15usindisoubomi
• Njengoko uYihlo osezulwini anothando olugqibeleleyo, nani yibani ngabagqibeleleyo.
  UMATEWU 5:48UTata
• Anazi na ukuba nina niyindlu kaThixo? Anazi na ukuba uMoya kaThixo uhlala ngaphakathi kwenu?
  1 KWABASEKORINTE 3:16uMoya oyiNgcweleUmoyaicawa
• Ke kaloku, mawethu, ndiyaniyala: balumkeleni abaxabanisayo nabakhubekisayo, besenza okuchaseneyo nemfundiso enayifundiswayo nina. Zikhwebuleni kubo.
  KWABASEROMA 16:17uluntuububiicawa
• Ndiya kuba ndibonisa ubungangamsha bam; ndibe ke ndiyazazisa kwintlaninge yezizwe. Baya kuqonda ukuba mna ndinguNdikhoyo.
  UHEZEKILE 38:23uThixoukuvangela
• Quqelani kokulungileyo, ingekuko okubi,
  khon' ukuze niphile,
  naye uNdikhoyo, uThixo onamandla onke, abe phakathi kwenu,
  njengoko nizingca ngaloo nto.
  UAMOS 5:14ibuyiseloukufuna
• Mbonge uNdikhoyo, moya wam!
  Mandimbonge uNdikhoyo ngomxhelo wam wonke!
  INdumiso 103:1unquloumphefumlodumisani
• Apho ke kothi tyaba uhola;
  leyo ke kothiwa yindlela yobungcwele
  ekungekho namoni woze athi cakatha kuyo,
  nasiyatha solahlekisa mntu kuyo.
  UISAYA 35:8
• Isiseko sobulumko kukuthobela uNdikhoyo;
  umntu omaziyo oyiNgcwele kanye uzuza ingqiqo.
  IZAFOBE 9:10ukumoyika uthixoubulumkoukuqonda
• Kufana nomgibe emntwini xa enikezele ngento kuNdikhoyo buphuthu-phuthu,
  aze kamva acinge ngenye indlela ngezibhambathiso zakhe.
  IZAFOBE 20:25ubulungisa
• Ndiza kwenza bubonwe ubungcwele begama lam elilodwa eniligqwalisileyo ezizweni. Izizwe ke ziya kuqonda ukuba ndinguNdikhoyo, itsho iNgangalala uNdikhoyo, xa zindibona ndingoyedwa ngento endinenzela yona.
  UHEZEKILE 36:23isonouThixo
• Akukho bani uthi, esilumekile isibane, asigqume ngesitya, okanye asifake ngaphantsi kwebhedi. Usixhoma endaweni yaso, ukuze abangenayo bakhanyiselwe.
  ULUKA 8:16ukunyanisekaukukhanya