Umthetho (4/5)

Ze ningabi ndize kuchitha umthetho kaMosis nomyalelo wabashumayeli bamandulo. Andizanga kuchitha; ndize kuzalisekisa. UMATEWU 5:17

Ze ningabi ndize kuchitha umthetho kaMosis nomyalelo wabashumayeli bamandulo. Andizanga kuchitha; ndize kuzalisekisa.
UMATEWU 5:17 UYesu isiprofeto
Ndakusazi isigwebo sakho esingenagobe,
ndiya kukuncoma ngenene nangenyaniso.
INdumiso 119:7 unqulo intliziyo dumisani
Inene, lingaphela izulu nehlabathi, kodwa akuyi kupheliswa nalinye iganyana nokuba lisuntswana emthethweni, kungathanga kwenzeka konke.
UMATEWU 5:18 ukuthembeka ILizwi likaThixo izulu
Phulaphula, nyana wam, uwathathele ingqalelo amazwi am,
uze udle ubomi iminyaka emininzi.
IZAFOBE 4:10 ILizwi likaThixo ukuthobela ubomi
Akwaba bebeya kusoloko benezimvo ezinje! Akwaba bebeya kuhlala bendihlonipha bayithobele imiyalelo yam, khon' ukuze balungelwe bona nezizukulwana zabo naphakade.
UHLAZIYO-MNQOPHISO 5:29 ukuthobela intsikelelo abantwana
Kaloku sanikwa lo myalelo wokuba sithandane kwasekuqaleni.
1 KAYOHANE 3:11 uthando ummelwane
Indlela kaNdikhoyo yinqaba yamalungisa;
kodwa ke yintshabalalo kwabenza ububi.
IZAFOBE 10:29 isono ukuthembeka
Ungaze ulikhankanye ngelize igama lam; mna Ndikhoyo Thixo wakho andiyi kumxolela ofumana alibize igama lam.
UHLAZIYO-MNQOPHISO 5:11 isohlwayo
Kum ziluyolo izithethe zakho;
zingaphezu kwabo bonke ubutyebi.
INdumiso 119:14 imali uvuyo
Yonke imimiselo nemiyalelo yakhe endininike yona namhlanje yithobeleni, khon' ukuze liqaqambe ikamva lenu nezizukulwana zenu. Ngaloo ndlela ke niya kuma ngonaphakade kweli lizwe aniphe lona uNdikhoyo uThixo wenu.
UHLAZIYO-MNQOPHISO 4:40 ukuthobela intsikelelo ubomi
Isiseko sobulumko kukuthobela uNdikhoyo.
Abayenzayo ke le nto baba nengqiqo eyiyo.
Ewe, makadunyiswe nanini-nanini!
INdumiso 111:10 ukumoyika uthixo ubulumko unqulo
Kodwa ukuba okhohlakeleyo uthe wazishiya izono zakhe, wahamba ngokwayo yonke imimiselo yam, wenza okulungileyo nobulungisa, akayi kufa, kodwa uya kubudla ubomi.
UHEZEKILE 18:21 uguqulo isono ukuthobela
Mna ndiya kuxhamla inkululeko,
kuba ndihamba ngemimiselo yakho.
INdumiso 119:45 inkululeko ukufuna
Ngoko ke yena uKrestu ungunozakuzaku womnqophiso omtsha, ukuze abantu ababiziweyo nguThixo balizuze ilifa laphakade ababelithenjisiwe. Kaloku ngokufa kwakhe uzicimile izono ababezenzile ngexesha lomnqophiso wokuqala.
KUMAHEBHERE 9:15 UMsindisi umlamli umnqophiso
Ndiniwisela umthetho omtsha, ndithi: Thandanani! Njengoko ndinithandileyo mna, nani thandanani kanye ngolo hlobo.
UYOHANE 13:34 uthando ummelwane
UNdikhoyo wabhekisa kuMosis, wathi: “Nyuka uze kum apha entabeni, uhlale; ndiza kukunika amacwecwe amatye endiyibhale kuwo imithetho nemiyalelo omawuyifundise amaSirayeli.”
EYEMFUDUKO 24:12 ukuthobela ukwamkela
Wawubhengeza kuni umnqophiso wakhe emaniwuthobele, nditsho imithetho elishumi ayibhale kumacwecwe amabini amatye.
UHLAZIYO-MNQOPHISO 4:13 umnqophiso ukulandela
Ukuba nithe nandithobela ngokupheleleyo, nenza okuhle nokufanelekileyo ngokuhamba ngemimiselo yam, soze ndinohlwaye ngezibetho nezifo endaziwisela amaJiputa. Kaloku mna ndinguNdikhoyo, ugqirha wenu.
EYEMFUDUKO 15:26 ukuphulaphula ukugula ukuphilisa
UThixo onika uxolo, owayivusa ekufeni iNkosi yethu uYesu Krestu, waba nguyena malusi womhlambi, ngokuphalala kwegazi lomnqophiso ongasoze utshitshe, wanga anganomeleza ekwenzeni okulungileyo, khon' ukuze niyifeze intando yakhe. Wanga angasenza loo nto athanda ukuba sibe yiyo ngoYesu Krestu. Makadunyiswe uYesu Krestu ngonaphakade kanaphakade! Amen.
KUMAHEBHERE 13:20-21 uxolo umnqophiso uvuko
Ngoko ke, indim nje uThixo wenu, sanukundidibanisa nezithixo ezenziwe ngesiliva okanye igolide.
EYEMFUDUKO 20:23 izithixo imali
Ke kaloku uMosis wahlala apho iintsuku ezingamashumi amane engatyi engaseli. Amazwi omnqophiso wawabhala apho emacwecweni, oko kukuthi imithetho elishumi.
EYEMFUDUKO 34:28 ukuzila ukutya ukusondela ILizwi likaThixo
Andiyishiyanga imiyalelo yemilebe yomlomo wakhe;
andenzanga ngokufuna kwam, koko ndiwathobele amazwi akhe.
UYOBI 23:12 ukuthetha ukuthobela ILizwi likaThixo
Sendingxamile, andisayi kulibazisa;
ndozithobela iziyalo zakho.
INdumiso 119:60 ukuthobela ukulandela
Ezo ntshinga zoba sisikhumbuzo, nize nithi maxa onke nizibona zitsho nikhumbule imiyalelo kaNdikhoyo niyithobele, khon' ukuze ningahendeki nibhaduliswe ziinkanuko zenu.
EYASENTLANGO 15:39 ukuthobela iminqweno ngesondo
Imimiselo kaNdikhoyo ilungile: ivuyis' intliziyo.
Imithetho kaNdikhoyo inyulu: ikhanyisel' amehl' indlela.
INdumiso 19:8 uvuyo intliziyo ukukhanya