UTata (2/3)

UFilipu wabhekisa kuYesu, wathi: “Nkosi, khawusibonise uYihlo; kosanelisa.” UYOHANE 14:8

UFilipu wabhekisa kuYesu, wathi: “Nkosi, khawusibonise uYihlo; kosanelisa.”
UYOHANE 14:8 ukwaneliseka
Ke wena, xa uzilayo, uzungayeki ukuthambisa intloko yakho nokuhlamba ubuso bakho. Kothi ke ukuzila kwakho kungabonakali ebantwini, koko kubonakale kuYihlo ongabonwayo, aze yena uYihlo obona okwenzeka emfihlekweni akuvuze.
UMATEWU 6:17-18 ukuzila ukutya ibuyiselo
Ngoko ke yibani nenceba, njengokuba naye uYihlo enenceba.
ULUKA 6:36 ukulunga ummelwane
Njengoko uYihlo osezulwini anothando olugqibeleleyo, nani yibani ngabagqibeleleyo.
UMATEWU 5:48 ubungcwele
Makube lubabalo noxolo oluvela kuThixo uBawo wethu, neNkosi uYesu Krestu.
KWABASEROMA 1:7b ubabalo uxolo intsikelelo
Qondani kaloku nizikise ukuba uNdikhoyo uThixo wenu uyaniqeqesha njengomzali eqeqesha abantwana bakhe.
UHLAZIYO-MNQOPHISO 8:5 ukufunda isohlwayo
Nindazi nje mna, niyamazi noBawo. Ngoku ke niyamazi, nimbonile nokumbona.
UYOHANE 14:7 UYesu
Thandazani ke ngoko nina nithi:
“ ‘Bawo wethu osezulwini:
Malaziwe lihlonelwe igama lakho,
malongame ulawulo lwakho,
makwenziwe ukuthanda kwakho, emhlabeni njengasezulwini.”’
UMATEWU 6:9-10 umthandazo ukuthobeka umhlaba
Wothi ke uBawo, ndakumcela, aninike omnye uMmeli, ukuze ahlale nani ngonaphakade.
UYOHANE 14:16 umthuthuzeli uMoya oyiNgcwele ipentekoste
Naxa nithandazayo, ukuba ninendawo ngakubani, mxoleleni, ukuze noYihlo osezulwini anixolele iziphoso zenu.
UMARKO 11:25 umthandazo uxolelo isono
Lowo usisicaka sam makandilandele, abe kunye nam apho ndikhoyo. Osisicaka sam ke uya kunikwa imbeko nguBawo.
UYOHANE 12:26 ukukhonza ukulandela UYesu
Kaloku zonke izinto zeli hlabathi – iinkanuko zesimo esonakeleyo, ukubawa, namagugu obu bomi – aziveli kuThixo, koko zizinto zeli hlabathi.
1 KAYOHANE 2:16 iminqweno ukuba likhoboka ikratshi
Bawo, wena akuxakwa nto. Yisuse kum le ntlungu. Noko ke, makungabi kokuthandwa ndim, makube kukuthanda kwakho.
UMARKO 14:36 ipasika UYesu umbingelelo
Lowo woyisileyo uya kuba nenxaxheba ebhotwe. Kaloku nam ndoyisa ndaza ndafumana inxaxheba yokungqendeva noBawo ebhotwe.
ISITYHILELO 3:21 ukoyisa ibuyiselo izulu
Kaloku omphikayo uNyana uyamphika kwanoYise; ukanti ke omamkelayo uNyana umamkele noYise.
1 KAYOHANE 2:23 UYesu ukuvuma ukuvuma izono
Xa ningabaxoleli abantu izigqitho zabo, noYihlo akayi kunixolela iziphoso zenu.
UMATEWU 6:15 uxolelo isono
Wasihlangula egunyeni lobumnyama, waza wasifudusela ekulawulweni nguNyana wakhe oyintanda, lo sifumene kuye inkululeko nokuxolelwa kwezono.
KWABASEKOLOSE 1:13-14 usindiso umtyholi UYesu
UBawo uSobomi wandithuma, ndaza ndangonobomi ngaye. Ngokukwanjalo othe wawutya umzimba wam uya kuba nobomi ngam.
UYOHANE 6:57 UYesu ukutya ubomi
Udumo lukaBawo luyatshatshela xa nivelisa iziqhamo ezininzi, nisenjenjalo kuba ningabafundi bam.
UYOHANE 15:8 ukulandela ukuvangela ukuba nesiqhamo
Ndaphuma kuBawo, ndeza ehlabathini. Ngoku ke ndiyemka ehlabathini; ndiya kuBawo.
UYOHANE 16:28 umhlaba ukunyuka
Waphinda wathi kubo uYesu: “Uxolo malube nani. Njengokuba uBawo endithumile mna, nani ndiyanithuma.”
UYOHANE 20:21 uxolo ukuvangela UYesu
Ngoko ke olo daba naluvayo kwasekuqaleni lugcineni ezintliziyweni zenu. Ukuba ke olo daba naluvayo kwasekuqaleni luhleli kuni, nani niya kusoloko nimanyene noNyana ngokunjalo noYise.
1 KAYOHANE 2:24 ukuphulaphula ukuvangela UYesu
Asingabo bonke abathi kum: ‘Nkosi, Nkosi,’ abaya kubuxhamla ubuncwane bokulawulwa nguThixo; kuphela ngabayenzayo intando kaBawo osezulwini.
UMATEWU 7:21 ukuthobela usindiso ubukumkani
Lowo woyisileyo wovatha ezimhlophe. Andisoze ndilicime igama lakhe kuludwe lwamagama abo baphilayo. Kaloku ndiya kumvuma ukuba ungowam phambi kukaBawo nezithunywa zakhe.
ISITYHILELO 3:5 ukoyisa izithembiso izulu
Ke uMmeli uMoya oyiNgcwele, lowo uBawo aya kumthuma egameni lam, uya kunifundisa zonke izinto, anikhumbuze ngako konke endithe ndanixelela kona.
UYOHANE 14:26 umthuthuzeli uMoya oyiNgcwele ukufunda

Njengoko anyuselwe ewongeni kuThixo, wamkele uMoya oyiNgcwele, lowo wathenjiswayo nguYise. Le nto ke niyibonayo niyivayo ngoku kukugalelwa kwaloo Moya kuthi.

Funda ngokugqithisileyo...