Iivesi zeBhayibhile malunga novuyo

«»

• Vuyani maxa onke, nithandaze njalo-njalo. Nakuyiphi na imeko bulelani. UThixo uthanda ukuba nenjenjalo njengokuba nimanywe noKrestu Yesu nje.
  1 KWABASETESALONIKA 5:16-18umbuleloumthandazo
• UNdikhoyo uThixo wakho unawe;
  uligorha elisindisayo.
  Yena unemihlali ngawe, enovuyo;
  uya kukuthulisa ngothando lwakhe;
  ugcoba ngawe eyiyizela.
  UZEFANIYA 3:17uThixoumhlawuleliukucula
• Ngoko ke, nimanywe neNkosi nje, yonwabani! Ewe, ndiyaphinda ndithi vuyani!
  KWABASEFILIPI 4:4uThixo
• Vuyani, ninethemba nje, ninyamezele ezimbandezelweni zenu, nithandaze ningayeki.
  KWABASEROMA 12:12umthandazoumonde
• Xa ndandinxubile, ndixhalabile,
  wandithuthuzela, wandonwabisa wena.
  INdumiso 94:19ukukhathazekaumthuthuzeli
• Namhla kunamhla, yimini kaNdikhoyo;
  masizonwabise sibe nemihlali ngayo.
  INdumiso 118:24indaloubomi
• Noba ungade ungadubuli umkhiwane,
  umdiliya ungabi nazo neziqhamo,
  nokuba awungevelisi nto umnquma,
  namasimi ngokwawo angabi nasivuno,
  zingade zingabikho iigusha esibayeni,
  nobuhlanti bungabi nazo nazinkomo,
  ewe, khona kungade kube njalo,
  kodwa mna ndochwayita kuNdikhoyo,
  ndibe nemihlali kuThixo ondisindisayo.
  UHABHAKUKI 3:17-18usindisounquloukuvuna
• Wena undazisa iindlela zobomi;
  kaloku ndizala yimincili xa ndiphambi kwakho.
  Ngasekunene kwakho yimihlali yodwa kude kube ngunaphakade.
  INdumiso 16:11ubomiukusondela
• Nditsho ndanemihlali ngenxa kaNdikhoyo;
  umoya wam uyachulumacha ngoThixo wam.
  Kaloku undithe wambu ngomnweba wosindiso,
  ewe, yena undambathise isivatho sobulungisa,
  ndatsho ndanjengomyeni eqhoqhonye intloko yakhe njengombingeleli,
  ndanjengomtshakazi ozihombisa ngobuyoko-yoko bamaso.
  UISAYA 61:10ubulungisaumhlawuleliumtshato
• Anikamboni nokumbona, kodwa niyamthanda. Niyakholwa nokukholwa kuye, naxa ningekamboni nje. Senizele naluchulumacho olungenakuchazwa, kuba seniyibona injongo yokholo lwenu; ndixela inkululeko yenu.
  1 KAPETROS 1:8-9ukholousindiso
• Ezi zinto ndizithethe kuni ukuze nibe novuyo enilunikwe ndim, luze uvuyo lwenu lugqibelele.
  UYOHANE 15:11UYesungokungenatyala
• Kude kube ngoku anikaceli nto ngegama lam. Celani ke; niya kuphiwa, luze uvuyo lwenu lugqibelele.
  UYOHANE 16:24ukuthembekaukwamkelangokungenatyala
• Ndanelisekile ke ngoko nokuba ndibuthathaka, nokuba ndiyagxekwa, nokuba nditsala nzima, nditshutshiswa, ndithwala iimbandezelo ngenxa kaKrestu. Kuba xa ndibuthathaka, kuxa kanye ndinamandla.
  2 KWABASEKORINTE 12:10amandlaintshutshisoubuthathaka
• Hayi ukuvuya komntu oyaziyo impendulo echanekileyo!
  Ewe, ilizwi elithethwe ngexesha elililo lihle kunene.
  IZAFOBE 15:23ukuthetha
• Nazi ke zona iziqhamo zoMoya: luthando, novuyo, noxolo; umonde, ububele, ukulunga, nentembeko; ubulali, nokuzeyisa. Awukho ke umthetho ochasa izinto ezinjengezi.
  KUMAGALATI 5:22-23umthethoUmoyaintsikelelo
• Wena uyinqaba endizifihla kuyo;
  uyandikhusela xa ndisebunzimeni.
  Undirhangqe ngosindiso lwakho;
  ngoko ke ndimemelela ndinemincili.
  INdumiso 32:7ukhuselekoukukhuselwaukucula
• Elowo ke makanikele kangangoko agqibe ngako, engenasikrokro, engaziva enyanzelekile, kuba uThixo uthanda umntu opha ngobubele.
  2 KWABASEKORINTE 9:7ukuphaintliziyoisisa
• Vuyani nabavuyayo, nilile nabalilayo.
  KWABASEROMA 12:15uvelwanousizi
• Umntu onentliziyo echwayitileyo uba nempilo;
  kanti ke wona umoya odakumbileyo uyimpehla emathanjeni.
  IZAFOBE 17:22ukuphilisaintliziyoukugula
• Khon' ukuze ndinihambele ngovuyo ngemvume kaThixo, sichwayitisane.
  KWABASEROMA 15:32ukuthobelaukuxhomekeka
• Ndomemelela ngemincili,
  ndikuvumel' ingoma, ndibonge wena, Phezukonke.
  INdumiso 9:2unqulouThixoukucula
• Imfundiso yakho lilifa lam nanini na;
  ewe, iluyolo entliziyweni.
  INdumiso 119:111umthethointliziyo
• Kaloku uNdikhoyo akaziva ngosapho lwakhe;
  abazithobayo ubathi jize ngoloyiso!
  INdumiso 149:4ukuthobekaintsikelelo
• Lungekho ke ukholo akukho ukumkholisa uThixo. Kaloku wonke ubani ozayo kuye kufuneka akholwe ukuba ukho uThixo, yaye uyabavuza abo bamlangazelelayo.
  KUMAHEBHERE 11:6ukholoibuyiseloukufuna
• Ewe kambe, unqulo luyamtyebisa umntu ukuba uyaneliswa zezo zinto anazo.
  1 KUTIMOTI 6:6ukholoukuthanda izinto eziphathekayoukwaneliseka