Tahirin-kevitra (Mey 2023)

Alarobia 31 Mey 2023

Ary aza miray amin'ny asan'ny maizina tsy mahavoka-tsoa, fa aleo mananatra izany. Fa izay ataony ao amin'ny miafina, dia mahamenatra na dia ny milaza izany aza.

Efesiana 5:11-12 fahotana lahateny sampy

Talata 30 Mey 2023

Jehovah ô, efa nandinika ahy
Hianao ka mahalala ahy.
Hianao no mahalala ny fipetrako sy ny fitsangako
Sady mahafantatra ny hevitro eny lavitra eny.

Salamo 139:1-2 mitady eritreritra mahatakatra

Alatsinainy 29 Mey 2023

Fa na dia velona amin'ny nofo aza izahay, dia tsy mba miady araka ny nofo.

2 Korintiana 10:3 fiainana mahatakatra izao tontolo izao

Ary nisy lela maro mitarehin'afo niseho taminy, izay nizarazara; ary nipetraka tamin'izy rehetra isan-olona izany. Ary samy feno ny Fanahy Masina izy rehetra, ka dia niteny tamin'ny fiteny maro samy hafa, araka ny nampitenenan'ny Fanahy Masina azy.

Asan'ny Apostoly 2:3-4 lahateny Fanahy pentekosta

Asabotsy 27 Mey 2023

Mandra-pandatsaka ny fanahy avy amin'ny avo ho amintsika, ka ny efitra ho tonga saha mahavokatra, ary ny saha mahavokatra hoheverina ho ala.

Isaia 32:15 Fanahy pentekosta

Zoma 26 Mey 2023

Ary Izaho hangataka amin'ny Ray, ary Izy hanome anareo Mpananatra hafa mba ho eo aminareo mandrakizay.

Jaona 14:16 mpampionona Fanahy Masina Ray

Alakamisy 25 Mey 2023

Koa vonoy ny momba ny tenanareo izay etỳ an-tany, dia fijangajangana, fahalotoana, firehetam-po, fanirian-dratsy ary fieremana, dia fanompoan-tsampy izany.

Kolosiana 3:5 fahotana faniriana fitiavan-karena

Alarobia 24 Mey 2023

Aoka isika handinika sy hamantatra ny alehantsika
ka hiverina indray amin'i Jehovah.

Fitomaniana 3:40 fiovam-po famerim-berenana fiainana

Talata 23 Mey 2023

Fa Andriamanitro hahatanteraka izay rehetra tokony ho anareo araka ny hareny amin'ny voninahitra no amin'i Kristy Jesosy.

Filipiana 4:19 fahatokisana Jesosy fitahiana

Alatsinainy 22 Mey 2023

Fa isaorana anie Andriamanitra, Izay manome antsika ny fandresena amin'ny alalan'i Jesosy Kristy Tompontsika.

1 Korintiana 15:57 Jesosy fankasitrahana fandresena

Alahady 21 Mey 2023

Miderà an'i Jehovah, miantsoa ny anarany;
Ataovy fantatra any amin'ny firenena ny asany.

Salamo 105:1 lahateny fitoriana ny filazantsara fiankohofana

Asabotsy 20 Mey 2023

Ka dia hasehoko ny fihalehibiazako sy ny fahamasinako; ary ho fantatra eo imason'ny firenena maro Aho: ka dia ho fantany fa Izaho no Jehovah.

Ezekiela 38:23 Andriamanitra fahamasinana fitoriana ny filazantsara

Zoma 19 Mey 2023

Fa hahazo hery ianareo amin'ny hilatsahan'ny Fanahy Masina aminareo, ary ho vavolombeloko any Jerosalema sy eran'i Jodia sy Samaria ary hatramin'ny faran'ny tany.

Asan'ny Apostoly 1:8 fitoriana ny filazantsara Fanahy tanjaka

Alakamisy 18 Mey 2023

Hoy Izay manambara ireo zavatra ireo: Eny, avy faingana Aho. Amena. Avia, Jesosy Tompo!

Apokalypsy 22:20 Jesosy fiverenana

Alarobia 17 Mey 2023

Tsy fantatrareo va fa tempolin'Andriamanitra ianareo, ary ny Fanahin'Andriamanitra mitoetra no anatinareo?

1 Korintiana 3:16 fahamasinana Fanahy Masina Fanahy

Talata 16 Mey 2023

Ahoana ary? hanota va isika, saingy tsy ambanin'ny lalàna, fa ambanin'ny fahasoavana? Sanatria izany!

Romana 6:15 fahotana fahasoavana lalàna

Alatsinainy 15 Mey 2023

Isaorana anie ny Tompo
Izay mitondra ny entan-tsika isan'andro isan'andro,
eny, Andriamanitra Izay famonjena antsika.

Salamo 68:19 fiankohofana fiankinan-doha famonjena

Alahady 14 Mey 2023

Ny anankiray manao ny andro anankiray ho mihoatra noho ny andro sasany; ary ny anankiray kosa manao ny andro rehetra hitovy. Aoka samy hatoky tsara ao amin'ny sainy avy izy.

Romana 14:5 fankatoavana fahendresena manaraka

Asabotsy 13 Mey 2023

Aza manahy ny amin'ny ainareo, izay hohaninareo, na ny amin'ny tenanaren, izay hotafinareo. Fa ny aina mihoatra noho ny hanina, ary ny tena noho ny fitafiana.

Lioka 12:22b-23 ahiahy hanina fiainana

Zoma 12 Mey 2023

Fahavetavetana eo imason'i Jehovah ny molotra mandainga;
Fa izay olona mahatoky no ankasitrahany.

Ohabolana 12:22 lainga lahateny fanaovana ny marina

Alakamisy 11 Mey 2023

Fa olona afaka ianareo, nefa aza mitondra ny fahafahanareo ho fanaronana ny ratsy, fa ho toy ny mpanompon Andriamanitra.

1 Petera 2:16 fiainana fahafahana faharatsiana

Alarobia 10 Mey 2023

Na dia miteny amin'ny fitenin'ny olona sy ny anjely aza aho, kanefa tsy manana fitiavana, dia tonga varahina maneno sy kipantsona mikarantsana aho.

1 Korintiana 13:1 fitiavana lahateny anjely

Talata 9 Mey 2023

Tsara sy mahitsy Jehovah,
ka izany no ampianarany ny mpanota ny lalana.
Mitarika ny mpandefitra amin'ny marina Izy,
ary mampianatra ny mpandefitra ny lalany.

Salamo 25:8-9 rariny fanetren-tena mianatra

Alatsinainy 8 Mey 2023

Andriamanitra, rehefa nanangana ny Mpanompony, dia naniraka Azy ho aminareo voalohany, mitahy anareo amin'ny fialanareo rehetra amin'ny faharatsianareo isam-batan'olona.

Asan'ny Apostoly 3:26 fitsanganana amin'ny maty Jesosy fitahiana

Alahady 7 Mey 2023

Lazaiko aminareo fa hisy fifaliana toy izany any an-danitra ny amin'ny mpanota iray izay mibebaka noho ny amin'ny olona marina sivy amby sivi-folo, izay tsy misy tokony hibebahany.

Lioka 15:7 fiovam-po famerim-berenana fifaliana

Asabotsy 6 Mey 2023

Aza mamihina ny soa amin'izay tokony homena azy,
Raha azon'ny tananao atao ihany.

Ohabolana 3:27 fanaovana ny marina manomeza trosa

Zoma 5 Mey 2023

Fa na aiza na aiza no iangonan'ny roa na telo amin'ny anarako, dia ao afovoany Aho.

Matio 18:20 Jesosy fiaraha-monina fivavahana

Alakamisy 4 Mey 2023

Izay tsy nahalala ota dia efa nataony ota hamonjy antsika, mba ho tonga fahamarinan'Andriamanitra ao aminy kosa isika.

2 Korintiana 5:21 fahotana rariny mpanelanelana

Alarobia 3 Mey 2023

Mamindrà fo amiko, Andriamanitra ô,
araka ny fahasoavanao;
araka ny haben'ny fiantranao
vonoy ny fahadisoako.
Sasao madio aho mba ho afa-keloka,
ary diovy aho mba ho afa-pahotana.

Salamo 51:1-2 fahotana famindram-po fanadiovana

Talata 2 Mey 2023

Mitondrà teny ianareo,
eny, miverena amin'i Jehovah,
ka manaova aminy hoe:
Mamelà ny heloka rehetra,
ary raiso izay tsara,
ka dia haterinay ho fanatitra ny molotray.

Hosea 14:3 fiovam-po famelàn-keloka