Phesekgong 2018

Ya ratang ditshebo
o hlahatsa makunutu,
ya tshepahalang yena o na le sefuba.

2018 Phesekgong 30, Labobedi

Le ke le ekeletswe lereko, le kgotso, le lerato.

Pelo e tletse mano
ho feta dintho tsohle,
e senyehile
hoo e ke keng ya phekolwa,
ke mang ya ka e utlwisisang?
“Ke nna Morena ya lekolang dipelo,
mohopolo le wona o lekolwa ke nna.
Ke putsa motho
ho ya ka diketso tsa hae,
ho latela tholwana
tsa mesebetsi ya hae.”

JEREMIA 17:9-10 moputso bophelo pelo

2018 Phesekgong 28, Sontaha

A ke ke a sisinngwa le ka mohla,
ya lokileng o tla nne a hopolwe,
a hopolwe kamehla yohle.

PESALEMA 112:6 boloki tšhireletšo

2018 Phesekgong 27, Moqebelo

Neang bohle tse ba lokelang: molekgetho, lekgetho; mokgafisi, kgafa; ya lokelwang ke tshabo, tshabo; ya lokelwang ke hlompho, hlompho.

BAROMA 13:7 go tshepega tšhelete tlhompho

2018 Phesekgong 26, Labohlane

Phatlalatsa lentswe, o pheelle ho le bolela, ebang le a amohelwa kapa ha le amohelwe; nyatsa, kgalemela, kgothatsa, o ntse o ruta ka mamello yohle.

2 TIMOTHEA 4:2 boebangedi kotlo bopelotelele

2018 Phesekgong 25, Labone

Ha leruo le ata,
bafepuwa ba a ata;
ebe le thusa monga lona ka eng,
haese ho nna a le boha kamehla?

MORUTI 5:11 mahumo a lefase tšhelete ditumo

2018 Phesekgong 24, Laboraru

Ditholwana tsa ho loka di jalwa ka kgotso ke ba etsang kgotso.

JAKOBO 3:18 boloki khutšo puno

2018 Phesekgong 23, Labobedi

Kenang ka kgoro e patisaneng, hobane kgoro e isang timelong e hebehebe, le tsela e yang teng e sephara, mme ba kenang ka yona ba bangata, empa kgoro e isang bophelong e patisane, le tsela e yang teng e boima, mme ba e fumanang ha ba bakae.

MATHEU 7:13-14 bophelo bjo bo sa felego phološo

2018 Phesekgong 22, Mmantaha

O tla utlwisisa ho loka,
ho tshepeha, le ho nepahetseng,
o utlwisise le ditsela tsohle,
tsela tsohle, tse lokileng.

MAELE 2:9 boloki botse go tshepega

2018 Phesekgong 21, Sontaha

Qetello ya dintho tsohle e atametse. Ebang le boitshwaro, mme le fadimehele ho rapela.

1 PETROSE 4:7 go boya la bobedi pheletso ya nako khutša

2018 Phesekgong 20, Moqebelo

Haeba setjhaba sa ka, se bitswang ka nna, se ka ikokobetsa, sa rapela, sa mpatla, mme sa kgutla mekgweng ya sona e kgopo, ke tla utlwa ke le lehodimong, ke se tshwarele sebe sa sona, mme ke ntjhafatse naha ya sona.

2 LIKETSAHALO 7:14 boikokobetšo tshwarelo pholo

2018 Phesekgong 19, Labohlane

Hlohonolo la Morena
le entsha motho,
ha ho maswabi ao le a tlisang.

MAELE 10:22 tšhelete tšhegofatšo go ikanya

2018 Phesekgong 18, Labone

Ke mang ho lona, eo ereng ha a rata ho haha tora, a sa keng a dule pele ho etsa dikgakanyo tsa ditshenyehelo, ho bona hore o na le seo a ka e qetang ka sona?

LUKA 14:28 sekoloto peakanyo tšhelete

2018 Phesekgong 17, Laboraru

Ha e le lona, baratuwa, ikaheng hodima motheo wa tumelo ya lona, e halalelang haholo, le ntse le rapela ka thuso ya Moya o Halalelang. Ipolokeng leratong la Modimo, le ntse le lebeletse hore mohau wa Morena wa rona Jesu Kreste o le ise bophelong bo sa feleng.

JUDA 1:20-21 tumelo Moya Mokgethwa lerato

2018 Phesekgong 16, Labobedi

Ngwana ya bohlale
o thabisa ntatae,
ngwana ya sethoto
ke masisapelo ho mmae.

MAELE 10:1 lethabo lapa bohlale

2018 Phesekgong 15, Mmantaha

“Ha ho na sebetsa se tla o bolaya,
bohle ba o qosang
o tla ba hlola ka nyewe.
Lena ke lona lefa
la bahlanka ba Morena,
ke ho loka hoo ke ba neang hona,”
ho rialo Morena.

ESAEA 54:17 boloki kahlolo tšhireletšo

2018 Phesekgong 14, Sontaha

Baratuwa, haeba matswalo a rona a sa re qose, re ka tla ho Modimo ka sebete. Eng le eng eo re e kopang re tla e fuwa, hobane re boloka ditaelo tsa hae, mme re etsa se mo kgahlisang.

1 JOHANNE 3:21-22 tshepo molao boikobo

2018 Phesekgong 13, Moqebelo

Ako mpaballe Modimo,
hobane ke tshabela ho wena.

PESALEMA 16:1 tshepo go ikanya tšhireletšo

2018 Phesekgong 12, Labohlane

Bona mona, ke nna Morena Modimo wa batho bohle; na ho teng se ka ntshitang?

JEREMIA 32:27 Modimo mehlolo ramatla

2018 Phesekgong 11, Labone

Yena ha a utlwa, a re ho bona: “Ba hlokang ngaka ke ba kulang, e seng ba phelang hantle.”

MATHEU 9:12 tshwarelo pholo maphelo

2018 Phesekgong 10, Laboraru

Mora wa ka,
mamela mantswe ana a ka,
o sekehele polelo tsa ka tsebe.
Polelo tsa ka o se di lebale,
o di boloke ka pelong ya hao.

MAELE 4:20-21 go theeletša Lentšu la Modimo pelo

2018 Phesekgong 9, Labobedi

Leha fate sa feiye
se ke ke sa fupa,
kapa fate sa morara sa se ke sa beha;
leha mohlwaare
o ke ke wa beha ditholwana,
kapa kotulo ya eba siyo masimong;
leha masaka a dikgutswane a ka oma,
kapa masaka a dikgomo
a mela mohlwa,
nna ke tla nne ke ithabelle Morena,
ke nyakallele Modimo,
Mopholosi wa ka.

HABAKUKE 3:17-18 lethabo phološo go direla/hlankela

2018 Phesekgong 8, Mmantaha

Empa haeba batho ba le hlokofaletsa ho loka ha lona, le lehlohonolo. Le se ke la ba tshaba, mme le se ke la ferekana.

1 PETROSE 3:14 boloki tlaišego letšhogo

2018 Phesekgong 7, Sontaha

Ho lehlohonolo motho
ya sa lateleng dikeletso
tsa ba kgopo,
ya sa tsamayeng
tseleng ya baetsadibe,
ya sa duleng mokgatlong wa basomi.

PESALEMA 1:1 sebe boloki tšhegofatšo

2018 Phesekgong 6, Moqebelo

A re: “Se tswang ka ho motho ke sona se mo silafatsang, hobane ke kahare, dipelong tsa batho, moo ho tswang mehopolo e mebe: bohlola, boshodu, dipolao, le bofebe, meharo, bokgopo, thetso, mekgwa e hlabisang dihlong, mona, ketseletso, boikgantsho, le bothoto. Dintho tsena tsohle tse mpe di tswa kahare, mme di silafatsa motho.”

MAREKA 7:20-23 sebe tlhwekišo moleko