2018 Janyuwari 31, Lwesithathu
Umntu ongenasifuba uyazidiza iimfihlelo;kambe ke yena othembekileyo uyaligcina ihlebo.
2018 Janyuwari 30, Lwesibini
Ndithi: kuni makongame inceba, uxolo, nothando.2018 Janyuwari 29, Mvulo
Intliziyo yomntu inenkohliso ngaphezu kweento zonke.Akukho nto inokuyinyanga,
kungekho bani uyiqondayo.
Ndim, mna Ndikhoyo, umgocagoci weentliziyo zabantu,
nomvavanyi weengcinga zabo.
Ulowo ndimvuza ngokuziphatha kwakhe,
ndimdlise iziqhamo zezenzo zakhe.
2018 Janyuwari 28, Cawe
Ilungisa alisoze ligungqe,laye lingasoze lilibaleke.
2018 Janyuwari 27, Mgqibelo
Ngoko ke bonke banikeni okubafaneleyo – irhafu kofanelwe yirhafu, umrhumo kofanelwe ngumrhumo, ukuhlonitshwa kofanelwe kukuhlonitshwa, imbeko kofanelwe yimbeko.2018 Janyuwari 26, Lwesihlanu
Lushumayele udaba, zingisa ukuluvakalisa ngamathuba alungileyo naxakileyo. Baqononondise abantu, ukhalime, ubakhuthaze, ufundisa ngomonde.2018 Janyuwari 25, Lwesine
Yakukhula ingeniso bayanda nabaxhomekeke kuyo,ibe yintoni ke ezuzwa ngumniniyo?
Kuphela uyitya ngamehlo!
2018 Janyuwari 24, Lwesithathu
Ke bona abahlwayeli boxolo abaseluxolweni bavuna ubulungisa.2018 Janyuwari 23, Lwesibini
Ngenani ngesango elimxinwa, kungabi ngelibanzi, kuba abangena ngesango elibanzi, bahambe ngendlela ephangaleleyo, basinga entshabalalweni; yaye baninzi abenjenjalo. Ke abangena ngesango elimxinwa, bahambe ngendlela ecutheneyo, basinga ebomini; yaye bambalwa abenjenjalo.2018 Janyuwari 22, Mvulo
Ukuba uyandiphulaphula uya kuba nako ukubuqonda ubulungisa,ukwazi okufanelekileyo nokulungileyo.
Ewe, uya kutsho uyazi yonke indlela ethe ngqo.
2018 Janyuwari 21, Cawe
Kuzo zonke izinto isiphelo sisemnyango. Ngoko ke hlalani nisezingqondweni, nikuqulele ukuthandaza.2018 Janyuwari 20, Mgqibelo
Ukuba abantu bam abo babizwa ngegama lam bathe bazithoba bathandaza bendikhunga befuna ubuso bam, bazilahla iindlela zabo ezikhohlakeleyo, ke mna ndiya kubaphulaphula ndibeve ndisezulwini, ndisixolele isono sabo, ndilinyange ilizwe labo.2018 Janyuwari 19, Lwesihlanu
Yintsikelelo kaNdikhoyo enika umntu ubutyebi;kambe ke yona ayihambi nazintsizi.
2018 Janyuwari 18, Lwesine
Kaloku nguwuphi na kuni othi, efuna ukwakha inqaba, angàthi kuqala ahlale phantsi, abale indleko, ethelekelela ukuba unazo na izinto zokuyigqiba?2018 Janyuwari 17, Lwesithathu
Ngoko ke nina, zihlobo zam, zingisani nizakhe elukholweni lwenu olunyulu. Thandazani niqhutywa nguMoya oyiNgcwele. Uthando lukaThixo maluhlale lunifumbathile ngoku nilinde iNkosi yethu uYesu Krestu. Kaloku yena unenceba, uya kunipha ubomi obungapheliyo.2018 Janyuwari 16, Lwesibini
Unyana osisilumko ulibhongo likayise,ke yena osisityhakala ungumva-ndedwa kanina.
2018 Janyuwari 15, Mvulo
“Nezo zixhobo zixonxwe ngenxa yakho soze zikutshabalalise,uya kumphendula nabani na okumangalelayo.
Lilo ke elo ilifa lezicaka zikaNdikhoyo;
ewe, mna ndozithi jize ngoloyiso.”
Etshilo nje ke uNdikhoyo utshilo!
2018 Janyuwari 14, Cawe
Ewe, zihlobo zam, xa singalahlwa sisazela asibi naxhala phambi koThixo. Zonke izinto esizicelayo kuye, siyazifumana; kuba kaloku siyayifezekisa imiyalelo yakhe, siyenze intando yakhe.2018 Janyuwari 13, Mgqibelo
Ndikhusele kaloku, Thixo;ndithembele ngawe.
2018 Janyuwari 12, Lwesihlanu
Khangela, mna ndinguNdikhoyo, uThixo woluntu luphela. Akukho nanye into enokundinqabela.2018 Janyuwari 11, Lwesine
Ekuvile oko uYesu, wathi kubo: “Ugqirha akafuneki nganto kwabaphilileyo, ufuneka kwabagulayo.”2018 Janyuwari 10, Lwesithathu
Ke wena, mfo wam, wagqale amazwi am,uyibazele iindlebe into endikuxelela yona.
Amazwi am makangacimi emehlweni akho,
koko wamilisele phakathi entliziyweni yakho.
2018 Janyuwari 9, Lwesibini
Noba ungade ungadubuli umkhiwane,umdiliya ungabi nazo neziqhamo,
nokuba awungevelisi nto umnquma,
namasimi ngokwawo angabi nasivuno,
zingade zingabikho iigusha esibayeni,
nobuhlanti bungabi nazo nazinkomo,
ewe, khona kungade kube njalo,
kodwa mna ndochwayita kuNdikhoyo,
ndibe nemihlali kuThixo ondisindisayo.
2018 Janyuwari 8, Mvulo
Phofu ke, nokuba ningatshutshiswa ngenxa yokwenza okulungileyo, ikwalithamsanqa naloo nto. Ze ningoyiki nina, ningaxhali nokuxhala oku.2018 Janyuwari 7, Cawe
Hayi inyhweba yomntu ongahambiyo ngecebo labantw' abagwenxa,ongahambiyo ekhondweni lamatshijolo,
umnt' ongadlelaniyo nabaphoxisayo.
2018 Janyuwari 6, Mgqibelo
Wahambisa wathi: “Zizenzo eziphuma entliziyweni yomntu ezimngcolisayo. Kaloku zivela ngaphakathi entliziyweni yomntu iingcamango ezimbi. Kulapho kuvela khona ubuhenyu, ubusela, ukubulala, ukukrexeza, ukunyoluka, inkohlakalo, inkohliso, ukurheletya, umona, ukunyelisa uThixo, ikratshi, ububhanxa. Zonke ezi zinto zikhohlakeleyo ziphuma entliziyweni yomntu, zize zimngcolise.”2018 Janyuwari 5, Lwesihlanu
Kodwa yandiphendula yathi: “Ubabalo lwam lukwanele, kuba amandla am acaca xa ubuthathaka.” Ngoko ke ndikhetha ukuqhayisa ngezinto ezibonakalisa ubuthathaka bam, ukuze ndikuve ukongama kwamandla kaKrestu phezu kwam.2018 Janyuwari 4, Lwesine
Ukukhula kobulumko kwandisa ukukhathazeka;kanti ke nokukhula kolwazi kongeza iinzingo.
2018 Janyuwari 3, Lwesithathu
Qinani nikhaliphe, ningaxhali, ningabi nayo nedyudyu. Kaloku uNdikhoyo uThixo wenu ungakuni; soze arhoxe okanye anilahle.2018 Janyuwari 2, Lwesibini
Hlalani ngoxolo nabo bonke abantu. Yibani nyulu, kuba ngaphandle kobunyulu akukho mntu uya kuyibona iNkosi.2018 Janyuwari 1, Mvulo
Sifundise ukuyiqingqa imihla yethu,ukuze sizuze ubulumko.
Izihloko ezinxulumeneyo
Uthando
Uthando lunomonde, lunobubele. Uthando...
Ithemba
“Kaloku zisekuhleni kum izicwangciso...
Ukholo
Ngenxa yoko ndithi kuni...
Usapho
Le miyalelo ndikunika yona...
Unqulo
Ndikhoyo, wena unguThixo wam...
Umthandazo
Vuyani maxa onke, nithandaze...