Gcina (Februwari 2018)

2018 Februwari 28, Lwesithathu

UPawulos wabachazela wathi: “Ubhaptizo lukaYohane lona lwalusalatha inguquko. Yena wayebaxelela abantu ukuba bazinikele kulowo wayesiza emva kwakhe; nguYesu ke lowo.”

UMSEBENZI WABATHUNYWA 19:4 ubhaptizo uguqulo ukholo

2018 Februwari 27, Lwesibini

Qiqa phambi kokuba ubeke unyawo lwakho endleleni,
ukuze ihambo yakho iqiniseke.

IZAFOBE 4:26 ubomi iingcamango

2018 Februwari 26, Mvulo

Masithini na ke ngezi zinto? Ukuba uThixo ungakuthi ngubani onokusichasa?

KWABASEROMA 8:31 uThixo ukhuthazo ukukhuselwa

2018 Februwari 25, Cawe

UYesu wathi kuye: “Bendingatshongo na kuwe okokuba uya kuwabona amandla kaThixo ukuba uyakholwa?”

UYOHANE 11:40 ukholo UYesu

2018 Februwari 24, Mgqibelo

Unethamsanqa umntu onika ngesisa,
lowo ungayiqhubi ngobuqhetseba imicimbi yakhe.

INdumiso 112:5 isisa inceba ukunyaniseka

2018 Februwari 23, Lwesihlanu

Bantwana bam, zilumkeleni izithixo!

1 KAYOHANE 5:21 abantwana izithixo

2018 Februwari 22, Lwesine

Ndiya kuninika intliziyo entsha, ndiniphe nomoya omtsha; ndiya kuyikhupha kuni intliziyo eqaqadeke okwelitye, ndininike intliziyo yentobeko.

UHEZEKILE 36:26 intliziyo Umoya usindiso

2018 Februwari 21, Lwesithathu

Kubhetele ukuba lihlwempu elihlonela uNdikhoyo
kunokuba sisinhanha esiphethwe ngamaxhala.

IZAFOBE 15:16 imali ukumoyika uthixo ukuthanda izinto eziphathekayo

2018 Februwari 20, Lwesibini

Makabongwe uThixo noYise weNkosi yethu uYesu Krestu, othe ngenceba wasinika ubomi obutsha ngokuvusa uYesu Krestu ekufeni!

1 KAPETROS 1:3 ithemba uvuko ukuzalwa ngokutsha

2018 Februwari 19, Mvulo

Ndiya kuzithamsanqelisa kunye nako konke okujikeleze induli yam. Ndiya kunisa imvula ngexesha layo; kuya kuna iimvula zentsikelelo.

UHEZEKILE 34:26 intsikelelo usomandla

2018 Februwari 18, Cawe

Ewe, ndiyazibika, Ndikhoyo; nguwe iNkosi yam;
ngaphandle kwakho, Mhlekazi, andinabani.

INdumiso 16:2 uThixo unqulo

2018 Februwari 17, Mgqibelo

Musani ukukhathazeka; kholosani ngoThixo, nikholose nangam.

UYOHANE 14:1 thembela uloyiko ukukhathazeka

2018 Februwari 16, Lwesihlanu

Wothi ke uBawo, ndakumcela, aninike omnye uMmeli, ukuze ahlale nani ngonaphakade.

UYOHANE 14:16 umthuthuzeli uMoya oyiNgcwele UTata

2018 Februwari 15, Lwesine

Umntu ophayo uba nenkqubela;
ukuba ùyabanceda abanye abantu nawe uya kuncedwa.

IZAFOBE 11:25 isisa ukutya ukupha

2018 Februwari 14, Lwesithathu

Ewe, nokuba ndinganikisa ngempahla yam yonke, ndide nam ngokwam ndizinikele ukuba nditshiswe, kodwa ke ndingenalo uthando, akuncedi nto konke-konke.

1 KWABASEKORINTE 13:3 uthando ukubandezeleka ukupha

2018 Februwari 13, Lwesibini

Bonke abacela kuwe, baphe. Kothatha izinto zakho uzungabuye uzibize.

ULUKA 6:30 ityala ukupha isisa

2018 Februwari 12, Mvulo

Amandla am nguMhlekazi uNdikhoyo;
uzenza iinyawo zam zibe njengezenxala;
ngaye ndihamba kweziphezulu iindawo.

UHABHAKUKI 3:19 intsikelelo amandla izixhobo

2018 Februwari 11, Cawe

Ngezi ndaba zimnandi kaloku kutyhilwa indlela uThixo asenza amalungisa ngayo: kungokholo qha, njengoko zitshoyo neziBhalo ukuthi: “Ngokholo lwakhe olilungisa uya kudla ubomi.”

KWABASEROMA 1:17 ukholo ubulungisa usindiso

2018 Februwari 10, Mgqibelo

Uze ungabulali, uze ungakrexezi, uze ungebi, uze ungangqini buxoki, beka uyihlo nonyoko, uze umthande ummelwane wakho kanye ngale ndlela uzithanda ngayo nawe.

UMATEWU 19:18b-19 umthetho uthando usapho

2018 Februwari 9, Lwesihlanu

Musa ukujika-jika uye ngasekunene nangasekhohlo;
unyawo lwakho malubucezele ububi.

IZAFOBE 4:27 ububi ubulungisa ukulandela

2018 Februwari 8, Lwesine

Ke uThixo obonelela umhlwayeli ngembewu nangesonka, uya kunibonelela nani ngembewu eniyisweleyo, ayikhulise inivelisele isivuno esihle ngokobubele benu.

2 KWABASEKORINTE 9:10 ubulungisa ukutya ukupha

2018 Februwari 7, Lwesithathu

Philisani abagulayo, nivuse abafileyo, nihlambulule abaneqhenqa, nikhuphe iindimoni. Namkelé ngesisa, ke ngoko yiphani ngesisa.

UMATEWU 10:8 ukuphilisa ukupha ukwamkela

2018 Februwari 6, Lwesibini

Umnqweno ongafezekiyo uyamngcungcuthekisa umntu;
kanti ke wakufezeka umnqweno ufana nomthi onika ubomi.

IZAFOBE 13:12 ithemba ubomi intliziyo

2018 Februwari 5, Mvulo

Nina, mawethu, nibizelwe enkululekweni. Kodwa ke inkululeko yenu mayingabi lokroba lokuba nilawulwe sisimo esidala. Ndaweni yaloo nto khonzanani niqhutywa luthando.

KUMAGALATI 5:13 inkululeko ukuthobeka iminqweno

2018 Februwari 4, Cawe

Mayela nale micimbi, akuba umntu eziqondile ukuba wonile, makasivume isiphoso sakhe.

EYONQULO 5:5 ukuvuma izono isono

2018 Februwari 3, Mgqibelo

Ngoko ke ligxothe ixhala entliziyweni yakho,
ukuphephe okunokwenzakalisa umzimba wakho.
Kaloku ubutsha namandla awo ngamampunge.

AMAVA ENGQONDI 11:10 usizi ukukhathazeka intliziyo

2018 Februwari 2, Lwesihlanu

Ngenxa yoko musani ukulixhalela ingomso. Ingomso liya kuxhalela okwalo. Ziyanele imini nganye iingxaki zayo.

UMATEWU 6:34 ubomi ukukhathazeka ukuxhomekeka

2018 Februwari 1, Lwesine

Xa ungazifumani izinto ozifunayo, ukhetha ukubulala; okanye xa ungafezeki umnqweno wakho, uyaxabana ulwe. Kanti ke, ungazifumani nje izinto ozifunayo, kungenxa yokuba awuziceli kuThixo.

EKAYAKOBI 4:2 isono iminqweno umthandazo