Gcina (Matshi 2015)

2015 Matshi 31, Lwesibini

Kaloku umntu ukholwa ngentliziyo, aze abe lilungisa phambi koThixo; uvuma ngomlomo, aze asindiswe.

KWABASEROMA 10:10 ukholo ukuthetha usindiso

2015 Matshi 30, Mvulo

Ndihlala ndimbeke phambi kwam uNdikhoyo;
ungasekunene kwam, ngoko ke andiyi kushukunyiswa nto.

INdumiso 16:8 ukuxhomekeka izixhobo ukukhuselwa

2015 Matshi 29, Cawe

Izihlwele ezazihamba phambi koYesu nezazimlandela zazidanduluka zisithi: “Camagu! Nyana kaDavide! Makabongwe lo uzayo egameni leNkosi! Sithi: ‘Bayethe!’ kuPhezukonke!”

UMATEWU 21:9 UYesu unqulo ipasika

2015 Matshi 28, Mgqibelo

Lowo ukholwayo abhaptizwe wosindiswa; ke yena ongakholwayo wogwetywa.

UMARKO 16:16 ukholo usindiso ubhaptizo

2015 Matshi 27, Lwesihlanu

Xa ndandisendisithi ndiyoyisakala,
wandixhasa ngezibele zakho wena, Ndikhoyo.

INdumiso 94:18 ukuthembeka uthando ukuxhomekeka

2015 Matshi 26, Lwesine

Nokhalela kum, nize kundithandaza, ndize mna ndiniphulaphule.

UJEREMIYA 29:12 unqulo umthandazo ukuphulaphula

2015 Matshi 25, Lwesithathu

Masisondele ke ngoko singenadyudyu apho ahleli khona esihlalweni sokulawula uThixo wethu onenceba; apho sakwenzelwa khona ububele nesisa, sincedakale ngoku kuselithuba.

KUMAHEBHERE 4:16 ubabalo umthandazo inceba

2015 Matshi 24, Lwesibini

Oyena ndoqo wodaba lwakho yinyaniso;
xa zizonke izigqibo zakho soze zithini.

INdumiso 119:160 ukuthembeka umthetho ILizwi likaThixo

2015 Matshi 23, Mvulo

Umntu othi uyamthanda uThixo kodwa abe emthiyile uwabo, ulixoki. Kaloku ukuba akamthandi uwabo lo ambonayo, akanako ukumthanda uThixo angamboniyo.

1 KAYOHANE 4:20 uthando uThixo usapho

2015 Matshi 22, Cawe

Usindiso lufumaneka ngaye kuphela, kuba akukho wumbi emhlabeni ogama uThixo alinike uluntu, esingasindiswa ngalo.

UMSEBENZI WABATHUNYWA 4:12 usindiso UYesu

2015 Matshi 21, Mgqibelo

Ukwenza ubulungisa nokuthe ngqo
kwamkelekile kuNdikhoyo kunamadini.

IZAFOBE 21:3 ukunyaniseka ubulungisa umbingelelo

2015 Matshi 20, Lwesihlanu

Kaloku uNdikhoyo akaziva ngosapho lwakhe;
abazithobayo ubathi jize ngoloyiso!

INdumiso 149:4 ukuthobeka uvuyo intsikelelo

2015 Matshi 19, Lwesine

Anazi na ukuba imizimba yenu yindlu kaMoya oyiNgcwele, ahlala kuyo, evela kuThixo? Kaloku aningobenu; ningabakaThixo owanithenga ngexabiso elikhulu. Mdumiseni ke uThixo ngemizimba yenu.

1 KWABASEKORINTE 6:19-20 unqulo Umoya ubomi

2015 Matshi 18, Lwesithathu

UNdikhoyo uThixo wakho unawe;
uligorha elisindisayo.
Yena unemihlali ngawe, enovuyo;
uya kukuthulisa ngothando lwakhe;
ugcoba ngawe eyiyizela.

UZEFANIYA 3:17 uThixo uvuyo umhlawuleli

2015 Matshi 17, Lwesibini

Abathobela umyalelo wakho bahlala banelisekile;
kaloku akukho nto ingabaphazamisayo.

INdumiso 119:165 umthetho uxolo

2015 Matshi 16, Mvulo

Banoyolo abo bangabaxolisi, kuba uThixo uya kuthi bangabantwana bakhe!

UMATEWU 5:9 intsikelelo uxolo abantwana

2015 Matshi 15, Cawe

Kum ziluyolo izithethe zakho;
zingaphezu kwabo bonke ubutyebi.

INdumiso 119:14 umthetho imali uvuyo

2015 Matshi 14, Mgqibelo

Lowo ke uswele amandla elukholweni, mamkeleni, kodwa kungabi nganjongo yakuphikisana nezimvo zakhe.

KWABASEROMA 14:1 ukholo uluntu

Makabongwe uThixo, uyise weNkosi yethu uYesu Krestu, uBawo uSozinceba, uThixo umthombo wentuthuzelo. Yena uyasithuthuzela ezimbandezelweni zethu zonke, ukuze nathi sikwazi ukubathuthuzela abanye kwangaloo ntuthuzelo ivela kuye.

2 KWABASEKORINTE 1:3-4 ukubandezeleka unqulo ukhuthazo

2015 Matshi 12, Lwesine

UThixo ulihlathi nenqaba yethu;
ngexesha leenkathazo uluncedo oluhlala lulungile.

INdumiso 46:1 ukuthembeka ukhuseleko ukukhuselwa

2015 Matshi 11, Lwesithathu

Ke wena ubathi jize ngenzolo
abo banjongo zingajika-jikiyo,
kuba behlala bekholose ngawe.

UISAYA 26:3 thembela ukhuseleko uxolo

2015 Matshi 10, Lwesibini

Ke yena wathi: “Yithi kanye: unoyolo lowo ulivayo ilizwi likaThixo alenze.”

ULUKA 11:28 ILizwi likaThixo ubomi ukuphulaphula

2015 Matshi 9, Mvulo

Yizani siqubude simnqule,
siguqe phambi koNdikhoyo umdali wethu.

INdumiso 95:6 indalo unqulo ukuthobeka

2015 Matshi 8, Cawe

Lungekho ke ukholo akukho ukumkholisa uThixo. Kaloku wonke ubani ozayo kuye kufuneka akholwe ukuba ukho uThixo, yaye uyabavuza abo bamlangazelelayo.

KUMAHEBHERE 11:6 ukholo uvuyo ibuyiselo

2015 Matshi 7, Mgqibelo

Kodwa ke kunjengoko zitshoyo iziBhalo ukuthi:
“Izinto ezingabonwanga liso, nezingaviwanga ndlebe,
nezingathanga qatha ntliziyweni yamntu,
zezi kanye uThixo wazilungiselela abo bamthandayo.”

1 KWABASEKORINTE 2:9 uthando ibuyiselo

2015 Matshi 6, Lwesihlanu

Kambe ke, ngeny' imini, Ndikhoyo,
luya kubalasela uthando lwakho.
Ndiya kuphikelela ndikudumise ebusuku,
ndithandaze kuThixo endixhomekeke kuye.

INdumiso 42:8 uthando unqulo umthandazo

2015 Matshi 5, Lwesine

Umntu omfumeneyo uNyana, ubufumene ubomi; kanti ke yena ongekamfumani uNyana kaThixo, akanabo ubomi.

1 KAYOHANE 5:12 usindiso UYesu ubomi

2015 Matshi 4, Lwesithathu

Noba sewucand' emanzini,
mna ndiya kuba nawe;
noba sowuwela imilambo,
ayisoze ibe nako ukukukhukulisa;
nditsho sowucand' emlilweni, soze urhawuke;
amadangatye akanakukutshisa wena.

UISAYA 43:2 thembela ukhuthazo izithembiso

2015 Matshi 3, Lwesibini

Ngaloo mini uThixo uya kuvuza elowo nalowo ngokwemisebenzi yakhe.

KWABASEROMA 2:6 ubulungisa ibuyiselo

2015 Matshi 2, Mvulo

Ke zon' izibele zikaNdikhoyo zivelela abamhloneleyo;
uhlala enobubele kwizizukulwana ngezizukulwana,
kwabanyanisekileyo kumnqophiso wakhe
nabathobela imithetho yakhe.

INdumiso 103:17-18 ukuthembeka umthetho usapho