Tahirin-kevitra (Aprily 2022)

Asabotsy 30 Aprily 2022

Izay maharesy dia hitafy lamba fotsy tahaka ireo koa, ary tsy hamono ny anarany eo amin'ny bokin'ny fiainana tokoa Aho, fa hanaiky ny anarany eo anatrehan'ny Raiko sy eo anatrehan'ny anjeliny.

Apokalypsy 3:5 fandresena fampanantenana lanitra

Zoma 29 Aprily 2022

Koa raha ianareo, na dia ratsy aza, mahalala hanome zava-tsoa ho an'ny zanakareo, tsy mainka va ny Ray, Izay any an-danitra, no hanome ny Fanahy Masina ho an'izay mangataka aminy?

Lioka 11:13 Fanahy fivavahana ankohonana

Alakamisy 28 Aprily 2022

Koa amin'izany mivavaha toy izao ianareo:
Rainay Izay any an-danitra,
hohamasinina anie ny anaranao.
Ho tonga anie ny fanjakanao.
Hatao anie ny sitraponao
etỳ an-tany tahaka ny any an-danitra.

Matio 6:9-10 fivavahana Ray fanetren-tena

Aoka tsy hisy olona hanao tsinontsinona anao noho ny hatanoranao; fa aoka ho tonga fianarana ho an'ny mino ianao amin'ny fiteny, amin'ny fitondran-tena, amin'ny fitiavana, amin'ny finoana, amin'ny fahadiovana.

1 Timoty 4:12 finoana fitiavana fiainana

Talata 26 Aprily 2022

Izay mino Ahy, dia hisy onin'ny rano velona miboiboika avy ao an-kibony, araka ny voalazan'ny Soratra Masina.

Jaona 7:38 finoana Tenin'Andriamanitra fiainana

Alatsinainy 25 Aprily 2022

Ary hatoky Anao izay mahalala ny anaranao;
fa tsy foinao izay mitady Anao, Jehovah ô.

Salamo 9:10 fahatokisana mitady fitokisana

Alahady 24 Aprily 2022

Manatòna an'Andriamanitra, dia hanatona anareo Izy. Diovy ny tananareo, ry mpanota; ary ataovy madio ny fonareo, ry mpiroa saina.

Jakoba 4:8 fahotana fanadiovana rariny

Asabotsy 23 Aprily 2022

Fa efa tonga ny Zanak'olona hitady sy hamonjy ny very.

Lioka 19:10 famonjena Jesosy mitady

Zoma 22 Aprily 2022

Ny famindram-pon'i Jehovah no tsy nahalany ritra antsika,
fa tsy mitsahatra ny fiantrany.
Vaovao isa-maraina izany;
lehibe ny fahamarinanao.

Fitomaniana 3:22-23 fitokisana fitiavana mamindra fo

Alakamisy 21 Aprily 2022

Misaora izay manenjika anareo; misaora, fa aza manozona.

Romana 12:14 fitahiana fanenjehana

Alarobia 20 Aprily 2022

Fa katsaho aloha ny fanjakany sy ny fahamarinany, dia hanampy ho anareo izany rehetra izany.

Matio 6:33 rariny hanina fanjakana

Talata 19 Aprily 2022

Andriamanitra no iankinan'ny famonjena ahy sy ny voninahitro;
ny vatolampiko mafy sy ny aroko dia ao amin'Andriamanitra.

Salamo 62:7 fahatokisana Andriamanitra famonjena

Alatsinainy 18 Aprily 2022

Ary mandehana amin'ny fitiavana, toy ny nitiavan'i Kristy anareo, dia ny nanolorany ny tenany ho fanatitra sy ho fanavotana amin'Andriamanitra, ho hanitra ankasitrahana, hamonjy antsika.

Efesiana 5:2 fitiavana sorona Jesosy

Alahady 17 Aprily 2022

Tsy ato Izy fa efa nitsangana; tsarovy ny teny izay nataony taminareo, fony Izy mbola tany Galilia, hoe: Ny Zanak'olona tsy maintsy hatolotra eo an-tànan'ny mpanota ka hohomboana amin'ny hazo fijaliana ary hitsangana amin'ny andro fahatelo.

Lioka 24:6-7 Jesosy fitsanganana amin'ny maty paka

Asabotsy 16 Aprily 2022

Maina ny ahitra, malazo ny voniny;
Fa ny tenin'Andriamanitsika dia haharitra mandrakizay.

Isaia 40:8 fitokisana Andriamanitra Tenin'Andriamanitra

Zoma 15 Aprily 2022

Ary niantso tamin'ny feo mahery Jesosy ka nanao hoe: Raiko ô, eo an-tananao no atolotro ny fanahiko; ary rehefa niteny izany Izy, dia afaka ny ainy.

Lioka 23:46 paka Jesosy Ray

Alakamisy 14 Aprily 2022

Ary tsy izany ihany, fa aoka isika hifaly amin'ny fahoriana aza, satria fantatsika fa ny fahoriana mahatonga faharetana; ary ny faharetana mahatonga fahatsaram-panahy voazaha toetra; ary ny fahatsaram-panahy voazaha toetra mahatonga fanantenana.

Romana 5:3-4 fijaliana fanantenana fifaliana

Alarobia 13 Aprily 2022

Koa raha ny Zanaka no hahafaka anareo, dia ho afaka tokoa ianareo.

Jaona 8:36 Jesosy mpanafaka fahafahana

Talata 12 Aprily 2022

Ary miravoravoa amin'i Jehovah ianao,
dia homeny anao izay irin'ny fonao.

Salamo 37:4 manomeza mitady fo

Alatsinainy 11 Aprily 2022

Kanefa any ianao no hitady an'i Jehovah Andriamanitrao ka hahita Azy, raha mitady Azy amin'ny fonao rehetra sy ny fanahinao rehetra.

Deotoronomia 4:29 Andriamanitra valisoa aina

Alahady 10 Aprily 2022

Ary ny vahoaka izay nialoha Azy sy izay nanaraka dia niantso hoe: Hosana ho an'ny Zanak'i Davida! Isaorana anie Izay avy amin'ny anaran'i Jehovah! Hosana any amin'ny avo indrindra.

Matio 21:9 Jesosy fiankohofana paka

Asabotsy 9 Aprily 2022

Maro ny hevitra ao am-pon'ny olona;
Fa ny fisainan'i Jehovah no haharitra.

Ohabolana 19:21 fandrindrana mahatakatra fiankinan-doha

Zoma 8 Aprily 2022

Ary aza manaraka ny fanaon'izao tontolo izao; fa miovà amin'ny fanavaozana ny saina, hamantaranareo ny sitrapon'Andriamanitra, dia izay tsara sady ankasitrahana no marina.

Romana 12:2 lafatra fankatoavana fiainana

Alakamisy 7 Aprily 2022

Mandehana, hano amin'ny fifaliana ny haninao, ary sotroy amin'ny fo falifaly ny divainao, fa efa nankasitrahan'Andriamanitra ela ny asanao.

Mpitoriteny 9:7 fifaliana hanina fiainana

Alarobia 6 Aprily 2022

Jehovah no miandany amiko, ka tsy hatahotra aho.
Inona no azon'ny olona atao amiko?

Salamo 118:6 tahotra fiarovana

Talata 5 Aprily 2022

Ary hoy Jesosy taminy: Mandehana ianao, ny finoanao no efa namonjy anao. Dia nahiratra niaraka tamin'izay ny masony, ka nanaraka an'i Jesosy teny an-dalana izy.

Marka 10:52 finoana famonjena fahasitranana

Alatsinainy 4 Aprily 2022

Fa hoy Jesosy taminy: Hainao hoe? Ny zavatra rehetra dia hain'ny mino.

Marka 9:23 finoana fahagagana fahasitranana

Alahady 3 Aprily 2022

Tsara ny mahazo fahendrena noho ny volamena,
Ary tsara ny mahazo fahalalana noho ny volafotsy.

Ohabolana 16:16 vola fitiavan-karena fahendresena

Asabotsy 2 Aprily 2022

Tsy misy olona mahay manompo tompo roa; fa ny anankiray ho halany, ary ny anankiray ho tiany; na ny anankiray hombany, ary ny anankiray hohamavoiny. Tsy mahay manompo an'Andriamanitra sy Mamôna ianareo.

Matio 6:24 fanompoana vola trosa