Gcina (Epreli 2022)

2022 Epreli 30, Mgqibelo

Lowo woyisileyo wovatha ezimhlophe. Andisoze ndilicime igama lakhe kuludwe lwamagama abo baphilayo. Kaloku ndiya kumvuma ukuba ungowam phambi kukaBawo nezithunywa zakhe.

ISITYHILELO 3:5 ukoyisa izithembiso izulu

2022 Epreli 29, Lwesihlanu

Ukuba ngoko nina, nikhohlakele nje, niyakwazi ukubapha abantwana benu izipho ezilungileyo, wobeka phi yena uYihlo osezulwini ukugqithisela ukubapha uMoya oyiNgcwele abo bamcelayo?

ULUKA 11:13 Umoya umthandazo usapho

2022 Epreli 28, Lwesine

Thandazani ke ngoko nina nithi:
“ ‘Bawo wethu osezulwini:
Malaziwe lihlonelwe igama lakho,
malongame ulawulo lwakho,
makwenziwe ukuthanda kwakho, emhlabeni njengasezulwini.”’

UMATEWU 6:9-10 umthandazo UTata ukuthobeka

2022 Epreli 27, Lwesithathu

Musa ukuvuma ukudelwa ngabantu ngenxa yokuba usemncinci. Yiba ngumzekelo kuwo onke amakholwa, ngentetho yakho, ngokuziphatha, ngothando, ngentembeko, nangobunyulu.

1 KUTIMOTI 4:12 ukholo uthando ubomi

2022 Epreli 26, Lwesibini

IziBhalo zithi kuya kugqabhuka imisinga yamanzi aphilisayo embilinini walowo ukholwayo kum.

UYOHANE 7:38 ukholo ILizwi likaThixo ubomi

2022 Epreli 25, Mvulo

Bathembele ngawe, Ndikhoyo, bonke abakwaziyo;
kaloku akuzange ubafulathele abo bakufunayo.

INdumiso 9:10 thembela ukufuna ukuthembeka

2022 Epreli 24, Cawe

Sondelani kuThixo naye azokusondela kuni. Hlambani izandla zenu, nina bonindini! Nizenze nyulu iintliziyo zenu, nina bahanahanisi!

EKAYAKOBI 4:8 isono ukusulungekiswa ubulungisa

2022 Epreli 23, Mgqibelo

Kaloku yena uNyana woLuntu wezela ukufuna kwanokusindisa abantu abalahlekileyo.

ULUKA 19:10 usindiso UYesu ukufuna

2022 Epreli 22, Lwesihlanu

Kungenxa yezibele zikaNdikhoyo singatshabalalanga nje,
kuba inceba yakhe ayinasiphelo.
Zihlala zintsha imihla ngemihla;
kukhulu ukuthembeka kwakhe.

IZILILO 3:22-23 ukuthembeka uthando uvelwano

2022 Epreli 21, Lwesine

Basikeleleni abanitshutshisayo; sikelelani, ningaqalekisi.

KWABASEROMA 12:14 intsikelelo intshutshiso

2022 Epreli 20, Lwesithathu

Ke ngoko kuqala zondelelani ukulawulwa nguThixo, nenze ubulungisa obufunwa nguye, waye ke yena eya kunongezelela zonke ezi zinto.

UMATEWU 6:33 ubulungisa ukutya ubukumkani

2022 Epreli 19, Lwesibini

Ndisindiswa nguThixo, uliwonga lam.
UThixo yinqaba yam, ndizimela ngaye.

INdumiso 62:7 thembela uThixo usindiso

2022 Epreli 18, Mvulo

Hlalani nithandana kanye ngale ndlela wanithanda ngayo uKrestu. Yena wazincama ngenxa yenu, wazenza umnikelo nedini elivumba limnandi kuThixo.

KWABASE-EFESE 5:2 uthando umbingelelo UYesu

2022 Epreli 17, Cawe

Akakho apha, uvukile. Khumbulani awakuthetha kuni esekwelaseGalili, esithi: ‘UNyana woLuntu umelwe kukunikelwa ezandleni zaboni, abethelelwe emnqamlezweni, athi ngomhla wesithathu abuye avuke.’

ULUKA 24:6-7 UYesu uvuko ipasika

2022 Epreli 16, Mgqibelo

Ingca iyatshaza, yona ke intyatyambo ibune,
ke lona ilizwi loThixo wethu lohlala lihleli.

UISAYA 40:8 ukuthembeka uThixo ILizwi likaThixo

2022 Epreli 15, Lwesihlanu

Wadanduluka ke uYesu ngezwi elikhulu, wathi: “Bawo, ndiyawunikela ezandleni zakho umoya wam!” Akuba etshilo, waphuma umphefumlo.

ULUKA 23:46 ipasika UYesu UTata

2022 Epreli 14, Lwesine

Ngaphezu koko, siqhayisa nangeembandezelo ezi, sisazi nje ukuba iimbandezelo zisiqhelisa ukunyamezela. Ke ukunyamezela kubonisa ukuba sicikidekile. Ukucikideka ke kudala ithemba.

KWABASEROMA 5:3-4 ukubandezeleka ithemba uvuyo

2022 Epreli 13, Lwesithathu

Ukuba ke uNyana uthe wanenza nakhululeka, noba ngabakhululekileyo mpela.

UYOHANE 8:36 UYesu umhlawuleli inkululeko

2022 Epreli 12, Lwesibini

Zonwabise ngokululamela uNdikhoyo;
wokunika umnqweno wentliziyo yakho.

INdumiso 37:4 ukupha ukufuna intliziyo

2022 Epreli 11, Mvulo

Niya kuthi ke nakumfuna uNdikhoyo uThixo wenu nikuloo meko nimfumane; ewe, ukuba nimfuna nimlangazelela ngomxhelo wenu wonke niya kumfumana.

UHLAZIYO-MNQOPHISO 4:29 uThixo ibuyiselo umphefumlo

2022 Epreli 10, Cawe

Izihlwele ezazihamba phambi koYesu nezazimlandela zazidanduluka zisithi: “Camagu! Nyana kaDavide! Makabongwe lo uzayo egameni leNkosi! Sithi: ‘Bayethe!’ kuPhezukonke!”

UMATEWU 21:9 UYesu unqulo ipasika

2022 Epreli 9, Mgqibelo

Umntu uyaceba acwangcise entliziyweni yakhe,
kodwa ke licebo likaNdikhoyo eliphumelelayo.

IZAFOBE 19:21 ukucwangcisa ukuqonda ukuxhomekeka

2022 Epreli 8, Lwesihlanu

Musani ke ukuthatha isimilo sabantu beli phakade, kodwa iingqondo zenu maziguquke zihlaziyeke, nize niyivume intando kaThixo, yona ilungileyo, ikholekileyo, igqibeleleyo.

KWABASEROMA 12:2 ngokungenatyala ukuthobela ubomi

2022 Epreli 7, Lwesine

Hayi ke, yitya isonka sakho wonwabile, usele iwayini yakho uchwayitile entliziyweni, kuba ngoku lithuba elikholekileyo kuThixo lokuba wenze oko.

AMAVA ENGQONDI 9:7 uvuyo ukutya ubomi

2022 Epreli 6, Lwesithathu

Andinadyudyu, kuba uNdikhoyo ungakum;
okokwakhe yena umntu akanakundenza nto konke.

INdumiso 118:6 uloyiko ukukhuselwa

2022 Epreli 5, Lwesibini

Wathi kuyo uYesu: “Hamba uhambe; ukholo lwakho lukuphilisile.”
Yabona ke kwangoko, yamlandela uYesu endleleni apho.

UMARKO 10:52 ukholo usindiso ukuphilisa

2022 Epreli 4, Mvulo

Wathi kuye uYesu: “Oo, uthi: ‘Ukuba ndinako;’ – zonke izinto zinokwenzeka kokholwayo.”

UMARKO 9:23 ukholo imimangaliso ukuphilisa

2022 Epreli 3, Cawe

Kulungile ukuzuza ubulumko kunokufumana igolide;
kungcono ukukhetha ulwazi kunokwamkela isiliva.

IZAFOBE 16:16 imali ukuthanda izinto eziphathekayo ubulumko

2022 Epreli 2, Mgqibelo

Akukho mntu unokukhonza iinkosi ezimbini, kuba uya kuyithiya le, ayithande leya, okanye abambelele kule, ayidele leya. Aninako ukukhonza uThixo kwanobutyebi.

UMATEWU 6:24 ukukhonza imali ityala