Andinin-teny ao amin'ny Baiboly momba ny fo

«»

• Tandremo ny fonao mihoatra noho izay rehetra tokony hotandremana;
  Fa avy ao aminy no ihavian'ny aina.
  Ohabolana 4:23fiainanafiarovanaeritreritra
• Toy ny tandindona eny anaty rano mifanahaka amin'ny tarehy,
  Dia toy izany no ifanahafan'ny fon'ny olona amin'ny an'olona.
  Ohabolana 27:19fiainana
• Ny fo dia mamitaka mihoatra noho ny zavatra rehetra
  sady manana aretina tsy azo sitranina;
  Iza moa no mahafantatra ny aminy?
  Izaho Jehovah no Mpandinika ny fo sy Mpamantatra ny voa,
  mba hanome ny olona rehetra araka ny alehany avy,
  dia araka ny vokatry ny asany.
  Jeremia 17:9-10valisoafiainana
• Ary hitady Ahy ianareo, dia ho hitanareo Aho, raha katsahinareo amin'ny fonareo rehetra.
  Jeremia 29:13mitadyaina
• Ary aoka ny firavahanareo tsy ho zavatra eny ivelany, toy ny firandranam-bolo sy ny firava-bolamena na ny fiakanjoana; fa aoka ho toetra miafina ao am-po, izay tsy mety ho lò, dia ny fanahy malemy sady miadana, izay soa indrindra eo imason'Andriamanitra.
  1 Petera 3:3-4fanetren-tenahatsàrafitafiana
• Amorony fo madio aho, Andriamanitra ô;
  ary havaozy hiorina marina ny fanahiko ato anatiko.
  Salamo 51:10fanadiovanaFanahy
• Hanome anao araka ny fonao anie
  Izy ary hahatanteraka ny fisainanao rehetra.
  Salamo 20:4fandrindranafitahiana
• Fa hoy Jehovah tamin'i Samoela: Aza mijery ny tarehiny na ny hahavon'ny tsanganany, fa efa nolaviko izy; fa tsy mba toy ny fijerin'ny olona no fijerin'i Jehovah; fa ny olona mijery ny miseho eo ivelany, fa Jehovah kosa mijery ny fo.
  1 Samoela 16:7hatsàrafiavonavonana
• Matokia an'i Jehovah amin'ny fonao rehetra,
  Fa aza miankina amin'ny fahalalanao;
  Maneke Azy amin'ny alehanao rehetra,
  Fa Izy handamina ny lalanao.
  Ohabolana 3:5-6fahatokisanafiankinan-dohafitaovana
• Fa izay itoeran'ny harenao, dia ho any koa ny fonao.
  Matio 6:21fitiavan-karenavolafaniriana
• Aoka tsy handao anao ny famindram-po sy ny fahamarinana;
  Afehezo eo am-bozonao izany,
  Ary soraty ao amin'ny fonao tahaka ny amin'ny vato fisaka,
  Ka dia hahazo fitia sy fahalalana tsara
  Eo anatrehan'Andriamanitra sy ny olona ianao.
  Ohabolana 3:3-4fitiavanavalisoasarobidy
• Ary homeko fo vaovao ianareo, ary fanahy vaovao no hataoko ao anatinareo, ary hesoriko amin'ny nofonareo ny fo vato, ka homeko fo nofo ianareo.
  Ezekiela 36:26Fanahyfamonjena
• Dia hoy Jesosy taminy: Tiava an'i Jehovah Andriamanitrao amin'ny fonao rehetra sy ny fanahinao rehetra ary ny sainao rehetra.
  Matio 22:37ainasaina
• Ary miravoravoa amin'i Jehovah ianao,
  dia homeny anao izay irin'ny fonao.
  Salamo 37:4manomezamitady
• Ny fo ravoravo mahasalama tsara;
  Fa ny fanahy kivy mahamaina ny taolana.
  Ohabolana 17:22fahasitrananaaretinafahalemena
• Anaka, aza manadino ny lalàko;
  Fa aoka ny fonao hitandrina ny didiko;
  Fa andro maro sy taona ela iainana
  Ary fiadanana no hanampiny ho anao.
  Ohabolana 3:1-2lalànafiainanafiadanana
• Mahasitrana ny torotoro fo Izy
  Sy mamehy ny feriny.
  Salamo 147:3fahasitrananaaretinafahasalamana
• Aoka ny olona rehetra samy hanao araka izay inian'ny fony avy, tsy amin'ny alahelo, na amin'ny faneriterena; fa ny mpanome amin'ny fifaliana no tian'Andriamanitra.
  2 Korintiana 9:7fifalianamanomezafahalalahan-tanana
• Izay hendry am-po no handray ny didy;
  Fa ho lavo ny adala maro vava.
  Ohabolana 10:8lalànafahendresena
• Mahereza, ary aoka hatanjaka ny fonareo,
  dia ianareo rehetra izay manantena an'i Jehovah.
  Salamo 31:24fanantenanafankaherezanaherim-po
• Sambatra ny madio am-po;
  fa izy no hahita an'Andriamanitra.
  Matio 5:8fanaovana ny marinafitahiana
• Tamin'ny foko rehetra no nitadiavako Anao;
  Aza avela hivily hiala amin'ny didinao aho.
  Salamo 119:10lalànarariny
• Mampianara anay hanisa ny andronay,
  Hahazoanay fo hendry.
  Salamo 90:12fandrindranafahendresena
• Aoka ny tenin'ny vavako sy ny fisainan'ny foko
  samy hankasitrahana eo imasonao,
  Jehovah ô, Vatolampiko sy Mpanavotra ahy.
  Salamo 19:14lahatenyfivavahana
• Lazaiko aminareo marina tokoa: Na zovy na zovy no hilaza amin'ity tendrombohitra ity hoe: Mifindrà, ka mianjerà any an-dranomasina, ka tsy hiahanahana ao am-pony, fa hino fa ho tonga ny zavatra lazainy, dia ho azony izany.
  Marka 11:23fahatokisanafinoana