Gcina (Matshi 2013)

2013 Matshi 31, Cawe

Isithunywa sathi kubafazi abo: “Sanukoyika nina. Ndiyazi ukuba nifuna uYesu obebethelelwe emnqamlezweni. Akakho apha. Uvukile, njengoko watshoyo. Yizani apha, niyibone indawo awayekuyo.”

UMATEWU 28:5-6 UMsindisi UYesu ipasika

2013 Matshi 30, Mgqibelo

Ngoko ke, nokuba ndihamba kwiingxondorha ezimnyama,
andinadyudyu.
Kaloku ungakum, wena Ndikhoyo;
isagweba sakho nebhunguza lakho lixhadi lam.

INdumiso 23:4 uloyiko ukhuthazo ukufa

Amhluba izambatho uYesu, amambathisa ezibomvu, athi, eluke isithsaba sameva, amthi jize ngaso entloko, amphathisa ingcongolo ngesandla sokunene, aza aqubuda phambi kwakhe, ahlekisa ngaye, esithi: “Aa, kumkani wamaJuda!”

UMATEWU 27:28-29 umbingelelo ukubandezeleka ipasika

2013 Matshi 28, Lwesine

Izinhanha zicinga ukuba ubutyebi yinqaba yazo;
kuzo ngathi buludonga oluphakamileyo lokuzifihla.

IZAFOBE 18:11 imali ukuthanda izinto eziphathekayo

2013 Matshi 27, Lwesithathu

Lukholo ke olunenze nangoonyana bakaThixo ngokumanywa noYesu Krestu. Nonke nina babhaptiziweyo nimanywe noKrestu; ngoko ke nambethe uKrestu.

KUMAGALATI 3:26-27 ukholo ubhaptizo abantwana

2013 Matshi 26, Lwesibini

Nasiphi na isilingo esikuhlelayo siyinto eqhelekileyo emntwini. Yena ke uThixo, ngokuba ethembekile, akayi kukuyekela ulingwe ngokungaphezu kwamandla akho. Hayi, wosuka akuvulele ikroba lokuphuncula, ukuze ube nako ukunyamezela.

1 KWABASEKORINTE 10:13 ukuthembeka isilingo ukuba likhoboka

2013 Matshi 25, Mvulo

Kuba wena, Nkosi, ulungile, uyaxolela;
uphuphuma luthando kwabo bakholosa ngawe.

INdumiso 86:5 ukuthembeka uthando uxolelo

2013 Matshi 24, Cawe

Izihlwele ezazihamba phambi koYesu nezazimlandela zazidanduluka zisithi: “Camagu! Nyana kaDavide! Makabongwe lo uzayo egameni leNkosi! Sithi: ‘Bayethe!’ kuPhezukonke!”

UMATEWU 21:9 UYesu unqulo ipasika

2013 Matshi 23, Mgqibelo

Kaloku ndiqinisekile kukuba asikuko nakufa, nabomi, nazithunywa zezulu, nazilawuli, nanto zikhoyo, nanto zizayo, naziphathamandla, nanto ziphezulu, nanto zingaphantsi, nditsho nasiphi na isidalwa, esiya kuba nako ukusahlula nothando lukaThixo olukuye uKrestu Yesu, iNkosi yethu.

KWABASEROMA 8:38-39 uthando umlamli ukufa

2013 Matshi 22, Lwesihlanu

Bantwana bam, uthando lwethu malungabi lolomlomo nje kuphela, koko malube lolungahanahanisiyo, lubonakaliswa ngezenzo.

1 KAYOHANE 3:18 ukunyaniseka inyaniso ukuthetha

2013 Matshi 21, Lwesine

Phaphani ngoko, kuba ningàwazi umhla wokufika kweNkosi yenu.

UMATEWU 24:42 ukuza kwesibini umonde ukuphela kwexesha

2013 Matshi 20, Lwesithathu

Thwalisanani ubunzima; xa nenjenjalo ke nithobela umyalelo kaKrestu.

KUMAGALATI 6:2 umthetho ukubandezeleka ummelwane

2013 Matshi 19, Lwesibini

Wathi kubo: “Othe wamamkela lo mntwana egameni lam, wamkela mna; nothe wamkela mna, wamkela lowo undithumileyo; kuba oyena mncinane phakathi kwenu nonke, ngoyena mkhulu.”

ULUKA 9:48 ukuthobeka UYesu

2013 Matshi 18, Mvulo

Ubutyebi bomntu abumsindisi kwingqumbo kaThixo;
sisimo esisulungekileyo kuphela esimhlangulayo umntu ekufeni.

IZAFOBE 11:4 imali ubulungisa ukuthanda izinto eziphathekayo

2013 Matshi 17, Cawe

Siyazi ke ukuba kuyo yonke imeko uThixo ubenzela okulungileyo abo bamthandayo, ababizwe ngokwenjongo yakhe.

KWABASEROMA 8:28 uthando uThixo ubizo

2013 Matshi 16, Mgqibelo

Kaloku ilizwi likaNdikhoyo linyanisekile,
nemisebenzi yakhe yonke inyanisekile.

INdumiso 33:4 ukuthembeka ILizwi likaThixo inyaniso

2013 Matshi 15, Lwesihlanu

Kodwa ke kunjengoko zitshoyo iziBhalo ukuthi:
“Izinto ezingabonwanga liso, nezingaviwanga ndlebe,
nezingathanga qatha ntliziyweni yamntu,
zezi kanye uThixo wazilungiselela abo bamthandayo.”

1 KWABASEKORINTE 2:9 uthando ibuyiselo

2013 Matshi 14, Lwesine

Ngoko ke, njengoko senenjenjalo kakade, khuthazanani, nakhane omnye nomnye.

1 KWABASETESALONIKA 5:11 ukhuthazo ukufunda ummelwane

2013 Matshi 13, Lwesithathu

Nangona uThixo engazanga wabonwa mntu nje, uhlala emanyene nathi ukuba siyathandana, luthi nothando lwakhe luyondelelane kuthi.

1 KAYOHANE 4:12 uthando uThixo ummelwane

2013 Matshi 12, Lwesibini

Zihlobo zam ezithandekayo, xa ke uThixo asithande ngolu hlobo nathi simelwe kukuthandana.

1 KAYOHANE 4:11 uthando uThixo uluntu

2013 Matshi 11, Mvulo

Baninzi phofu abaya kuthi bengabokuqala babe ngabokugqibela, nabokugqibela abaya kuba ngabokuqala.

UMATEWU 19:30 ibuyiselo

2013 Matshi 10, Cawe

Phofu ke uThixo uyayazi indlela endiyihambayo;
ukuba unokukhe andivavanye ndingafumaneka ndimsulwa okwegolide.
Kaloku iinyawo zam zilandela emkhondweni wakhe;
indlela yakhe ndiyigcinile, andaphambuka kuyo.

UYOBI 23:10-11 ngokungenatyala ubulungisa

2013 Matshi 9, Mgqibelo

Ndikhoyo, wena unguThixo wam;
ndosuka ndikuthuthe ndikudumise.
Kuthi mandikutyibele ndibongisele
ngenxa yemisebenzi yakho ekhamnqisayo;
kaloku ngokuthembeka okukhulu
wena zonke uzifezekisile –
nditsho izicwangciso zakho zamandulo.

UISAYA 25:1 ukuthembeka uThixo unqulo

2013 Matshi 8, Lwesihlanu

Hlonelani iNkosi uKrestu ehleli kuni ngaphakathi, nihlale nilungele ukuphendula nabani na onibuza ngethemba eniqamele ngalo.

1 KAPETROS 3:15 ukuvangela UYesu ithemba

2013 Matshi 7, Lwesine

Khumbulani kaloku ukuba uNdikhoyo uThixo wenu lo nguThixo ekukuphela kwakhe, kungekho wumbi ngaphaya; futhi ke uthembekile. Uyawugcina umnqophiso wakhe, futhi izibele zakhe ziphuphumela kwâbo bamthandayo beyigcina imiyalelo yakhe kuse kumawaka ezizukulwana.

UHLAZIYO-MNQOPHISO 7:9 ukuthembeka umthetho uThixo