Gcina (Janyuwari 2014)

2014 Janyuwari 31, Lwesihlanu

“Ndim isiqalo nesiphelo,” itsho iNkosi uThixo, uSomandla, uNdikhoyo, owayekho, lowo uya kusoloko ekho.

ISITYHILELO 1:8 ubomi obungunaphakade ukuthembeka uThixo

2014 Janyuwari 30, Lwesine

Mbonge uNdikhoyo, moya wam!
Mandimbonge uNdikhoyo ngomxhelo wam wonke!

INdumiso 103:1 ubungcwele unqulo umphefumlo

2014 Janyuwari 29, Lwesithathu

Ke wena, xa uthandazayo, ngena egumbini lakho, uluvale ucango, uthandaze kuYihlo ongabonwayo. Ke uYihlo, yena obona okwenzeka emfihlekweni, wokuvuza.

UMATEWU 6:6 ibuyiselo UTata umthandazo

2014 Janyuwari 28, Lwesibini

Nantsi indlela asibonise ukusithanda kwakhe ngayo uThixo: Wathumela uNyana okuphela kwakhe emhlabeni, ukuze thina sidle ubomi ngaye.

1 KAYOHANE 4:9 uthando UYesu ubomi

2014 Janyuwari 27, Mvulo

Lowo uyamkelayo imiyalelo yam ayigcine, nguye ondithandayo. Lowo ke undithandayo mna, uya kuthandwa nguBawo. Nam ndiya kumthanda, ndizibonakalise kuye.

UYOHANE 14:21 umthetho uthando UTata

2014 Janyuwari 26, Cawe

Makungabikho namnye uzikhohlisayo. Ukuba ubani kuni uba usisilumko kweli hlabathi, makabe “sisidenge” ukuze abe sisilumko ngenene.

1 KWABASEKORINTE 3:18 ubulumko umhlaba ukuzingca

2014 Janyuwari 25, Mgqibelo

Ngenxa yoko ndithi kuni, zonke izinto enizicela nithandaza, kholwani ukuba senizinikiwe; nozifumana ke.

UMARKO 11:24 ukholo umthandazo ukwamkela

2014 Janyuwari 24, Lwesihlanu

Ke mna ndithi kuni, zithandeni iintshaba zenu, nibathandazele abo banitshutshisayo.

UMATEWU 5:44 uthando umthandazo intshutshiso

2014 Janyuwari 23, Lwesine

Umntu onesidima uyasicezela isiphithi-phithi;
kanti ke sona isiyatha siyathanda ukuphemba uqhushululu.

IZAFOBE 20:3 ukuthetha uxolo umsindo

2014 Janyuwari 22, Lwesithathu

Kodwa isono sika-Adam asinakulinganiswa nesisa sikaThixo. Kaloku naxa kwafa abantu abaninzi nje ngenxa yesono salowo mnye unguAdam, lona ubabalo lukaThixo esalufumana ngaloo mntu mnye unguKrestu, lwaphuphumela kubantu abaninzi ngakumbi.

KWABASEROMA 5:15 isono ubabalo UYesu

2014 Janyuwari 21, Lwesibini

Musani ukuhombela ukubukwa ngokuluka iinwele, nitsho ngezacholo zegolide nempahla engayiwayo. Isihombo senu masibe sesangaphakathi, esingagugiyo. Umoya omhle wobulali yinto ayixabisileyo uThixo.

1 KAPETROS 3:3-4 ukuthobeka ubuhle intliziyo

2014 Janyuwari 20, Mvulo

Sonke isibhalo sinefuthe loMoya kaThixo. Siyanceda ekufundiseni inyaniso nokuchitha imposiso. Siyanceda ukulungisa isimilo, sinike ingqeqesho; ukuze lowo uzinikele kuThixo abe namandla okuwuphumeza nawuphi na umsebenzi omhle.

2 KUTIMOTI 3:16-17 ILizwi likaThixo ubomi izixhobo

2014 Janyuwari 19, Cawe

Umntu ozigwagwisayo uyakhawuleza ukuhlazeka;
kambe ke kona ukuzithoba kuhamba nobulumko.

IZAFOBE 11:2 ukuthobeka ubulumko ikratshi

2014 Janyuwari 18, Mgqibelo

Ngoko ke nathi ngokwethu siyalwazi, saye sikholosa ngalo uthando aluthululele kuthi uThixo.
UThixo uluthando, yaye nabani na ohlala eluthandweni uhlala emanyene noThixo, noThixo uhlala emanyene naye.

1 KAYOHANE 4:16 thembela uthando uThixo

2014 Janyuwari 17, Lwesihlanu

Ngenxa yoko kothi enikuthethe ebumnyameni kuviwe ekuhleni, nenikusebeze ngasese kukhwazwe phandle.

ULUKA 12:3 isono ukuthetha ukuphulaphula

2014 Janyuwari 16, Lwesine

Ukuthetha komntu osisiyatha kuzala ingxwaba-ngxwaba;
amazwi akhe ambizela ukubethwa.

IZAFOBE 18:6 ukuthetha ubulumko

2014 Janyuwari 15, Lwesithathu

Xa ufuna ukuviwa ngabo basemagunyeni
phatha umngena-ndlwini xa uya kubo.

IZAFOBE 18:16 ibuyiselo ukupha

2014 Janyuwari 14, Lwesibini

Kaloku komnceda ntoni na umntu, ukuba uthe walizuza ihlabathi liphela, kodwa walahlekelwa bubomi bakhe? Okanye umntu angakhupha ntoni na exabisekileyo ukuze angàlahlekelwa bubomi bakhe?

UMATEWU 16:26 ukuthanda izinto eziphathekayo ubomi umphefumlo

2014 Janyuwari 13, Mvulo

Yibani moya mnye. Musani ukusukela amawonga; yaneliswani kukuzithoba. Musani ukuzicingela ukuba niziingqondi.

KWABASEROMA 12:16 ukuthobeka uluntu ukuxhomekeka

2014 Janyuwari 12, Cawe

Kaloku zonke izinto ziphuma kuyo iNkosi, zikho ngayo, zikholo yona. Mayidunyiswe ke iNkosi kude kube ngunaphakade! Amen.

KWABASEROMA 11:36 indalo unqulo umbulelo

2014 Janyuwari 11, Mgqibelo

Mnye umzimba kaloku, ukwamnye uMoya, kwanjengokuba lilinye nethemba enabizelwa kulo nguThixo.

KWABASE-EFESE 4:4 Umoya ithemba ubizo

2014 Janyuwari 10, Lwesihlanu

Ndawa emhlabeni, ndaza ndeva ilizwi lisithi: ‘Sawule, Sawule, unditshutshisela ntoni na?’

UMSEBENZI WABATHUNYWA 22:7 ukuthetha imimangaliso intshutshiso

2014 Janyuwari 9, Lwesine

Basikeleleni abanitshutshisayo; sikelelani, ningaqalekisi.

KWABASEROMA 12:14 intsikelelo intshutshiso

2014 Janyuwari 8, Lwesithathu

Ningakhuphani zixhiba, nigwexane. Ndaweni yaloo nto thethani ngobulali. Eyona nto nibizelwe yona yeyokuba nifumane ilifa leentsikelelo.

1 KAPETROS 3:9 ukuthetha intsikelelo ubizo

2014 Janyuwari 7, Lwesibini

Ngamana yanithundeza iNkosi, nimthande uThixo, nibe nenyameko efuze ekaKrestu.

2 KWABASETESALONIKA 3:5 uthando inguqu ukulandela

2014 Janyuwari 6, Mvulo

Ngokholo nkqu noSara owayengazali, naxa wayeselegugile nje, wafumana amandla, wakhawula, kuba wathemba ukuba uThixo lo uthembisileyo wosigcina isithembiso sakhe.

KUMAHEBHERE 11:11 thembela ukholo ibuyiselo

2014 Janyuwari 5, Cawe

Kaloku akukho mntu uya kuba lilungisa kuThixo ngakugcina kwakhe umthetho; into eyenziwa ngumthetho kukwazisa abantu ngesono.

KWABASEROMA 3:20 isono umthetho ubulungisa

2014 Janyuwari 4, Mgqibelo

Ikratshi liphembelela ingxabano;
ke bona ubulumko buzuzwa ngabo bamkela iingcebiso.

IZAFOBE 13:10 ubulumko umsindo

2014 Janyuwari 3, Lwesihlanu

Noba ungade ungadubuli umkhiwane,
umdiliya ungabi nazo neziqhamo,
nokuba awungevelisi nto umnquma,
namasimi ngokwawo angabi nasivuno,
zingade zingabikho iigusha esibayeni,
nobuhlanti bungabi nazo nazinkomo,
ewe, khona kungade kube njalo,
kodwa mna ndochwayita kuNdikhoyo,
ndibe nemihlali kuThixo ondisindisayo.

UHABHAKUKI 3:17-18 uvuyo usindiso unqulo

2014 Janyuwari 2, Lwesine

Kaloku ezo zinto zinxamnye nezifunwa nguMoya, ukanti nezifunwa nguMoya zinxamnye nezinqwenelwa sisimo esidala. Zizombini zichasene ngohlobo lokuba ningabi nako ukuzenza izinto enisukuba nifuna ukuzenza.

KUMAGALATI 5:17 ukuthobela Umoya