Ukuthembeka (3/4)

UNdikhoyo ulilungisa ngeendlela zonke, unobubele kuko konke akwenzayo. INdumiso 145:17

UNdikhoyo ulilungisa ngeendlela zonke,
unobubele kuko konke akwenzayo.
INdumiso 145:17 ubulungisa ukulunga uthembekile
Ndikhoyo, senzele ububele nenceba,
njengoko kaloku sithembele kuwe.
INdumiso 33:22 thembela ithemba
Ingca iyatshaza, yona ke intyatyambo ibune,
ke lona ilizwi loThixo wethu lohlala lihleli.
UISAYA 40:8 uThixo ILizwi likaThixo ubuhle
Likwanjalo ke nelizwi endilithethayo:
alibuyi lilambatha,
koko liyawufezekisa umnqweno wam,
liliqaqambise icebo lam.
UISAYA 55:11 ILizwi likaThixo ukuthetha ukuba nesiqhamo
UNdikhoyo uyakuthanda ukunyaniseka nokulunga;
lizele ihlabathi zizibele zakhe.
INdumiso 33:5 uthando ubulungisa
Uthembekile uThixo, yena wanibizayo ukuba nibe nobudlelane noNyana wakhe uYesu Krestu iNkosi yethu.
1 KWABASEKORINTE 1:9 UYesu ubizo uThixo
Ndizimela ngaye, nguye ondisindisayo.
Yinqaba yam, soze ndichukunyiswe.
INdumiso 62:2 usindiso ukukhuselwa ukhuseleko
Ndikhwebule kubuqhetseba nokuxoka;
mandingade ndibe sisityebi okanye ndihlwempuzeke,
nto nje ndiqhekezele isonka sam semihla ngemihla.
IZAFOBE 30:8 ukuthanda izinto eziphathekayo ukutya imali
Ndiyabuya; andiyi kunishiya niziinkedama.
UYOHANE 14:18 umthuthuzeli UYesu Umoya
‘Buyelani kum,’ nguwo lowo umlomo kaNdikhoyo onamadla onke, ‘nam ke ndobuyela kuni,’ utsho uNdikhoyo onamandla onke.
UZAKARIYA 1:3b uguqulo inguquko ukuthobela
Liya kudlula izulu nehlabathi; ke wona amazwi am akasayi kuze adlule.
UMATEWU 24:35 ILizwi likaThixo izulu ukuphela kwexesha
Oyena ndoqo wodaba lwakho yinyaniso;
xa zizonke izigqibo zakho soze zithini.
INdumiso 119:160 umthetho ILizwi likaThixo
UThixo yena akamntu;
akaxoki, akaguqu-guquki okomntu.
Akakufezekisi na akuthembisileyo?
Akakuphumelelisi na akuthethileyo?
EYASENTLANGO 23:19 uThixo izithembiso ukuxoka
Uyabona, lowo ukhukhumeleyo unentliziyo embi enxaxhileyo;
ke yena olilungisa wophila ngokuthembeka kwakhe.
UHABHAKUKI 2:4 ubulungisa ubomi ukholo
Ukanti ke yona iNkosi uNdikhoyo ayenzi nto ingathanga ilityhile icebo layo kwizicaka zayo abashumayeli.
UAMOS 3:7 isiprofeto ukucwangcisa
Athembekile la mazwi athi:
“Ukuba sife simanyene naye, sodla ubomi kwakunye naye.”
2 KUTIMOTI 2:11 ILizwi likaThixo ukufa ubomi obungunaphakade
NguNdikhoyo yedwa uThixo;
nguye kuphela osikhuselayo.
2 KASAMWELI 22:32 uThixo ukukhuselwa
Ngoku ke sendiza kufa. Nazi mhlophe ezintliziyweni zenu nasemiphefumlweni yenu ukuba akukho nanye into ayithembisileyo angayenzanga uNdikhoyo; ewe, akukho nanye into ayithethileyo angayiphumelelisanga.
UYOSHUWA 23:14 intliziyo umphefumlo ukufa
Inene, lingaphela izulu nehlabathi, kodwa akuyi kupheliswa nalinye iganyana nokuba lisuntswana emthethweni, kungathanga kwenzeka konke.
UMATEWU 5:18 ILizwi likaThixo umthetho izulu
Ndithi sanukuzikrazula izinxibo,
koko zisoleni kukrazuk' iintliziyo.
Buyelani kuNdikhoyo uThixo wenu;
kaloku yena unesisa kwanemfobe,
uza kade umsindo,
yimvuze-mvuze ngobubele;
ewe, unebuyambo, akananqala.
UJOWELI 2:13 intliziyo ubabalo uthando
Khawundifundise iindlela zakho, Ndikhoyo,
khon' ukuze ndinamathele enyanisweni.
Ewe, ndifundise ukukuhlonela, Nkosi;
ndikunqule ndingankwalambisi.
INdumiso 86:11 ukufunda inyaniso intliziyo
Ingqina elinyanisekileyo alibuthethi ubuxoki,
kodwa ke lona elixokayo liphuphuma lulwimi.
IZAFOBE 14:5 ukuxoka inyaniso
Uze ungabulali, uze ungakrexezi, uze ungebi, uze ungangqini buxoki, beka uyihlo nonyoko, uze umthande ummelwane wakho kanye ngale ndlela uzithanda ngayo nawe.
UMATEWU 19:18b-19 umthetho uthando usapho
UNdikhoyo uyamcaphukela umntu oxokayo,
kodwa uyakholiswa ngonyanisekileyo.
IZAFOBE 12:22 ukuxoka ukuthetha ukunyaniseka
Ngamana ke uNdikhoyo uThixo wethu waba nathi kwanjengokuba wayenabo noobawo; ngamana akangesishiyi okanye asilahle.
1 YOOKUMKANI 8:57 ukusondela usapho