Iivesi zeBhayibhile malunga nomonde

«»

• Umntu onomonde uba nengqiqo;
  kambe ke yena ocaphuka msinya usuka enze ubudenge.
  IZAFOBE 14:29ubulumkoukuqondaumsindo
• Uthando lunomonde, lunobubele. Uthando alunamona, alugwagwisi, lungakhukhumali. Uthando alugezi, alufuni okukokwalo, alunachuku, alunanzondo.
  1 KWABASEKORINTE 13:4-5uthandoumsindoukuzingca
• Vuyani, ninethemba nje, ninyamezele ezimbandezelweni zenu, nithandaze ningayeki.
  KWABASEROMA 12:12uvuyoumthandazo
• Nihlale nithobekile ngawo onke amaxesha, ninobulali nomonde, ninyamezelana ngothando.
  KWABASE-EFESE 4:2uthandoukuthobeka
• Kodwa ke into esingayiboniyo, esithembe ukuyifumana, siyilindela ngomonde.
  KWABASEROMA 8:25thembelaithemba
• Masingadinwa ke kukwenza okulungileyo. Kuba xa sizingisa, lode lifike ixesha lokuvuna.
  KUMAGALATI 6:9ubulungisaibuyiseloukuvuna
• Onomonde ulungile kunegorha;
  olawula umsindo wakhe ungcono kunothimba isixeko.
  IZAFOBE 16:32uxoloukuzibamba
• Zola phambi koNdikhoyo, ulindele kuye,
  ungazidubi ngabantu abaphumelela ngamaqhinga.
  INdumiso 37:7ukunyanisekaubomi
• Thembela kuNdikhoyo; yomelela, ube nesibindi!
  Ewe, thembela kuNdikhoyo wena!
  INdumiso 27:14thembelaisibindi
• Zolani nina; uNdikhoyo uza kunilwela!
  EYEMFUDUKO 14:14ukuxhomekekaukukhuselwa
• Ke iNkosi ayikubambezeli ukuzalisekiswa kwesithembiso esenzileyo, njengoko abanye baba kunjalo. Nto nje ininyamezele kuba ingafuni kutshabalale mntu. Koko ifuna wonke ubani afumane ithuba lokuguquka.
  2 KAPETROS 3:9usindisouguquloinguquko
• Ningabantu bakaThixo abanyuliweyo abathandiweyo nina, abakhe ngenkqu. Ngoko ke nxibani ezifanele abakhe: inceba, ububele, ukuthobeka, ubulali, nomonde.
  KWABASEKOLOSE 3:12ukuthobekaubulaliuvelwano
• Wanga ke uThixo, osinika unyamezelo nenkuthazo, anganenza nibe moya mnye ngokwentando kaKrestu Yesu.
  KWABASEROMA 15:5uluntuukhuthazoumthuthuzeli
• Kaloku yeyomzuzwana ingqumbo yakhe;
  ukanti buhlala buhlel' ububele bakhe.
  Ewe, zibakho zon' iinzingo ebusuku,
  kodwa kusasa kuba yimincili yodwa.
  INdumiso 30:5uthandousizi
• Uyawuva umthandazo wam, Ndikhoyo, kwakusasa:
  kwakusasa ndizibika kuwe, ndilinde impendulo.
  INdumiso 5:3umthandazoukuphulaphula
• Kambe ke uNdikhoyo usanilindele,
  usazungula ukunibabala ngesisa.
  Kaloku yena nguThixo ongajika-jikiyo;
  hayi ithamsanqa labo bakholosa ngaye!
  UISAYA 30:18ubabaloubulungisauvelwano
• UNdikhoyo unenceba nesisa;
  uqumba kade, yimvuze-mvuze enobubele.
  INdumiso 103:8ubabalouthando
• Kodwa kungenxa yesi sizathu kanye ukuba uThixo andenzele inceba, ukuze umonde kaKrestu Yesu ubonakale ngokupheleleyo ngam. Undibizile, nangona ndingobalaseleyo nje umoni, ukuze ndibe ngumzekelo kubo bonke abasaza kukholwa kuye bafumane obona bomi bungenasiphelo.
  1 KUTIMOTI 1:16ubomi obungunaphakadeUYesu
• Ke lowo uzingisa kude kube sekupheleni wosindiswa.
  UMATEWU 24:13usindiso
• Ze nikhumbule le ndawo ke, zihlobo zam: umhla omnye kuThixo uyafana newaka leminyaka, newaka leminyaka lifana nomhla omnye.
  2 KAPETROS 3:8uThixoukuza kwesibini
• Phaphani ngoko, kuba ningàwazi umhla wokufika kweNkosi yenu.
  UMATEWU 24:42ukuza kwesibini
• Lushumayele udaba, zingisa ukuluvakalisa ngamathuba alungileyo naxakileyo. Baqononondise abantu, ukhalime, ubakhuthaze, ufundisa ngomonde.
  2 KUTIMOTI 4:2ukuvangelaisohlwayo
• Ndiyeza kwakamsinya. Yilondoloze imbo yakho. Lumka hleze ixhwilwe imbasa yakho.
  ISITYHILELO 3:11ukuza kwesibiniibuyiselo
• Ndithi sanukuzikrazula izinxibo,
  koko zisoleni kukrazuk' iintliziyo.
  Buyelani kuNdikhoyo uThixo wenu;
  kaloku yena unesisa kwanemfobe,
  uza kade umsindo,
  yimvuze-mvuze ngobubele;
  ewe, unebuyambo, akananqala.
  UJOWELI 2:13intliziyoubabalouthando
• Ithemba lelungisa liza novuyo;
  ke lona ithemba lesikhohlakali liphelel' emoyeni.
  IZAFOBE 10:28ubulungisaithembauvuyo