Tahirin-kevitra (Oktobra 2020)

Asabotsy 31 Oktobra 2020

Fa tafintohina amin'ny zavatra maro isika rehetra. Raha misy olona tsy mba tafintohina amin'ny teny, dia izy no lehilahy tanteraka ka mahafehy ny tenany rehetra koa.

Jakoba 3:2 lafatra lahateny vatana

Zoma 30 Oktobra 2020

Koa vonoy ny momba ny tenanareo izay etỳ an-tany, dia fijangajangana, fahalotoana, firehetam-po, fanirian-dratsy ary fieremana, dia fanompoan-tsampy izany.

Kolosiana 3:5 fahotana faniriana fitiavan-karena

Alakamisy 29 Oktobra 2020

Ka dia Jehovah no ho fiarovana avo ho an'ny mahantra,
ho fiarovana avo amin'ny andro fahoriana Izy.

Salamo 9:9 fiarovana filaminana

Alarobia 28 Oktobra 2020

Ary izy namaly ka nanao hoe: Tiava an'i Jehovah Andriamanitrao amin'ny fonao rehetra sy ny fanahinao rehetra sy ny herinao rehetra ary ny sainao rehetra; ary, Tiava ny namanao tahaka ny tenanao.

Lioka 10:27 lalàna fitiavana fankatoavana

Talata 27 Oktobra 2020

Fa ny zavatra rehetra eo amin'izao tontolo izao, dia ny filan'ny nofo sy ny filan'ny maso ary ny rehaka momba izao fiainana izao, dia tsy avy amin'ny Ray, fa avy amin'izao tontolo izao ihany.

1 Jaona 2:16 faniriana mpidoroka fiavonavonana

Alatsinainy 26 Oktobra 2020

Aoka ny masonao hijery mahitsy,
Ary ny hodimasonao hibanjina eo anoloanao.

Ohabolana 4:25 fanaovana ny marina fitokisana rariny

Alahady 25 Oktobra 2020

Mahonòna tena, miambena: fa ny devoly fahavalonareo mandehandeha tahaka ny liona mierona mitady izay harapany.

1 Petera 5:8 faniriana fanenjehana fandresena

Asabotsy 24 Oktobra 2020

Tsy fantatrareo va fa tempolin'Andriamanitra ianareo, ary ny Fanahin'Andriamanitra mitoetra no anatinareo?

1 Korintiana 3:16 fahamasinana Fanahy Masina Fanahy

Zoma 23 Oktobra 2020

Tahaka ny diera mihanahana maniry ny rano
an'ony no anirian'ny fanahiko Anao, Andriamanitra ô.

Salamo 42:1 Andriamanitra faniriana

Alakamisy 22 Oktobra 2020

Izay tsy nahalala ota dia efa nataony ota hamonjy antsika, mba ho tonga fahamarinan'Andriamanitra ao aminy kosa isika.

2 Korintiana 5:21 fahotana rariny mpanelanelana

Raha mihaino tsara ny feon'i Jehovah Andriamanitrao ianao ka mitandrina hanaraka ny didiny rehetra, izay andidiako anao anio, dia hasandratr'i Jehovah Andriamanitrao ho ambonin'ny firenena rehetra amin'ny tany ianao.

Deotoronomia 28:1 lalàna fankatoavana fitahiana

Talata 20 Oktobra 2020

Fa eo imasonao ny arivo taona dia toy ny fandalon'ny omaly,
Ary tahaka ny fotoam-piambenana iray amin'ny alina.

Salamo 90:4 Andriamanitra fiainana mahatakatra

Alatsinainy 19 Oktobra 2020

Koa amin'izany, raha manao fiantrana ianao, aza mba mitsoka trompetra eo aloanao tahaka ny fanaon'ny mpihatsaravelatsihy eo amin'ny synagoga sy eny an-dalambe mba hankalazan'ny olona azy. Lazaiko aminareo marina tokoa fa efa azony ny valim-pitiany.

Matio 6:2 fanetren-tena valisoa manomeza

Alahady 18 Oktobra 2020

Fa tahaka ny tena iray ihany, anefa maro no momba ny tena, ary ireo rehetra momba ny tena ireo, na dia maro aza, dia tena iray ihany, dia tahaka izany koa Kristy.

1 Korintiana 12:12 vatana fiaraha-monina fiangonana

Asabotsy 17 Oktobra 2020

Soa ny teny aloaky ny vavan'ny hendry;
fa ny molotry ny adala kosa mitelina ny tenany.

Mpitoriteny 10:12 lahateny fahendresena

Zoma 16 Oktobra 2020

Izaho tsy mangataka aminao mba hampiala azy amin'izao tontolo izao, fa ny mba hiaro azy amin'ny ratsy.

Jaona 17:15 filaminana mpanelanelana faharatsiana

Alakamisy 15 Oktobra 2020

Fa ny fitiavam-bola no fototry ny ratsy rehetra, koa ny sasany izay fatra-pitady izany dia efa voavily niala tamin'ny finoana ka nanindrona ny tenany tamin'ny alahelo be.

1 Timoty 6:10 vola faharatsiana fitiavan-bola

Alarobia 14 Oktobra 2020

Jehovah ô, efa nandinika ahy
Hianao ka mahalala ahy.
Hianao no mahalala ny fipetrako sy ny fitsangako
Sady mahafantatra ny hevitro eny lavitra eny.

Salamo 139:1-2 mitady eritreritra mahatakatra

Talata 13 Oktobra 2020

Ho avy faingana Aho; tano mafy izay anananao, mba tsy hisy haka ny satro-boninahitrao.

Apokalypsy 3:11 fiverenana valisoa faharetana

Alatsinainy 12 Oktobra 2020

Ary tandremo izay asain'i Jehovah Andriamanitrao hotandremana handehananao amin'ny lalany hitandremanao ny lalàny sy ny didiny sy ny fitsipiny ary ny teni-vavolombelony, araka ny voasoratra ao amin'ny lalan'i Mosesy, mba hataonao lavorary avokoa izay rehetra hataonao sy izay rehetra halehanao.

1 Mpanjaka 2:3 lalàna fankatoavana fitahiana

Alahady 11 Oktobra 2020

Jehovah ô, maraina no handrenesanao ny feoko;
maraina no hivavahako aminao, ka hanandrandra aho.

Salamo 5:3 fivavahana faharetana mihaino

Asabotsy 10 Oktobra 2020

Aza manahy ny amin'ny ainareo, izay hohaninareo, na ny amin'ny tenanaren, izay hotafinareo. Fa ny aina mihoatra noho ny hanina, ary ny tena noho ny fitafiana.

Lioka 12:22b-23 ahiahy hanina fiainana

Zoma 9 Oktobra 2020

Ataovy izay efa nianaranareo sy efa noraisinareo ary efa renareo sy efa hitanareo tamiko; ary ho aminareo ny Andriamanitry ny fiadanana.

Filipiana 4:9 fiadanana mihaino mianatra

Alakamisy 8 Oktobra 2020

Ny fankahalana dia manetsika ady;
Fa ny fitiavana manarona ny ota rehetra.

Ohabolana 10:12 fitiavana hatezerana faharatsiana

Alarobia 7 Oktobra 2020

Fa Izaho Jehovah Andriamanitrao
no mitantana ny tananao ankavanana,
dia ilay manao aminao hoe:
Aza matahotra, Izaho no hamonjy anao.

Isaia 41:13 Andriamanitra tahotra fiankinan-doha

Talata 6 Oktobra 2020

Mitandrema ianareo; fa raha manota ny rahalahinao, dia teneno mafy izy, ka raha mibebaka izy, dia mamelà ny helony. Ary raha manota aminao impito indray andro izy, ary mivalo aminao impito kosa manao hoe; Mibebaka aho, dia mamelà ny helony.

Lioka 17:3-4 fahotana famerim-berenana famelàn-keloka

Alatsinainy 5 Oktobra 2020

Isaorana anie ny Tompo
Izay mitondra ny entan-tsika isan'andro isan'andro,
eny, Andriamanitra Izay famonjena antsika.

Salamo 68:19 fiankohofana fiankinan-doha famonjena

Alahady 4 Oktobra 2020

Ny anankiray manao ny andro anankiray ho mihoatra noho ny andro sasany; ary ny anankiray kosa manao ny andro rehetra hitovy. Aoka samy hatoky tsara ao amin'ny sainy avy izy.

Romana 14:5 fankatoavana fahendresena manaraka