Gcina (Okthoba 2020)

2020 Okthoba 31, Mgqibelo

Sonke ngabanye siyayenza impazamo amaxesha ngamaxesha. Ke yena umntu ongaphazamiyo ekuthetheni ugqibelele, uyakwazi ukuzilawula ngokupheleleyo.

EKAYAKOBI 3:2 ngokungenatyala ukuthetha umzimba

2020 Okthoba 30, Lwesihlanu

Ngoko ke yitshitshiseni iphele kuni imikhwa yeli hlabathi: ukurheletya, ukungcola, ukutshiseka, iinkanuko, nokunyoluka okukwalunqulo-zithixo.

KWABASEKOLOSE 3:5 isono iminqweno ukuthanda izinto eziphathekayo

2020 Okthoba 29, Lwesine

NguNdikhoyo inqaba yokuzimela abacinezelwayo;
nguye ikhusi ngamaxesha eembandezelo.

INdumiso 9:9 ukukhuselwa ukhuseleko

Ke yena wathi: “Kuthiwa: ‘Uze uyithande iNkosi uThixo wakho ngentliziyo yakho iphela, nangomphefumlo wakho uphela, nangamandla akho ephela, nangengqondo yakho iphela; umthande ummelwane wakho kanye ngale ndlela uzithanda ngayo nawe.’ ”

ULUKA 10:27 umthetho uthando ukuthobela

2020 Okthoba 27, Lwesibini

Kaloku zonke izinto zeli hlabathi – iinkanuko zesimo esonakeleyo, ukubawa, namagugu obu bomi – aziveli kuThixo, koko zizinto zeli hlabathi.

1 KAYOHANE 2:16 iminqweno ukuba likhoboka ikratshi

2020 Okthoba 26, Mvulo

Makathi ntshoo phambili amehlo akho,
neenkophe zamehlo akho zithi ngqo.

IZAFOBE 4:25 ukunyaniseka ukuthembeka ubulungisa

2020 Okthoba 25, Cawe

Hlalani nithe qwa, nilumke! Kaloku ummangaleli wenu umtyholi ugquma njengengonyama. Uyajikeleza; uzingela umntu angamqwengayo.

1 KAPETROS 5:8 iminqweno intshutshiso ukoyisa

2020 Okthoba 24, Mgqibelo

Anazi na ukuba nina niyindlu kaThixo? Anazi na ukuba uMoya kaThixo uhlala ngaphakathi kwenu?

1 KWABASEKORINTE 3:16 ubungcwele uMoya oyiNgcwele Umoya

2020 Okthoba 23, Lwesihlanu

Njengenxala elikhothekileyo kukunxanwa
nam ndikwanjalo ukukulangazelela wena, Thixo.

INdumiso 42:1 uThixo iminqweno

2020 Okthoba 22, Lwesine

Nangona wayengenasono uKrestu, kodwa ngenxa yethu, uThixo wamenza wanenxaxheba kwisono sethu, ukuze thina sithi ngokumanywa naye sibe nenxaxheba ebulungiseni bukaThixo.

2 KWABASEKORINTE 5:21 isono ubulungisa umlamli

2020 Okthoba 21, Lwesithathu

Ke ukuba ulithobele ilizwi likaNdikhoyo uThixo wakho, wayenza ngononophelo imiyalelo endikunika yona namhlanje, uNdikhoyo uya kukuphakamisa kunazo zonke izizwe zehlabathi.

UHLAZIYO-MNQOPHISO 28:1 umthetho ukuthobela intsikelelo

2020 Okthoba 20, Lwesibini

Linjengemini enye iwaka leminyaka kuwe,
lona liyafana nemini yezolo,
lifutshane okwexesha labalindi ebusuku.

INdumiso 90:4 uThixo ubomi ukuqonda

2020 Okthoba 19, Mvulo

Ke ngoko, xa sukuba usipha ihlwempu, uze ungemi phezu kwendlu umemeze, njengokuba besenjenjalo abahanahanisi ezindlwini zesikhungo nasezitalatweni, ukuze banconywe ngabantu. Inene, sebewufumene umvuzo wabo.

UMATEWU 6:2 ukuthobeka ibuyiselo ukupha

2020 Okthoba 18, Cawe

UKrestu unjengomzimba, wona unamalungu amaninzi, kodwa ube wona umnye.

1 KWABASEKORINTE 12:12 umzimba uluntu icawa

2020 Okthoba 17, Mgqibelo

Anendili amazwi aphuma emlonyeni wesilumko,
ukanti ke sona isityhakala sizitshabalalisa ngemilebe yaso.

AMAVA ENGQONDI 10:12 ukuthetha ubulumko

2020 Okthoba 16, Lwesihlanu

Anditsho ukuba ubasuse ehlabathini, koko ndicela ukuba ubakhusele kongendawo.

UYOHANE 17:15 ukhuseleko umlamli ububi

2020 Okthoba 15, Lwesine

Ukuthanda imali yingcambu yazo zonke iintlobo zobubi. Abanye bathe ngokusukelana nayo bahola elukholweni, baza bayingxwelerha imiphefumlo yabo ngeenzingo.

1 KUTIMOTI 6:10 imali ububi ukubawa

2020 Okthoba 14, Lwesithathu

Ewe, Ndikhoyo, undigoca-gocile, uyandazi.
Wena undazi ukusuka nokuhlala;
iingcamango zam uziqonda zingekaveli.

INdumiso 139:1-2 ukufuna iingcamango ukuqonda

2020 Okthoba 13, Lwesibini

Ndiyeza kwakamsinya. Yilondoloze imbo yakho. Lumka hleze ixhwilwe imbasa yakho.

ISITYHILELO 3:11 ukuza kwesibini ibuyiselo umonde

2020 Okthoba 12, Mvulo

Ungaphazami ukuhamba ngokwesimiso sikaNdikhoyo uThixo wakho. Hamba endleleni yakhe, uyithobele imimiselo nemithetho yakhe, nayo yonke imigaqo nemiqathango ayimisileyo, njengoko yabhalwayo emthethweni kaMosis. Xa usenjenjalo ke, uya kuba nenkqubela kuyo yonke into oyenzayo, uphumelele naphi na apho ukhoyo.

1 YOOKUMKANI 2:3 umthetho ukuthobela intsikelelo

2020 Okthoba 11, Cawe

Uyawuva umthandazo wam, Ndikhoyo, kwakusasa:
kwakusasa ndizibika kuwe, ndilinde impendulo.

INdumiso 5:3 umthandazo umonde ukuphulaphula

2020 Okthoba 10, Mgqibelo

Musani ukubuxhalela ubomi benu, nisithi notya ntoni na; ningawuxhaleli nomzimba wenu, nisithi nonxiba ntoni na. Ubomi bungaphezulu kunokutya, nomzimba ungaphezulu kunesinxibo.

ULUKA 12:22b-23 ukukhathazeka ukutya ubomi

2020 Okthoba 9, Lwesihlanu

Zenzeni zonke izinto enazivayo nezo nazibonela kum, amazwi kwanezenzo. Ke uThixo onika uxolo uya kuba nani.

KWABASEFILIPI 4:9 uxolo ukuphulaphula ukufunda

2020 Okthoba 8, Lwesine

Intiyo iphembelela ingxabano;
ke lona uthando luyazingcwaba zonke izono.

IZAFOBE 10:12 uthando umsindo ububi

2020 Okthoba 7, Lwesithathu

Mna ndinguNdikhoyo, uThixo wakho;
ndokugcina ndikomeleze,
ndithi kuwe: ‘Sukuphaphazela, ndiza kukunceda.’

UISAYA 41:13 uThixo uloyiko ukuxhomekeka

2020 Okthoba 6, Lwesibini

Ukuba uwenu uthe wakona, mkhalimele; ke ukuba uthe wazohlwaya, mxolele. Nokuba uthe wakona kasixhenxe ngemini, waza wabuyela kuwe kasixhenxe ngemini, esithi: ‘Ndiv' intw' embi, ndixolele;’ wena uze umxolele.

ULUKA 17:3b-4 isono inguquko uxolelo