Oktobra 2025

Ny voaloham-pahendrena dia izao: Mahazoa fahendrena;
Eny, lanio ny fanananao rehetra hamidy fahalalana tsara.

Alakamisy 30 Oktobra 2025

Mba ho tahaka ny nanjakan'ny ota tao amin'ny fahafatesana no hanjakan'ny fahasoavana kosa amin'ny fahamarinana ho fiainana mandrakizay amin'ny alalan'i Jesosy Kristy Tompontsika.

Romana 5:21 fahotana fahasoavana fiainana mandrakizay

Alarobia 29 Oktobra 2025

Fa raha tsy mamela ny fahadisoan'ny olona ianareo, dia tsy hamela ny fahadisoanareo ny Rainareo.

Matio 6:15 famelàn-keloka fahotana Ray

Talata 28 Oktobra 2025

Ary mamelà ny helokay tahaka
ny namelanay izay meloka taminay.

Matio 6:12 trosa famelàn-keloka fivavahana

Alatsinainy 27 Oktobra 2025

Mitodiha, ka mibebaha amin'ny fahadisoanareo rehetra, dia tsy ho tonga fahatafintohinana mahameloka anareo intsony izany.

Ezekiela 18:30b fiovam-po fahotana sazy

Alahady 26 Oktobra 2025

Mitoria ny teny, mazotoa, na amin'ny fotoana, na tsy amin'ny fotoana, mandrese lahatra, mamporisiha, mananara mafy amin'ny fahari-po sy ny fampianarana rehetra.

2 Timoty 4:2 fitoriana ny filazantsara sazy faharetana

Asabotsy 25 Oktobra 2025

Niandry an'i Jehovah aho; eny, niandry Azy ny fanahiko,
Ary ny teniny no nanantenako.

Salamo 130:5 fanantenana Tenin'Andriamanitra aina

Zoma 24 Oktobra 2025

Lazaiko aminareo fa misy fifaliana toy izany eo anatrehan'ny anjelin'Andriamanitra ny amin'ny mpanota iray izay mibebaka.

Lioka 15:10 fifaliana anjely famerim-berenana

Alakamisy 23 Oktobra 2025

Fa fahafatesana no tambin'ny ota; ary fiainana mandrakizay no fanomezam-pahasoavana avy amin'Andriamanitra ao amin'i Kristy Jesosy Tompontsika.

Romana 6:23 fahotana fiainana mandrakizay valisoa

Alarobia 22 Oktobra 2025

Miderà an'i Jehovah, fa tsara Izy:
Fa mandrakizay ny famindram-pony.

1 Tantara 16:34 fitokisana fiankohofana fankasitrahana

Talata 21 Oktobra 2025

Ary izao no fanambarany: Fiainana mandrakizay no omen'Andriamanitra antsika, ary ao amin'ny Zanany izany fiainana izany.

1 Jaona 5:11 fiainana mandrakizay Jesosy

Alatsinainy 20 Oktobra 2025

Fa tahaka ny nanaovana ny maro ho mpanota noho ny tsi-fanarahan'ny olona iray, no hanaovana ny maro ho marina kosa noho ny fanarahan'ny Anankiray.

Romana 5:19 rariny fankatoavana famonjena

Alahady 19 Oktobra 2025

Handry amin'ny fiadanana aho, ka dia hatory miaraka amin'izay,
satria Hianao, Jehovah ô, no mampitoetra ahy mitokana irery tsy manana ahiahy.

Salamo 4:8 filaminana fitsaharana fiadanana

Asabotsy 18 Oktobra 2025

Ary izy namaly ka nanao hoe: Tiava an'i Jehovah Andriamanitrao amin'ny fonao rehetra sy ny fanahinao rehetra sy ny herinao rehetra ary ny sainao rehetra; ary, Tiava ny namanao tahaka ny tenanao.

Lioka 10:27 lalàna fitiavana fankatoavana

Zoma 17 Oktobra 2025

Ka nanao hoe: Efa tonga ny fotoana, ka efa akaiky ny fanjakan'Andriamanitra; mibebaha ianareo ka minoa ny filazantsara.

Marka 1:15 fanjakana fiovam-po famerim-berenana

Alakamisy 16 Oktobra 2025

Ny fahamarinana manandratra ny firenena;
Fa ny ota kosa dia fahafaham-baraka amin'ny olona.

Ohabolana 14:34 fahotana rariny

Alarobia 15 Oktobra 2025

Koa amin'izany, satria efa nohamarinina tamin'ny finoana isika, dia aoka isika hanana fihavanana amin'Andriamanitra amin'ny alalan'i Jesosy Kristy Tompontsika.

Romana 5:1 finoana rariny fiadanana

Talata 14 Oktobra 2025

Fa hoy ny Soratra Masina: Tsy ho menatra izay rehetra mino Azy.

Romana 10:11 Tenin'Andriamanitra finoana fitokisana

Alatsinainy 13 Oktobra 2025

Andriamanitra no iderako ny teniny;
Andriamanitra no itokiako, ka tsy mba hatahotra aho;
inona no hataon'ny nofo amiko?

Salamo 56:4 fahatokisana tahotra Tenin'Andriamanitra

Alahady 12 Oktobra 2025

Ataovy izay efa nianaranareo sy efa noraisinareo ary efa renareo sy efa hitanareo tamiko; ary ho aminareo ny Andriamanitry ny fiadanana.

Filipiana 4:9 fiadanana mihaino mianatra

Asabotsy 11 Oktobra 2025

Ary aza mitsara, dia tsy hotsaraina ianareo; aza manameloka, dia tsy hohelohina ianareo; mamelà, dia mba havela ianareo.

Lioka 6:37 fitsarana famelàn-keloka

Zoma 10 Oktobra 2025

Ny tenin'Andriamanitra dia voadio avokoa;
Ampinga ho an'izay mialoka aminy Izy.

Ohabolana 30:5 fahamarinana Tenin'Andriamanitra fiarovana

Alakamisy 9 Oktobra 2025

Raha manaraka ny lalàko sy mitandrina ny didiko ianareo ka mankatò izany, dia hanome anareo ranonorana amin'ny fotoany Aho, ka hahavoka-javatra ny tany, ary hamoa ny hazo any an-tsaha.

Levitikosy 26:3-4 fankatoavana lalàna fitahiana