Gcina (Septemba 2013)

Ke nam bendingamazi, kodwa lowo wandithumayo ukuba ndibhaptize ngamanzi, nguye owathi kum: ‘Lowo ùbone uMoya esihla phezu kwakhe, ahlale kuye, nguye obhaptiza ngoMoya oyiNgcwele.’

UYOHANE 1:33 UYesu Umoya ubhaptizo

2013 Septemba 21, Mgqibelo

Xa ungazifumani izinto ozifunayo, ukhetha ukubulala; okanye xa ungafezeki umnqweno wakho, uyaxabana ulwe. Kanti ke, ungazifumani nje izinto ozifunayo, kungenxa yokuba awuziceli kuThixo.

EKAYAKOBI 4:2 isono iminqweno umthandazo

2013 Septemba 20, Lwesihlanu

Ikho indawo kowethu. Ukuba bekungenjalo ngendingàtsho ukuthi ndiya kunilungiselela indawo.

UYOHANE 14:2 UYesu UTata izulu

2013 Septemba 19, Lwesine

Ndingade ndibe naso nesiphiwo sokushumayela ngefuthe, ndinalo lonke ulwazi, ndizazi nezinto ezingàziwa mntu, ndinalo nokholo olugungqisa iintaba, kodwa ndingenalo uthando, andinto konke!

1 KWABASEKORINTE 13:2 ukholo uthando isiprofeto

2013 Septemba 18, Lwesithathu

Ekuthetheni kakhulu isono sidla ngokubakho,
kambe ke ozibambayo ekuthetheni unengqiqo.

IZAFOBE 10:19 isono ukuthetha

2013 Septemba 17, Lwesibini

Lowo uzinikelayo kuNyana kaThixo akagwetywa; kodwa lowo ungazinikeliyo selegwetyiwe, kuba engakholwa kuNyana kaThixo okuphela kwakhe.

UYOHANE 3:18 ukholo umgwebo

2013 Septemba 16, Mvulo

Sonke ngabanye siyayenza impazamo amaxesha ngamaxesha. Ke yena umntu ongaphazamiyo ekuthetheni ugqibelele, uyakwazi ukuzilawula ngokupheleleyo.

EKAYAKOBI 3:2 ngokungenatyala ukuthetha umzimba

2013 Septemba 15, Cawe

Niya kuthi ke nakumfuna uNdikhoyo uThixo wenu nikuloo meko nimfumane; ewe, ukuba nimfuna nimlangazelela ngomxhelo wenu wonke niya kumfumana.

UHLAZIYO-MNQOPHISO 4:29 uThixo ibuyiselo umphefumlo

2013 Septemba 14, Mgqibelo

Musani ukugweba, ze nani ningagwetywa nguThixo.

UMATEWU 7:1 umthetho umgwebo

2013 Septemba 13, Lwesihlanu

Ngaphezu kwazo zonke ezi zinto yongezani uthando, lona lubopha izinto zonke zibe yimbumba egqibeleleyo.

KWABASEKOLOSE 3:14 uthando uluntu ngokungenatyala

2013 Septemba 12, Lwesine

Kodwa bonke abâmamkeláyo, bezinikele kuye ngokupheleleyo, wabanika igunya lokuba ngabantwana bakaThixo.

UYOHANE 1:12 ukholo UTata abantwana

2013 Septemba 11, Lwesithathu

Indlu nganye inomakhi wayo, kodwa ke nguThixo umseki wazo zonke izinto.

KUMAHEBHERE 3:4 indalo uThixo

2013 Septemba 10, Lwesibini

Nina niya kunikwa amandla, akufika kuni uMoya oyiNgcwele, nindingqinele ebantwini baseJerusalem, nabakulo lonke elakwaJuda, nabaseSamariya, kude kuse naseziphelweni zomhlaba.

UMSEBENZI WABATHUNYWA 1:8 ukuvangela Umoya amandla

Hayi ubuhle beenyawo zesigidimi sibhijel' iintaba,
sipheth' iindaba ezimnandi,
sibhengeza sisithi: “Uxolo lufikile!
Yonk' intw' ilungile! Nal' usindiso!”
Ewe, sibhekisa kwiZiyon sisithi:
“UThixo wakho uyalawula.”

UISAYA 52:7 usindiso uxolo ubukumkani

2013 Septemba 8, Cawe

Ewe, nguwe inqaba yam nekhusi lam;
ndikhokele, undithundeze, lidunyiswe igama lakho.

INdumiso 31:3 uThixo unqulo ubomi

2013 Septemba 7, Mgqibelo

Inene, lowo umamkelayo endimthumileyo, wamkela mna; ke owamkela mna, wamkela lowo undithumileyo.

UYOHANE 13:20 ubulali UYesu uluntu

2013 Septemba 6, Lwesihlanu

Noba sewucand' emanzini,
mna ndiya kuba nawe;
noba sowuwela imilambo,
ayisoze ibe nako ukukukhukulisa;
nditsho sowucand' emlilweni, soze urhawuke;
amadangatye akanakukutshisa wena.

UISAYA 43:2 thembela ukhuthazo izithembiso

2013 Septemba 5, Lwesine

Nanjengoko zitshoyo iziBhalo ukuthi:
“Lowo unga angabudla ubomi abe nenkqubela
makazilumle ekuthetheni kakubi,
ayeke ukuthetha ubuxoki.
Makahlukane nobubi, enze okulungileyo;
makaphuthume uxolo, ahlale kulo.”

1 KAPETROS 3:10-11 uthando uxolo ubomi

2013 Septemba 4, Lwesithathu

Ndikhoyo, undinike ikhaka lokuhlanganisa,
wandixhasa ngesandla sakho esinamandla;
undibonelele ndatsho ndazimaseka.
Undimise endaweni ephangaleleyo;
azinakutyibilika kuyo iinyawo zam.

INdumiso 18:35-36 usindiso ILizwi likaThixo ukukhuselwa