Ubomi (5/6)

Kaloku nathi sinobudlelane noKrestu, xa sinamathele kwada kwasekupheleni kwisivumo sethu. KUMAHEBHERE 3:14

Kaloku nathi sinobudlelane noKrestu, xa sinamathele kwada kwasekupheleni kwisivumo sethu.
KUMAHEBHERE 3:14 ukholo thembela
Lowo woyisileyo wovatha ezimhlophe. Andisoze ndilicime igama lakhe kuludwe lwamagama abo baphilayo. Kaloku ndiya kumvuma ukuba ungowam phambi kukaBawo nezithunywa zakhe.
ISITYHILELO 3:5 ukoyisa izithembiso izulu
Ewe, umthàmbo owenzelwa ukolula amalungu omzimba unendawo yawo. Kodwa ke uphelele apho. Kanti kona ukukhonza uThixo kunenzuzo egqithileyo, kuba akuthembisi bomi balapha kuphela, kuthembisa nobelizayo.
1 KUTIMOTI 4:8 impilo ukuthobela umzimba
Hayi ke, yitya isonka sakho wonwabile, usele iwayini yakho uchwayitile entliziyweni, kuba ngoku lithuba elikholekileyo kuThixo lokuba wenze oko.
AMAVA ENGQONDI 9:7 uvuyo ukutya intliziyo
Kwinto yonke yibani ngcwele. Kaloku uThixo onibizileyo ungcwele.
Kanti ke neziBhalo zitsho ukuthi: “Yibani ngcwele, ngokuba mna ndingcwele.”
1 KAPETROS 1:15-16 ubungcwele ubizo
Linjengemini enye iwaka leminyaka kuwe,
lona liyafana nemini yezolo,
lifutshane okwexesha labalindi ebusuku.
INdumiso 90:4 uThixo ukuqonda
Kodwa kum ukuphila akubalulekanga ngaphezu kokuba ndilufeze ubizo lwam, ndiwugqibe umsebenzi endawunikwa yiNkosi wokuvakalisa iindaba ezimnandi zesisa sikaThixo.
UMSEBENZI WABATHUNYWA 20:24 ubabalo ukuvangela umsebenzi
Khumbulani ixabiso enakhululwa ngalo kwintlalo ebingento yookhokho benu. Anihlawulelwanga nganto itshitshayo, ifana nesiliva negolide. Nahlawulelwa ngegazi elixabisekileyo leXhwane elinguKrestu ongenasisihla nasiphako.
1 KAPETROS 1:18-19 UMsindisi UYesu igazi
Síthini na ke ngoko? Síhlale sihleli esonweni ukuze ubabalo lwande? Nakanye! Thina kaloku safa kuso isono. Singathini ke ukuba siqhubele phambili sisona?
KWABASEROMA 6:1-2 isono ubabalo
UBawo uSobomi wandithuma, ndaza ndangonobomi ngaye. Ngokukwanjalo othe wawutya umzimba wam uya kuba nobomi ngam.
UYOHANE 6:57 UTata UYesu ukutya
Kuba othe wathanda ukusindisa ubomi bakhe, wolahlekelwa bubo; kodwa othe wabuncama ubomi bakhe ngenxa yam, nangenxa yeendaba ezimnandi ezi, wobusindisa.
UMARKO 8:35 ukuvangela usindiso
Ndomombelel' uNdikhoyo lo gama ndisaphilayo,
ndimbong' uThixo wam lo gama ndisadl' ubomi.
INdumiso 104:33 ukucula unqulo
Umntu okhohlakeleyo makahlukane nobubi,
netshijolo maliyeke ukuyila ubutshijolo.
Maliguquke, lize kuNdikhoyo;
yena wosuka abe novelwano lilo.
Malize kuThixo wethu,
kuba yena uxolela kangangoko.
UISAYA 55:7 ubulungisa uguqulo uxolelo
Ke kaloku ndifumanise ukuba eyona nto ilungileyo nefanelekileyo ukuba umntu ayenze kukutya asele, akuxhamle enelisekile ukubulaleka kwakhe ngezi ntsukwana zimbalwa aziphiwe nguThixo apha phantsi kwelanga. Kaloku eso sisabelo sakhe.
AMAVA ENGQONDI 5:18 ukutya umsebenzi ukwamkela
Ziphatheni njengabantu abakhululekileyo. Kambe ke inkululeko leyo mayingabi lokhusi lokungcola; koko ziphatheni njengezicaka zikaThixo.
1 KAPETROS 2:16 inkululeko ububi ukukhonza
Kambe intshutshiso yomfikela nawuphi na umKrestu ofuna ukuhlala esoyika iNkosi.
2 KUTIMOTI 3:12 intshutshiso UYesu
Yonke imimiselo nemiyalelo yakhe endininike yona namhlanje yithobeleni, khon' ukuze liqaqambe ikamva lenu nezizukulwana zenu. Ngaloo ndlela ke niya kuma ngonaphakade kweli lizwe aniphe lona uNdikhoyo uThixo wenu.
UHLAZIYO-MNQOPHISO 4:40 umthetho ukuthobela intsikelelo
Waza ke uThixo wathi: “Masenze umntu abe ngumfuziselo wethu, afane nathi. Makabe negunya, alawule iintlanzi elwandle, iintaka ezibhabha esibhakabhakeni, iinkomo, nazo zonke izilo nezinambuzane elizweni.”
EYEZIQALO 1:26 indalo uThixo
Ndininika zonke izityalo ezithwala iinkozo elizweni, kunye nemithi ethwala iziqhamo. Zoba kukutya kwenu ezo zinto.
EYEZIQALO 1:29 ukutya ukuba nesiqhamo
Qondani ngamahlungulu la. Wona akahlwayeli, engavuni nokuvuna; akanasisele, engenavimba; kanti noko uThixo uyawondla! Ke nina nibeke phi na ukuxabiseka kuneentaka!
ULUKA 12:24 ukutya ukukhathazeka ixabisekile
Wanithoba eniyekela ngendlela, waza kananjalo wanipha imana, kutya oko naningakwazi, nina ngokunjalo nooyihlo-mkhulu. Le nto ke wayenza kuba efuna niqonde nazi ukuba ubomi bomntu abuxhomekanga kutyeni kuphela, koko buxhomekeke kuwo onke amazwi kaNdikhoyo.
UHLAZIYO-MNQOPHISO 8:3 ukubandezeleka ILizwi likaThixo ukutya
Masikhe siziphengulule sizigocagoce iindlela zethu,
size sibuyele kuNdikhoyo.
IZILILO 3:40 uguqulo inguquko
Ngoku nisilahlileyo isimo esidala sanukuxokisana. Kaloku ngoku nambethe isimo esitsha, athe chu kuhle ukusihlaziya uThixo, ukuze sifuze yena mdali waso, nokuze nani nimazi ngokupheleleyo.
KWABASEKOLOSE 3:9-10 ukuxoka uguqulo inguqu
Ke lowo ungowenyaniso uyeza ekukhanyeni, ukuze abonakale ngezenzo zakhe ukuba umthobele uThixo.
UYOHANE 3:21 ukukhanya inyaniso ukuthobela
Abo besimo esonakeleyo banyamekela izinto zeso simo; ibe ke abo boMoya banyamekela izinto zoMoya.
KWABASEROMA 8:5 umzimba Umoya ukuxhomekeka

Nanku ke umlomo weNkosi uNdikhoyo: Ngaba kuyandikholisa na ukufa komntu okhohlakeleyo? Hayi bo, into endikholisayo kukuba azijike iindlela zakhe, aze adle ubomi.

Funda ngokugqithisileyo...

Izihloko ezinxulumeneyo

Ukutya

Andithi kaloku uyamanelisa onxaniweyo...

UYesu

Ondele kubo, uYesu wathi...

Indalo

Ekuqaleni uThixo wadala izulu...

Ukholo

Ngenxa yoko ndithi kuni...

Uthando

Uthando lunomonde, lunobubele. Uthando...

Ubulungisa

Umntu oxunela ubulungisa nenceba...

Izihloko ezingakumbi...

Ivesi yeBhayibhile yosuku

Ndim isonka esinobomi, esihlileyo sivela ezulwini. Ukuba ubani uthe wasitya esi sonka, wophila ngonaphakade. Isonka endiya kumnika sona ngumzimba wam, endiwunikelayo ukuze ihlabathi liphile.

UYOHANE 6:51 isonka UYesu umzimba