uThixo (3/4)

Ewe, nanizimisele ukundenzakalisa, kodwa uThixo yena walijika elo yelenqe labubuhle, khon' ukuze… EYEZIQALO 50:20

Ewe, nanizimisele ukundenzakalisa, kodwa uThixo yena walijika elo yelenqe labubuhle, khon' ukuze kusinde abantu abaninzi abaphilayo ngoku ngenxa yeso senzo senu.
EYEZIQALO 50:20 ubomi ububi
Siyazi ukuba sihlala simanyene naye, naye uhlala emanyene nathi, kuba usinike isabelo soMoya wakhe.
1 KAYOHANE 4:13 Umoya ukusondela
Zingekadalwa iintaba, ungekalenzi ilizwe nehlabathi,
ubusel' ukade unguThixo wena kwanini-nini.
INdumiso 90:2 indalo ukuqonda
UNdikhoyo ngumqolomba:
bazimela kuye abalungisayo, basinde.
IZAFOBE 18:10 ukhuseleko ukukhuselwa
Ngenene uThixo uyasithamsanqela;
ngamana lamthobela ihlabathi jikelele.
INdumiso 67:7 ukumoyika uthixo intsikelelo
Nabu ke obona bomi: kukwazana nawe, wena Thixo unguye, ingabi wumbi; bazane naye lowo uthunywe nguwe, uYesu Krestu.
UYOHANE 17:3 ubomi obungunaphakade UYesu
Ewe, yithobeleni imiyalelo yam; kaloku ndinguNdikhoyo.
EYONQULO 22:31 umthetho ukuthobela
NguNdikhoyo yedwa uThixo;
nguye kuphela osikhuselayo.
INdumiso 18:31 ukuthembeka amandla
Hayi ke bethu ubukhulu bobuhandiba bukaThixo, nobunzulu bobulumko nokwazi kwakhe! Asikuko nokuba aziphengululeki izigqibo zakhe, azilandeki iindlela zakhe!
KWABASEROMA 11:33 ubulumko ukuqonda
Neengonyama ziyaswela zilambe,
kodwa abo bamfunayo uNdikhoyo akukho nto intle bayiswelayo.
INdumiso 34:10 ukufuna
Nalu ke udaba endaluva ngoNyana kaThixo, nendinixelela lona: UThixo ukukukhanya; abukho konke kuye ubumnyama.
1 KAYOHANE 1:5 isono ukukhanya
Njengenxala elikhothekileyo kukunxanwa
nam ndikwanjalo ukukulangazelela wena, Thixo.
INdumiso 42:1 iminqweno
Waphendula uYesu, wathi kubo: “Umsebenzi uThixo afuna niwenze ngulo wokuba nizinikele nikholwe kulowo uThixo amthumileyo.”
UYOHANE 6:29 ukholo UYesu
Elokuphetha ndithi njengokuba nimanywe neNkosi nje, yomelelani nincedwa ngamandla ayo.
KWABASE-EFESE 6:10 amandla ukufuna usomandla
UMoya ngokwakhe ungqinelana nathi ukuthi singabantwana bakaThixo.
KWABASEROMA 8:16 Umoya abantwana
UNdikhoyo uyabanakekela abo bamhlonelayo
nabo bathembe izibele zenceba yakhe.
INdumiso 33:18 ukuthembeka ukumoyika uthixo
Bathi bebonke bavume bengafihlisi
ukuba uYesu Krestu yiNkosi,
bebonakalisa ubungangamsha bukaThixo onguBawo.
KWABASEFILIPI 2:11 ukuthobela ukuvuma
Wonke umntu oyithobelayo imiyalelo kaThixo umanyene noThixo, noThixo uhlala kuye. Into ecacisa ukuba uThixo uhlala kuthi nguMoya lo asinike yena.
1 KAYOHANE 3:24 umthetho Umoya
Wena, Ndikhoyo, uhleli ngonaphakade;
ulawulo lwakho luhlala luhleli izizukulwana ngezizukulwana.
IZILILO 5:19 ukuthembeka ubukumkani
UThixo yena akamntu;
akaxoki, akaguqu-guquki okomntu.
Akakufezekisi na akuthembisileyo?
Akakuphumelelisi na akuthethileyo?
EYASENTLANGO 23:19 ukuthembeka izithembiso ukuxoka
Zihlobo zam ezithandekayo, xa ke uThixo asithande ngolu hlobo nathi simelwe kukuthandana.
1 KAYOHANE 4:11 uthando uluntu
Wamdala ke uThixo umntu. Wamenza wangumfuziselo wakhe. Wadala umntu oyindoda kwakunye nomntu obhinqileyo.
EYEZIQALO 1:27 indalo ubuhle
“Ikhona na indawo efihlakeleyo apho umntu angazimela khona ukuze ndingamboni?”
Lowo ngumlomo kaNdikhoyo.
“Asindim na lowo ukho ngokupheleleyo ezulwini nasemhlabeni?”
Lowo ngumlomo kaNdikhoyo.
UJEREMIYA 23:24 izulu
Sinoyolo isizwe esiThixo unguNdikhoyo,
eso asinyule sangabantu bakhe.
INdumiso 33:12 ibuyiselo intsikelelo
UThixo wazityhila kuthi ke ezi ndaba ngoMoya wakhe; kuba uMoya uphengulula zonke izinto, nobunzulu bobume bukaThixo.
1 KWABASEKORINTE 2:10 Umoya ukucwangcisa ukuqonda