Tahirin-kevitra (Febroary 2017)

Talata 28 Febroary 2017

Fa izaho, dia feo midera
no entiko mamono zavatra hatao fanatitra ho Anao,
Ary izay nivoadiako dia hefaiko;
An'i Jehovah ny famonjena.

Jona 2:10 famonjena fankasitrahana sorona

Alatsinainy 27 Febroary 2017

Raha tsy Jehovah no manao ny trano,
Dia miasa foana ny mpanao azy.
Raha tsy Jehovah no miambina ny tanàna,
Dia miari-tory foana ny mpiambina.

Salamo 127:1 Andriamanitra fiankinan-doha asa

Alahady 26 Febroary 2017

Mifalia amin'ny fanantenana; miareta amin'ny fahoriana; mahareta amin'ny fivavahana.

Romana 12:12 fifaliana fivavahana faharetana

Asabotsy 25 Febroary 2017

Tsy manana fifaliana mihoatra noho izao aho, dia ny andrenesako fa mandeha araka ny fahamarinana ny zanako.

3 Jaona 1:4 fifaliana fahamarinana zaza

Mamiko indrindra Hianao, Jehovah Heriko ô.
Jehovah no harambatoko sy batery fiarovana ho ahy ary Mpamonjy ahy;
Andriamanitro, vatolampy ialofako,
sy ampingako ary tandroka famonjena ahy sy fiarovana avo ho ahy.

Salamo 18:1-2 famonjena tanjaka mpanafaka

Alakamisy 23 Febroary 2017

Ary Izy namaly ka nanao hoe: Tsy mbola novakinareo va ny teny, fa Izay nahary azy tamin'ny voalohany dia nahary azy ho lahy sy vavy, ka dia nanao hoe: Ary noho izany ny lehilahy dia handao ny rainy sy ny reniny ka hikambana amin'ny vadiny; ary dia ho nofo iray ihany izy roroa? ka dia tsy roa intsony izy, fa nofo iray ihany. Koa amin'izany, izay nampiraisin'Andriamanitra dia aoka tsy hampisarahin'olona.

Matio 19:4-6 fanambadiana firaisana ara-nofo famoroana izao tontolo izao

Alarobia 22 Febroary 2017

Fa izao no lazain'i Jehovah amin'ny taranak'Isiraely; Tadiavo Aho, dia ho velona ianareo.

Amosa 5:4 mitady fiainana

Talata 21 Febroary 2017

Ary rehefa re izany rehetra izany, dia izao no faran'ny teny: Andriamanitra no atahory, ary ny didiny no tandremo, fa izany no tokony hataon'ny olona rehetra.

Mpitoriteny 12:13 fanajana lalàna fiainana

Alatsinainy 20 Febroary 2017

Tsy mbola nisy olona nahita an'Andriamanitra na oviana na oviana. Raha mifankatia isika, dia mitoetra ato amintsika Andriamanitra, ary tanteraka ato amintsika ny fitiavany.

1 Jaona 4:12 fitiavana Andriamanitra manaraka

Alahady 19 Febroary 2017

Koa mitafia famindram-po sy fiantrana,, fahamoram-panahy, fanetren-tena, fahalemem-panahy, fandeferana, araka ny olom-boafidin'Andriamanitra sady masina no malala.

Kolosiana 3:12 fanetren-tena fahamoram-panahy faharetana

Asabotsy 18 Febroary 2017

Hanome anao araka ny fonao anie
Izy ary hahatanteraka ny fisainanao rehetra.

Salamo 20:4 fandrindrana fitahiana fo

Zoma 17 Febroary 2017

Ary mananatra anareo aho, ry rahalahy, amin'ny anaran'i Jesosy Kristy Tompontsika, mba hiray teny ianareo rehetra, ka tsy hisy fisarahana eo aminareo, fa mba ho tafakambana tsara ianareo hiray saina sy hevitra.

1 Korintiana 1:10 fiaraha-monina ankohonana fiovana

Alakamisy 16 Febroary 2017

Miverena ianao, ry Isiraely mpiodina, hoy Jehovah;
Tsy hampanjombona ny tavako aminareo Aho;
Fa mamindra fo Aho, hoy Jehovah,
ka tsy hitahiry fahatezerana mandrakizay.

Jeremia 3:12b famindram-po hatezerana famelàn-keloka

Alarobia 15 Febroary 2017

Indro, ny mason'i Jehovah mitsinjo izay matahotra Azy,
dia izay manantena ny famindram-pony.

Salamo 33:18 fitokisana Andriamanitra fanajana

Talata 14 Febroary 2017

Aza avela hisy tsy voaloa na amin'iza na amin'iza, afa-tsy ny fifankatiavanareo ihany; fa izay tia ny namany dia efa nahatanteraka ny lalàna.

Romana 13:8 lalàna fitiavana trosa

Alatsinainy 13 Febroary 2017

Mitandrema ianareo, fandrao mahavery izay namonoanay tena, fa mba handraisanareo valim-pitia tanteraka.

2 Jaona 1:8 valisoa fifehezan-tena asa

Alahady 12 Febroary 2017

Ny fahitsian'ny mahitsy no mitarika azy;
Fa ny faharatsian'ny mpivadika mahatonga fandringanana amin'ny tenany.

Ohabolana 11:3 fitokisana fanaovana ny marina

Asabotsy 11 Febroary 2017

Fa izay miandry an'i Jehovah dia mandroso hery kosa;
Elatra no hiakarany tahaka ny voromahery;
Hihazakazaka izy, nefa tsy ho sasatra;
Handeha izy, nefa tsy ho reraka.

Isaia 40:31 fanantenana fankaherezana tanjaka

Zoma 10 Febroary 2017

Lazaiko aminareo fa misy fifaliana toy izany eo anatrehan'ny anjelin'Andriamanitra ny amin'ny mpanota iray izay mibebaka.

Lioka 15:10 fifaliana anjely famerim-berenana

Alakamisy 9 Febroary 2017

Ry Jehovah, Andriamanitry ny maro ô, ampodio izahay;
ampamirapirato ny tavanao, ary aoka hovonjena Izahay.

Salamo 80:19 famonjena fiankinan-doha andriamanitra lehibe

Alarobia 8 Febroary 2017

Kanefa hoy Izaho aminareo izay mihaino: Tiava ny fahavalonareo; manaova soa amin'izay mankahala anareo; misaora izay manozona anareo, ary mivavaha ho an'izay manisy ratsy anareo.

Lioka 6:27-28 fankatoavana fitahiana fivavahana

Talata 7 Febroary 2017

Ary ny Tompon'ny fiadanana anie hanome anareo fiadanana mandrakariva amin'ny zavatra rehetra. Ho aminareo rehetra anie ny Tompo.

2 Tesaloniana 3:16 fiadanana manodidina

Alatsinainy 6 Febroary 2017

Zaro amin'izay lalana tokony halehany ny zaza,
Ka na rehefa antitra aza izy, dia tsy hiala amin'izany.

Ohabolana 22:6 rariny ankohonana zaza

Alahady 5 Febroary 2017

Ny olona tsara fanahy dia mamoaka ny tsara avy amin'ny rakitra tsaran'ny fony; ary ny ratsy fanahy kosa dia mamoaka ny ratsy; fa amin'ny haben'ny ao am-pony no itenenan'ny vavany.

Lioka 6:45 fahotana lahateny fitahiana