2015 Janyuwari 31, Mgqibelo
“Kaloku zisekuhleni kum izicwangciso zam ngani zokuba ndininike intlala-kahle ingabi bububi, ndinidalele ikamva nethemba.” Lowo ngumlomo kaNdikhoyo.2015 Janyuwari 30, Lwesihlanu
Ndiyambongoza ukuba ngobubele bakhe uSosidima anomeleze imo yenu entsha ngoMoya wakhe, khon' ukuze ngokholo uKrestu ahlale ngaphakathi kuni. Nanga ningasekelwa eluthandweni nendele.2015 Janyuwari 29, Lwesine
NguNdikhoyo ixhadi lakho lakubhek' umoya;ewe, uya kukwalusa ungachukunyiswa nto.
Ngenene, uNdikhoyo uya kukwalusa,
xa uhambayo naxa ubuyayo,
kuqalela ngoku kude kube nini-nini.
2015 Janyuwari 28, Lwesithathu
Thandanani ngokwabazalanayo. Shiyiselanani ngokwenzelana imbeko.2015 Janyuwari 27, Lwesibini
Ziphicotheni zonke izinto, nize ninyamekele leyo ilungileyo. Nayiphi na into embi yityesheleni.2015 Janyuwari 26, Mvulo
Sendingxamile, andisayi kulibazisa;ndozithobela iziyalo zakho.
2015 Janyuwari 25, Cawe
Wanga ke uThixo, osinika unyamezelo nenkuthazo, anganenza nibe moya mnye ngokwentando kaKrestu Yesu.2015 Janyuwari 24, Mgqibelo
Umyalelo endiniyala ngawo ngowokuba nithandane njengoko mna ndanithandayo.2015 Janyuwari 23, Lwesihlanu
Ekuqaleni uThixo wadala izulu nomhlaba. Kwakuselubala nje emhlabeni, kungekho nto ikhoyo. Inzonzobila yamanzi eyayigubungele konke yayithiwe gqume sisithokothoko sobumnyama. UMoya kaThixo wafukama phezu kwaloo manzi.2015 Janyuwari 22, Lwesine
Vuyani, ninethemba nje, ninyamezele ezimbandezelweni zenu, nithandaze ningayeki.2015 Janyuwari 21, Lwesithathu
Soze ndiyityeshele imimiselo yakho,kuba ndibufumana kuyo ubomi.
2015 Janyuwari 20, Lwesibini
Kananjalo isibane asilunyekwa siqutyudelwe ngethunga; koko sixhonywa endaweni yaso, sikhanyisele bonke abasendlwini. Makukhanye ngokukwanjalo ukukhanya kwenu phambi kwabantu, ukuze bayibone imisebenzi yenu elungileyo, bamdumise uYihlo osezulwini.2015 Janyuwari 19, Mvulo
Ukuba uyazithoba, umhlonela uNdikhoyo,uya kuxhamla ubutyebi, isidima, nobomi.
2015 Janyuwari 18, Cawe
Nazi ke zona iziqhamo zoMoya: luthando, novuyo, noxolo; umonde, ububele, ukulunga, nentembeko; ubulali, nokuzeyisa. Awukho ke umthetho ochasa izinto ezinjengezi.2015 Janyuwari 17, Mgqibelo
Ewe, Ndikhoyo, bobakho bonke ubukhulu ndawonye namandla;naso isidima sikwasesakho, ubungangamsha nobunewu-newu.
Kaloku zezakho zonke ezisezulwini,
kanti nezisemhlabeni ikwazezakho.
Ewe, Ndikhoyo, lolwakho ulawulo;
uyingqanga-ngqanga evelele konke jikelele.
2015 Janyuwari 16, Lwesihlanu
UThixo unguMoya; abo ke bamnqulayo kufuneka bamnqule ngoMoya benyanisekile.2015 Janyuwari 15, Lwesine
Linjengemini enye iwaka leminyaka kuwe,lona liyafana nemini yezolo,
lifutshane okwexesha labalindi ebusuku.
2015 Janyuwari 14, Lwesithathu
Ubabalo lweNkosi uYesu Krestu maluhlale nani nonke.2015 Janyuwari 13, Lwesibini
Ngoko ke, nokuba ndihamba kwiingxondorha ezimnyama,andinadyudyu.
Kaloku ungakum, wena Ndikhoyo;
isagweba sakho nebhunguza lakho lixhadi lam.
2015 Janyuwari 12, Mvulo
Egameni leNkosi yethu uYesu Krestu ndiyanibongoza, mawethu, ukuba nivane, nithethe nto-nye, kungabikho zimbambano phakathi kwenu. Manyanani nibe luqilima, nimxhelo mnye, ninazimvo zinye.2015 Janyuwari 11, Cawe
Zingekadalwa iintaba, ungekalenzi ilizwe nehlabathi,ubusel' ukade unguThixo wena kwanini-nini.
2015 Janyuwari 10, Mgqibelo
Kuba iziBhalo zithi:“Ndingophilayo nje, itsho iNkosi, aya kugoba kum onke amadolo,
zimdumise uThixo zonke iilwimi.”
2015 Janyuwari 9, Lwesihlanu
Amazulu abalisa ngobungangamsha bukaThixo,nesibhakabhaka sixela umsebenzi wezandla zakhe.
Imini ixelela imin' elandelayo,
nobusuku bubikela ubusuk' obulandelayo.
2015 Janyuwari 8, Lwesine
Nangona uThixo engazanga wabonwa mntu nje, uhlala emanyene nathi ukuba siyathandana, luthi nothando lwakhe luyondelelane kuthi.2015 Janyuwari 7, Lwesithathu
Musani ukuba natyala lanto mntwini, lingelilo elokuthandana. Kaloku omthandayo omnye uwuthobele ngokupheleleyo umthetho.2015 Janyuwari 6, Lwesibini
Ungaphazami ukuhamba ngokwesimiso sikaNdikhoyo uThixo wakho. Hamba endleleni yakhe, uyithobele imimiselo nemithetho yakhe, nayo yonke imigaqo nemiqathango ayimisileyo, njengoko yabhalwayo emthethweni kaMosis. Xa usenjenjalo ke, uya kuba nenkqubela kuyo yonke into oyenzayo, uphumelele naphi na apho ukhoyo.2015 Janyuwari 5, Mvulo
Kaloku isiqhamo sokumelana nezilingo ngokholo lunyamezelo.2015 Janyuwari 4, Cawe
Ukunyaniseka kuyamalusa umntu othe ngqo,kodwa ke bona ubuqhokolo buyawabhangisa amaqhophololo.
2015 Janyuwari 3, Mgqibelo
Liya kuhlokoma ilizwi lesiphatha-zithunywa, sivakale nesandi sexilongo likaThixo, ize iNkosi ngokwayo ihle ezulwini. Bothi abo bafa bemanywe noKrestu bavuke kuqala, nathi ke baya kuba besaphila ngelo xesha sixhwilwe sidibane nabo emafini, size sihlangane neNkosi esibhakabhakeni. Ke siya kuhlala neNkosi njalo-njalo.2015 Janyuwari 2, Lwesihlanu
Kufuneka incwadi yomthetho ikukhokele kuyo yonke into oyithethayo. Uze uyifunde uyigocagoce ubusuku nemini, uzazi uzithobele izinto ezibhaliweyo kuyo. Xa wenjenjalo woba nenkqubela nempumelelo.2015 Janyuwari 1, Lwesine
Wanga angakunika umnqweno wentliziyo yakho,aziphumelelise zonk' iinquleqhu zakho.
Izihloko ezinxulumeneyo
Uthando
Uthando lunomonde, lunobubele. Uthando...
Ithemba
“Kaloku zisekuhleni kum izicwangciso...
Ukholo
Ngenxa yoko ndithi kuni...
Usapho
Le miyalelo ndikunika yona...
Unqulo
Ndikhoyo, wena unguThixo wam...
Umthandazo
Vuyani maxa onke, nithandaze...
Ivesi yeBhayibhile yosuku
Onomonde ulungile kunegorha;olawula umsindo wakhe ungcono kunothimba isixeko.