Tahirin-kevitra (Oktobra 2024)

Ary raha mitsangana mivavaka ianareo, ka misy olona anananareo alahelo, dia mamelà ny helony, mba havelan'ny Rainareo Izay any an-danitra kosa ny helokareo.

Marka 11:25 fivavahana famelàn-keloka Ray

Talata 22 Oktobra 2024

Ny fireharehan'ny fon'ny olona mialoha ny fahasimbana;
Fa ny fanetren-tena kosa mialoha ny voninahitra.

Ohabolana 18:12 fanetren-tena fiavonavonana

Alatsinainy 21 Oktobra 2024

Tahaka ny ampalahelovina, nefa faly mandrakariva; tahaka ny malahelo, nefa mampanan-karena ny maro; tahaka ny tsy manana na dia kely akory aza, nefa manana ny zavatra rehetra.

2 Korintiana 6:10 fisaonana fifaliana vola

Alahady 20 Oktobra 2024

Fa raha velona isika, dia velona ho an'ny Tompo; ary raha maty isika, dia maty ho an'ny Tompo; koa amin'izany, na velona na maty isika, dia an'ny Tompo ihany.

Romana 14:8 fahafatesana fiainana

Asabotsy 19 Oktobra 2024

Sambatra izay rehetra matahotra an'i Jehovah,
Dia izay mandeha amin'ny lalany.

Salamo 128:1 fankatoavana fanajana fanarahana

Zoma 18 Oktobra 2024

Tsy manana fifaliana mihoatra noho izao aho, dia ny andrenesako fa mandeha araka ny fahamarinana ny zanako.

3 Jaona 1:4 fifaliana fahamarinana zaza

Alakamisy 17 Oktobra 2024

Ary raiso ny malemy finoana, nefa aza, mandray azy hitsaranareo ny eritreriny.

Romana 14:1 finoana fiaraha-monina

Alarobia 16 Oktobra 2024

Mitadiava an'i Jehovah, dieny mbola hita Izy,
Miantsoa Azy, dieny mbola akaiky Izy.

Isaia 55:6 mitady manodidina

Talata 15 Oktobra 2024

Ary mandehana amin'ny fitiavana, toy ny nitiavan'i Kristy anareo, dia ny nanolorany ny tenany ho fanatitra sy ho fanavotana amin'Andriamanitra, ho hanitra ankasitrahana, hamonjy antsika.

Efesiana 5:2 fitiavana sorona Jesosy

Alatsinainy 14 Oktobra 2024

Kanefa any ianao no hitady an'i Jehovah Andriamanitrao ka hahita Azy, raha mitady Azy amin'ny fonao rehetra sy ny fanahinao rehetra.

Deotoronomia 4:29 Andriamanitra valisoa aina

Alahady 13 Oktobra 2024

Mitahy antsika Andriamanitra;
ary hatahotra Azy ny vazan-tany rehetra.

Salamo 67:7 Andriamanitra fanajana fitahiana

Asabotsy 12 Oktobra 2024

Ary sitrano izay marary ao, ka lazao amin'ny olona hoe: Efa mby akaiky anareo ny fanjakan'Andriamanitra.

Lioka 10:9 fahasitranana aretina manodidina

Zoma 11 Oktobra 2024

Ary Jesosy nandeha eran'i Galilia ka nampianatra tao amin'ny synagogan'ny olona teo sy nitory ny filazantsaran'ny fanjakana ary nahasitrana ny aretina rehetra mbamin'ny rofy rehetra tamin'ny olona.

Matio 4:23 fitoriana ny filazantsara fanjakana fahasitranana

Alakamisy 10 Oktobra 2024

Aleo ho tsara laza toy izay ho be harena,
Ary tsara ny fitia noho ny volafotsy sy ny volamena.

Ohabolana 22:1 vola fitiavan-karena fandraisana

Alarobia 9 Oktobra 2024

Kanefa aza mifaly ianareo, satria manaiky anareo ny fanahy; fa mifalia, satria voasoratra any an-danitra ny anaranareo.

Lioka 10:20 fifaliana lanitra fiainana mandrakizay

Avy aminao ny harena sy ny voninahitra, ary Hianao no manjaka amin'izao rehetra izao; eo an-tananao ny hery sy ny tanjaka, ka eo an-tananao koa ny mampahalehibe sy ny mampahatanjaka izao rehetra izao.

1 Tantara 29:12 andriamanitra lehibe tanjaka vola

Alatsinainy 7 Oktobra 2024

Ny lanitra mitory ny voninahitr'Andriamanitra;
ary ny habakabaka manambara ny asan'ny tànany.
Ny andro samy miteny amin'ny andro mandimby azy,
ary ny alina samy manolo-pahalalana amin'ny alina mandimby azy.

Salamo 19:1-2 fiankohofana lanitra

Alahady 6 Oktobra 2024

Ary aza manaraka ny fanaon'izao tontolo izao; fa miovà amin'ny fanavaozana ny saina, hamantaranareo ny sitrapon'Andriamanitra, dia izay tsara sady ankasitrahana no marina.

Romana 12:2 lafatra fankatoavana fiainana

Asabotsy 5 Oktobra 2024

Fa inona no soa azon'ny olona, raha mahazo izao tontolo izao aza, kanefa very ny ainy?

Marka 8:36 fitiavan-bola fitiavan-karena fiainana

Zoma 4 Oktobra 2024

Be saina izay mahatsindry fo;
Fa ny malaky tezitra mampiseho ny fahadalany.

Ohabolana 14:29 fahendresena faharetana mahatakatra

Alakamisy 3 Oktobra 2024

Tsy manao na inona na inona tokoa Jehovah Tompo,
raha tsy milaza ny heviny amin'ny mpaminany mpanompony.

Amosa 3:7 faminaniana fandrindrana fitokisana

Alarobia 2 Oktobra 2024

Nefa, ry malala, izao zavatra iray loha izao no aoka tsy hohadinoinareo: ny indray andro amin'ny Tompo dia toy ny arivo taona, ary ny arivo taona toy ny indray andro.

2 Petera 3:8 Andriamanitra fiverenana faharetana