Usindiso (3/4)

Ndikhokelele enyanisweni yakho, undifundise. Kaloku nguwe, Thixo, umkhululi wam; ndihleli ndikulindele imini yonke. INdumiso 25:5

XHO96

Ndikhokelele enyanisweni yakho, undifundise.
Kaloku nguwe, Thixo, umkhululi wam;
ndihleli ndikulindele imini yonke.
INdumiso 25:5 inyaniso ukufunda ithemba
Yahlukanani nemikhwa emibi nehambo engcolileyo. Mlulameleni uThixo, namkele ilizwi lakhe alifake kuni ezintliziyweni. Lilo elinamandla okunisindisa.
EKAYAKOBI 1:21 ILizwi likaThixo ububi uguqulo
Uthe ke akusulungeka wenziwa umthombo wosindiso olungapheliyo lwabo bamthobelayo.
KUMAHEBHERE 5:9 UMsindisi ubomi obungunaphakade ngokungenatyala
Ngezi ndaba zimnandi kaloku kutyhilwa indlela uThixo asenza amalungisa ngayo: kungokholo qha, njengoko zitshoyo neziBhalo ukuthi: “Ngokholo lwakhe olilungisa uya kudla ubomi.”
KWABASEROMA 1:17 ukholo ubulungisa
Ndigqiba kwelithi ezi ntlungu zangoku azinakufaniswa nobuncwane esiza kubuxhamla.
KWABASEROMA 8:18 ubomi obungunaphakade ukubandezeleka
Wasisindisa. Kwakungengakuba senze misebenzi mihle, kodwa kwakungenxa yenceba yakhe. Wasihlamba ngoMoya oyiNgcwele, wasizala ngokutsha, saza safumana ubomi obutsha.
KUTITO 3:5 uMoya oyiNgcwele ukuzalwa ngokutsha inceba
Othe wakholwa kuNyana, unobomi obungonaphakade. Othe akamthobela uNyana, akayi kubona bomi; ingqumbo kaThixo ihlala ihleli phezu kwakhe.
UYOHANE 3:36 ubomi obungunaphakade ukholo ukuthobela
Ukundivukela kwakho ndikuphuthisile;
isono sakho sithe shwaka okwenkungu.
Buyela kum; ndim umkhululi wakho.
UISAYA 44:22 isono uguqulo umhlawuleli
Wasihlangula egunyeni lobumnyama, waza wasifudusela ekulawulweni nguNyana wakhe oyintanda, lo sifumene kuye inkululeko nokuxolelwa kwezono.
KWABASEKOLOSE 1:13-14 umtyholi UYesu igazi
Kuba kaloku noNyana woLuntu akezanga kukhonzwa, weza kukhonza, nokuncama ubomi bakhe, bube yintlawulelo yokukhulula abaninzi.
UMARKO 10:45 ukuthobeka UYesu umbingelelo
Wona angumqondiso owalatha ubhaptizo olusindisa nina ngoku. Ubhaptizo alukuko ukuhlanjwa kokungcola komzimba, lusisithembiso esenziwa kuThixo ngomxhelo wonke. Lusindisa ngamandla okuvuka kukaKrestu.
1 KAPETROS 3:21 ubhaptizo ukusulungekiswa uvuko
Kambe ke ndiyazi ukuba umkhululi wam ukho;
ekugqibeleni iya kuba nguye otshatshelayo ehlabathini.
UYOBI 19:25 UMsindisi ukukhathazeka
Asingabo bonke abathi kum: ‘Nkosi, Nkosi,’ abaya kubuxhamla ubuncwane bokulawulwa nguThixo; kuphela ngabayenzayo intando kaBawo osezulwini.
UMATEWU 7:21 ukuthobela ubukumkani izulu
Ukuhlangulwa kuvela kuwe, Ndikhoyo;
khawubathamsanqele ke abantu bakho!
INdumiso 3:8 intsikelelo ukuxhomekeka
Kuba othe wathanda ukusindisa ubomi bakhe, wolahlekelwa bubo; kodwa othe wabuncama ubomi bakhe ngenxa yam, nangenxa yeendaba ezimnandi ezi, wobusindisa.
UMARKO 8:35 ukuvangela ubomi
Waza uYesu wabakhangela wathi: “Abantu bona abanako ukuyenza le nto, kodwa yena uThixo unako ukuzenza zonke izinto.”
UMATEWU 19:26 imimangaliso ukuqonda
Utsho uThixo ophakamileyo,
uThixo oyedwa ophila ngonaphakade:
“Ndihlala emajuku-jukwini angayiwayo,
kanti ndiyahlala nasebantwini –
kwabo bazinikelayo bathobekileyo –
ukuze ndibahlaziye abathobekileyo,
ndibakhuthaze abo bazinikelayo.”
UISAYA 57:15 ubungcwele ubomi
Hayi ubuhle beenyawo zesigidimi sibhijel' iintaba,
sipheth' iindaba ezimnandi,
sibhengeza sisithi: “Uxolo lufikile!
Yonk' intw' ilungile! Nal' usindiso!”
Ewe, sibhekisa kwiZiyon sisithi:
“UThixo wakho uyalawula.”
UISAYA 52:7 uxolo ubukumkani
Kambe ke nina niluhlanga olukhethekileyo, ababingeleli basebhotwe, isizwe esinyulu, imilowo yakwaThixo. UThixo unikhethele ukuze nivakalise isidima nesihomo sakhe. Kaloku wanibiza nisebumnyameni, wanizisa ekukhanyeni okumangalisayo.
1 KAPETROS 2:9 ukuvangela ubungcwele ukukhanya
Njengamakholwa aseziintsana langazelelani ubisi olungangxengwanga: ndixela ilizwi likaThixo eliya kunikhulisa nide nisindiswe.
1 KAPETROS 2:2 ukutya ILizwi likaThixo ukuzalwa ngokutsha
Awu, Thixo Somandla, yiba nebuyambo;
velana nathi usisindise!
INdumiso 80:19 ukuxhomekeka usomandla ukukhanya
Kambe ke mna ndijonge kuNdikhoyo;
ewe, ndikholosa ngoThixo olusindiso lwam.
UThixo wam yena uya kundiva.
UMIKA 7:7 ithemba ukuphulaphula
Ndizimela ngaye, nguye ondisindisayo.
Yinqaba yam, soze ndichukunyiswe.
INdumiso 62:2 ukukhuselwa ukuthembeka ukhuseleko
UYesu wasibizela kuye isihlwele kwanabafundi bakhe, wathi kubo: “Othanda ukundilandela makazincame, awuthwale umnqamlezo wakhe, andilandele.”
UMARKO 8:34 UYesu ukulandela ukuzingca
Andifekethi ngesisa sikaThixo; kuba, ukuba umntu ebenokuba lilungisa phambi koThixo ngenxa yokugcina umthetho, loo nto ibiya kuthetha ukuba wafumana wafa uKrestu.
KUMAGALATI 2:21 ubabalo ubulungisa umthetho