Juni 2026

Lawa mazwi engikuyala ngawo namuhla ayakuba senhliziyweni yakho, ubafundise impela wona abantwana bakho, uwakhulume lapho uhlezi endlini yakho, nalapho uhamba endleleni, nalapho ulala, nalapho uvuka.

UDuteronomi 6:6-7 umthetho umndeni izingane

UMsombuluko, Juni 29, 2026

Ngokuba izwi likaJehova lilungile;
zonke izenzo zakhe ziyakholeka.

AmaHubo 33:4 thembekile IZwi likaNkulunkulu iqiniso

ISonto, Juni 28, 2026

Kodwa mina nginitshela iqiniso lokuthi kunilungele ukuba ngimuke; ngokuba uma ngingamuki, uMduduzi kayikuza kini; kepha uma ngimuka, ngiyakumthumela kini.

NgokukaJohane 16:7 umduduzi UMoya ukwamukela

UMgqibelo, Juni 27, 2026

Zanini kimi nina nonke enikhatheleyo nenisindwayo, mina ngizakuniphumuza.

NgokukaMathewu 11:28 ngiyethemba isikhuthazo ukuphumula

ULwesihlanu, Juni 26, 2026

Ogcina umyalo ulonda umphefumulo wakhe,
kepha onganaki izindlela zakhe uyakufa.

IzAga 19:16 umthetho ukuphila okungunaphakade isibi

ULwesine, Juni 25, 2026

Kepha ukukholwa kungukuqiniseka ngezinto ezithenjwayo, kuyiqiniso ngezinto ezingabonwayo.

KumaHeberu 11:1 inkolo iqiniso ngiyethemba

ULwesithathu, Juni 24, 2026

Bona bathi: “Kholwa yiNkosi uJesu, yikhona uzakusindiswa wena nendlu yakho.”

IzEnzo 16:31 inkolo insindiso umndeni

ULwesibili, Juni 23, 2026

Babusisiwe abagcina ubufakazi bakhe,
abamfuna ngenhliziyo yonke.

AmaHubo 119:2 isibusiso ukufuna inhliziyo

UMsombuluko, Juni 22, 2026

Yeka ukujula kwengcebo, nokuhlakanipha, nokwazi kukaNkulunkulu! Yeka izahlulelo zakhe ezingaphenyekiyo, nezindlela zakhe ezingaqondakaliyo!

KwabaseRoma 11:33 UNkulunkulu inhlakanipho ukuqonda

ISonto, Juni 21, 2026

Akakho oke wabona uNkulunkulu; iNdodana ezelwe yodwa esesifubeni sikaYise yiyona embonakalisile.

NgokukaJohane 1:18 UJesu UBaba ukusondela

UMgqibelo, Juni 20, 2026

Ungabi namhawu ngomuntu oyisidlwangudlwangu,
ungakhethi neyodwa yezindlela zakhe,
ngokuba ophambeneyo uyisinengiso kuJehova.
kepha abaqotho bayisifuba sakhe.

IzAga 3:31-32 ukwethemba ukulunga ukuhlela

ULwesihlanu, Juni 19, 2026

Uma kungenzeka, ngokwenu hlalisanani ngokuthula nabantu bonke.

KwabaseRoma 12:18 ukuthula ukuphila umakhelwane

ULwesine, Juni 18, 2026

Ngokuba nganelisile imiphefumulo eyethileyo, ngigcwalisile yonke imiphefumulo enosizi.

UJeremiya 31:25 ukuphepha umphefumulo

ULwesithathu, Juni 17, 2026

Nasi isihlupheki esakhala,
uJehova wezwa,
wasikhulula kuzo zonke izinhlupheko zaso.

AmaHubo 34:6 ukulalela umkhuleko insindiso

ULwesibili, Juni 16, 2026

Uma izwe linizonda, niyazi ukuthi langizonda mina ngaphambi kwenu.

NgokukaJohane 15:18 ushushiso UJesu umhlaba

UMsombuluko, Juni 15, 2026

Ngokuba nabizelwa khona lokho, ngokuba uKristu wahlushwa ngenxa yenu, enishiyela isibonelo sokuba nilandele ezinyathelweni zakhe.

1 kaPetru 2:21 inhlupheko ukulandela ubizo

ISonto, Juni 14, 2026

UJehova uyaphofisa, abesecebisa;
uyathobisa, abesephakamisa.

1 uSamuweli 2:7 imali usomandla ukuthobeka

UMgqibelo, Juni 13, 2026

Ngakho uma nenza okuhle kwabenza okuhle kini, ninakubongwa kuni na? Ngokuba nezoni zenza khona lokho.

NgokukaLuka 6:33 ukulunga umvuzo

ULwesihlanu, Juni 12, 2026

Pho, ubani onganilimaza, uma nishisekela okuhle na?

1 kaPetru 3:13 okuhle okubi umsebenzi

ULwesine, Juni 11, 2026

Yebo, ubuhle beNkosi uNkulunkulu wethu abube phezu kwethu,
umise umsebenzi wezandla zethu phezu kwethu;
yebo, umsebenzi wezandla zethu uwumise.

AmaHubo 90:17 umusa isikhuthazo umsebenzi

ULwesithathu, Juni 10, 2026

Njengokuba amandla akhe obuNkulunkulu esinikile konke okuqondene nokuphila nokumesaba uNkulunkulu ngokumazi yena owasibiza ngenkazimulo nobuhle bakhe.

2 kaPetru 1:3 amandla ukuphila ukwamukela

ULwesibili, Juni 9, 2026

Bhekani izingwababana ukuthi azihlwanyeli, azivuni, azinaxhiba nanqolobane, kepha uNkulunkulu uyazondla; nina nizidlula kakhulu kangakanani izinyoni.

NgokukaLuka 12:24 ukudla ukuphila ukukhathazeka

UMsombuluko, Juni 8, 2026

Ungagodleli abaninikho okuhle,
lapho kusemandleni esandla sakho ukukwenza.

IzAga 3:27 thembeka ukupha isikweletu

ISonto, Juni 7, 2026

Wayesehlala phansi, wababiza abayishumi nambili, wathi kubo: “Uma umuntu ethanda ukuba ngowokuqala, makabe ngowokugcina kubo bonke nesikhonzi sabo bonke.”

NgokukaMarku 9:35 ukuthobeka UJesu ukuqonda

UMgqibelo, Juni 6, 2026

Akungabikho ozifunela okwakhe, kodwa akube yilowo nalowo afunele omunye.

1 kwabaseKorinte 10:24 ubugovu uthando umakhelwane

ULwesihlanu, Juni 5, 2026

Khumbula, Jehova, ububele bakho nomusa wakho,
ngokuba kukhona kwaphakade.
Ungazikhumbuli izono zobusha bami neziphambeko zami;
ngikhumbule ngokomusa
wakho ngenxa yobubele bakho, Jehova.

AmaHubo 25:6-7 isibi isihe okuhle

ULwesine, Juni 4, 2026

Ngithi kini: Kanjalo kuyakuba khona ukuthokoza ezulwini ngesoni sisinye esiphendukayo, kunabalungileyo abangamashumi ayisishiyagalolunye nesishiyagalolunye abangasweli ukuphenduka.

NgokukaLuka 15:7 ukuguqulwa ukuphenduka injabulo