Juni 2026

Le miyalelo ndikunika yona namhlanje mayilawule bonke ubomi bakho. Uze uyibethelele ekufundiseni abantwana bakho, uthethe ngayo xa usekhaya, kanti noba useluhambeni, naxa ulalayo, ngokunjalo naxa uvukayo.

UHLAZIYO-MNQOPHISO 6:6-7 umthetho usapho abantwana

2026 Juni 29, Mvulo

Kaloku ilizwi likaNdikhoyo linyanisekile,
nemisebenzi yakhe yonke inyanisekile.

INdumiso 33:4 ukuthembeka ILizwi likaThixo inyaniso

2026 Juni 28, Cawe

Kodwa ndinixelela inyaniso; kunilungele ukuba ndimke. Ukuba andithanga ndemka, akayi kuza kuni uMmeli; kodwa ukuba ndithe ndemka, ndiya kumthumela kuni.

UYOHANE 16:7 umthuthuzeli Umoya ukwamkela

2026 Juni 27, Mgqibelo

Yizani kum, nina nonke nisindwayo, nibulalekayo; ndoniphumza.

UMATEWU 11:28 ithemba ukhuthazo phumla

2026 Juni 26, Lwesihlanu

Umntu ozithobelayo iziluleko uzuza ubomi;
ke yena ongayikhathaleliyo ihambo yakhe uyafa.

IZAFOBE 19:16 umthetho ubomi obungunaphakade isono

2026 Juni 25, Lwesine

Ukukholwa ke kukuqiniseka ngezinto esinethemba lazo; kukwakukuqiniseka nangobukho bezinto esingaziboniyo.

KUMAHEBHERE 11:1 ukholo inyaniso ithemba

2026 Juni 24, Lwesithathu

Zinikele eNkosini uYesu; uya kusindiswa wena nosapho lwakho.

UMSEBENZI WABATHUNYWA 16:31 ukholo usindiso usapho

2026 Juni 23, Lwesibini

Banoyolo abo bayithobelayo imfundiso kaNdikhoyo,
abayilulamelayo ngomxhelo wabo wonke.

INdumiso 119:2 intsikelelo ukufuna intliziyo

2026 Juni 22, Mvulo

Hayi ke bethu ubukhulu bobuhandiba bukaThixo, nobunzulu bobulumko nokwazi kwakhe! Asikuko nokuba aziphengululeki izigqibo zakhe, azilandeki iindlela zakhe!

KWABASEROMA 11:33 uThixo ubulumko ukuqonda

2026 Juni 21, Cawe

Akukho namnye umntu owakha wambona uThixo. Abantu bamazi uThixo ngokumaziswa nguNyana okukuphela kwakhe, yena okwanguThixo, ohlala ehleli esenyongweni kuYise.

UYOHANE 1:18 UYesu UTata ukusondela

2026 Juni 20, Mgqibelo

Musa ukuyilangazelela inzuzo yomntu okhohlakeleyo;
ndaweni yaloo nto zicezele iindlela zakhe.
Kaloku ulisikizi kuNdikhoyo umntu olitshijolo;
kodwa abathe tye bangamathenjwa akhe.

IZAFOBE 3:31-32 thembela ubulungisa ukucwangcisa

2026 Juni 19, Lwesihlanu

Yenzani unako-nako ukuhlalisana ngoxolo nabantu bonke.

KWABASEROMA 12:18 uxolo ubomi ummelwane

2026 Juni 18, Lwesine

Ndobahlaziya abatyhafileyo, ndibondle abafa yindlala.

UJEREMIYA 31:25 ukhuseleko umphefumlo

2026 Juni 17, Lwesithathu

Lwazibika udwayi, waluva uNdikhoyo,
walukhupha kuzo zonke iinkxwaleko zalo.

INdumiso 34:6 ukuphulaphula umthandazo usindiso

2026 Juni 16, Lwesibini

Ukuba ihlabathi lithe lanithiya, ze nikhumbule okokuba lathiya mna kuqala.

UYOHANE 15:18 intshutshiso UYesu umhlaba

2026 Juni 15, Mvulo

Kakade nabizelwa loo nto; kaloku uKrestu waphatheka kabuhlungu ngenxa yenu, waza ngaloo ndlela wanishiya nomzekelo, ukuze nina nihambe ekhondweni lakhe.

1 KAPETROS 2:21 ukubandezeleka ukulandela ubizo

2026 Juni 14, Cawe

Busesandleni sikaNdikhoyo ubutyebi nobuhlwempu,
ngokunjalo ukuphakanyiswa nokuthotywa.

1 KASAMWELI 2:7 imali usomandla ukuthobeka

2026 Juni 13, Mgqibelo

Xa nithi nenze okulungileyo kwabanenzela okulungileyo bodwa, ninanzuzoni? Kaloku naboni benza kwaloo nto!

ULUKA 6:33 ubulungisa ibuyiselo

2026 Juni 12, Lwesihlanu

Ngubani onganenzakalisayo xa nisenza okulungileyo?

1 KAPETROS 3:13 ukulunga ububi umsebenzi

2026 Juni 11, Lwesine

Nkosi, Thixo, sithamsanqelise!
Siphumelelise kuyo yonke imizamo yethu;
ewe, yiphumelelise yonke imizamo yethu.

INdumiso 90:17 ubabalo ukhuthazo umsebenzi

2026 Juni 10, Lwesithathu

Ngamandla akhe uThixo usenzele zonke izinto eziyimfuneko ebomini, ukuze siziphathe ngokwentando yakhe; nokuze sazane nalowo usibizileyo, khon' ukuze sibuxhamle ubuqaqawuli nesidima sakhe.

2 KAPETROS 1:3 amandla ubomi ukwamkela

2026 Juni 9, Lwesibini

Qondani ngamahlungulu la. Wona akahlwayeli, engavuni nokuvuna; akanasisele, engenavimba; kanti noko uThixo uyawondla! Ke nina nibeke phi na ukuxabiseka kuneentaka!

ULUKA 12:24 ukutya ubomi ukukhathazeka

2026 Juni 8, Mvulo

Musa ukwala nento elungileyo konelungelo ngayo,
ngakumbi xa kusemandleni akho ukumnceda.

IZAFOBE 3:27 ukunyaniseka ukupha ityala

2026 Juni 7, Cawe

UYesu wahlala phantsi, wababiza abafundi abalishumi elinambini, wathi kubo: “Ukuba ubani ufuna ukuba ngoyena mkhulu, makazenze oyena mncinci kubo bonke, abe sisicaka sabo bonke.”

UMARKO 9:35 ukuthobeka UYesu ukuqonda

2026 Juni 6, Mgqibelo

Makungabikho bani ufuna ukulungelwa yedwa; elowo makakhathalele nokwabanye.

1 KWABASEKORINTE 10:24 ukuzingca uthando ummelwane

2026 Juni 5, Lwesihlanu

Khumbula, Ndikhoyo, inceba yakho,
nothando lwakho obukade unalo kwakudala.
Ungazikhumbuli izono zobutsha bam,
nokungathobeli kwam umthetho wakho;
kanye ndazelelele ngothando olungagungqiyo,
ngenxa yobubele bakho, Ndikhoyo.

INdumiso 25:6-7 isono inceba ukulunga

2026 Juni 4, Lwesine

Ndiyanixelela ukuba ngokukwanjalo kuya kubakho uvuyo ezulwini nangomoni omnye oguqukayo kunamashumi alithoba anethoba lamalungisa angaswelanga nguquko.

ULUKA 15:7 uguqulo inguquko uvuyo

2026 Juni 3, Lwesithathu

Izono zethu wazithathela kuye siqu, waxhonywa nazo emnqamlezweni, khon' ukuze thina siyeke ukuphilela ukona, koko siphilele ukulungisa. Ninyangwe ngamanxeba akhe.

1 KAPETROS 2:24 isono ubulungisa ukuphilisa